କ୍ରିକେଟ୍ ଖବର: ଭାରତ ଏବଂ ଶ୍ରୀଲଙ୍କା ମଧ୍ୟରେ ରୋମାଞ୍ଚକର 3 ମ୍ୟାଚ୍ ବିଶିଷ୍ଟ ଟି-ଟ୍ୱେଣ୍ଟି ସିରିଜ ଶେଷ ହୋଇଛି। ଟିମ୍ ଇଣ୍ଡିଆ ଏହି ସିରିଜକୁ 2-1ରେ ଜିତିଛି। ଶ୍ରୀଲଙ୍କାକୁ ପରାଜୟର ସାମ୍ନା କରିବାକୁ ପଡିଛି। ଯାହା ପରେ ବର୍ତ୍ତମାନ କ୍ୟାପଟେନ ଦାସୁନ୍ ଶାନାକା ଏକ ବଡ଼ ବିବୃତ୍ତି ଦେଇଛନ୍ତି।

ଦାସୁନ୍ ଶାନାକା କହିଛନ୍ତି ଯେ,“ମୁଁ ଭାରତ ଆସିବା ପୂର୍ବରୁ ଭଲ ଫର୍ମରେ ନଥିଲି କିନ୍ତୁ ମୁଁ ଏଠାରେ ଖେଳିଥିବା ଫର୍ମକୁ ନେଇ ବହୁତ ଖୁସି। ଏହି ସିରିଜରେ ଆମ ଦଳ ଭଲ ପ୍ରଦର୍ଶନ କରିଛି। ଆମେ ଏଥିରେ ଅନେକ ସକାରାତ୍ମକ ଦିଗ ପାଇଛୁ। ମୁଁ ବୋଲିଂ କରିବାରେ ସକ୍ଷମ ହୋଇ ନାହିଁ କାରଣ ମୋର ଆଙ୍ଗୁଠିରେ ସାମାନ୍ୟ ଆଘାତ ଲାଗିଛି। ନିଶ୍ଚିତ ଭାବରେ ମୁଁ ODI ସିରିଜ୍ ସମୟରେ ବୋଲିଂ କରିବି ଆଉ ଦଳକୁ ସିରିଜ୍ ଜିତାଇବି।"

ତେବେ ଯଦି ଆମେ ତୃତୀୟ ମ୍ୟାଚ ବିଷୟରେ କଥା ହେବା ତେବେ ଟିମ୍ ଇଣ୍ଡିଆର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଟସ୍ ଜିତି ଶ୍ରୀଲଙ୍କା ବିପକ୍ଷ ତୃତୀୟ ଟି-20 ରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଯାହା ଅତ୍ୟନ୍ତ ପ୍ରଭାବଶାଳୀ ବୋଲି ପ୍ରମାଣିତ ହେଲା। ସୂର୍ଯ୍ୟକୁମାର ଯାଦବଙ୍କ ଶତକ ଯୋଗୁଁ ଭାରତ ଧାର୍ଯ୍ୟ 20 ଓଭରରେ 5 ୱିକେଟ୍ ହରାଇ 228 ରନ୍ ସଂଗ୍ରହ କରିଥିଲା।

ଆହୁରି ପଢ଼ନ୍ତୁ: 'ପ୍ଲେୟାର ଅଫ୍ ଦି ସିରିଜ୍' ର ପୁରସ୍କାର ପାଇବା ପରେ ଅକ୍ସର ପଟେଲ ଖୋଲିଲେ ଗୁମର, ପାଣ୍ଡ୍ୟା ବିଷୟରେ କହିଲେ ଏମିତି

229 ରନ୍‌ର ଏକ ବୃହତ୍‌ ଲକ୍ଷ୍ୟକୁ ଆଖି ଆଗରେ ରଖି ଶ୍ରୀଲଙ୍କା ମାତ୍ର 137 ରନ୍ ସ୍କୋର କରିବା ପରେ ଅଲ ଆଉଟ୍ ହୋଇଯାଇଥିଲା। ଏହି କାରଣରୁ ଟିମ୍ ଇଣ୍ଡିଆ ମ୍ୟାଚକୁ 91 ରନରେ ଜିତି ନେଇଥିଲା।