IPL ୨୦୨୫ ର ୧୮ ତମ ସିଜିନର ୩୨ତମ ମ୍ୟାଚରେ ଭରପୁର ଉତ୍ସାହ ଦେଖିବାକୁ ମିଳିଥିଲା। ଯେଉଁଥିରେ ପ୍ରଶଂସକମାନେ ସୁପର ଓଭର ମଧ୍ୟ ଦେଖିବାକୁ ପାଇଥିଲେ। ଦିଲ୍ଲୀ ଏବଂ ରାଜସ୍ଥାନ ମଧ୍ୟରେ ଖେଳାଯାଇଥିବା ମ୍ୟାଚ୍ ୨୦ ଓଭର ପରେ ଟାଇ ହୋଇ ଯାଇଥିଲା। ଯାହା ପରେ ସୁପର ଓଭର ମାଧ୍ୟମରେ ଫଳାଫଳ ନିର୍ଣ୍ଣୟ କରାଯାଇଥିଲା। ସୁପର ଓଭରରେ ପ୍ରଥମେ ବ୍ୟାଟିଂ କରୁଥିବା ରାଜସ୍ଥାନ ମାତ୍ର ୧୧ ରନ୍ କରିପାରିଥିଲା। ମିଚେଲ ଷ୍ଟାର୍କ ଚମତ୍କାର ବୋଲିଂ କରିଥିଲେ।

ଜବାବରେ, କେଏଲ ରାହୁଲ ଏବଂ ଟ୍ରିଷ୍ଟାନ ଷ୍ଟବସ୍ ବ୍ୟାଟିଂ କରିବାକୁ ଆସିଥିଲେ ଏବଂ ୪ ବଲ୍ ମଧ୍ୟରେ ସୁପର ଓଭରରେ ଦଳକୁ ବିଜୟୀ କରାଇଥିଲେ। ଏହି ମ୍ୟାଚ୍ ପରେ, ଦିଲ୍ଲୀ ଅଧିନାୟକ ଅକ୍ଷର ପଟେଲଙ୍କ ଠାରୁ ଏକ ବଡ଼ ପ୍ରତିକ୍ରିୟା ଆସିଥିଲା। ମ୍ୟାଚ୍ ପରେ ସେ ଅନେକ ଆଶ୍ଚର୍ଯ୍ୟଜନକ ଖୁଲାସା କରିଥିଲେ। ଆଜିର ମ୍ୟାଚ୍‌ରେ ଦିଲ୍ଲୀ କ୍ୟାପିଟାଲ୍ସ ଦଳ ପ୍ରଥମ ବ୍ୟାଟିଂରେ ଭୁଲ କରିଥିଲା। ମଧ୍ୟ ଓଭରଗୁଡ଼ିକରେ ଧୀର ବ୍ୟାଟିଂ ଯୋଗୁଁ ଦଳର ସ୍କୋର ୨୦୦ ପାଖାପାଖି ମଧ୍ୟ ପହଞ୍ଚିପାରିଲା ନାହିଁ।

ଏହା ଅକ୍ଷର ପଟେଲଙ୍କ ଆଶୀର୍ବାଦ ଥିଲା ଯିଏ ୧୪ ବଲ୍ ରେ ୩୪ ରନ୍ କରିଥିଲେ। ଯେଉଁଥିପାଇଁ ସ୍କୋର ୧୮୮ ରନରେ ପହଞ୍ଚିଲା। ଫିଲ୍ଡିଂ କରିବା ସମୟରେ, ଖେଳାଳିମାନେ ଅନେକ ସହଜ କ୍ୟାଚ୍ ଛାଡିଥିଲେ। ଯାହା ଯୋଗୁଁ ରାଜସ୍ଥାନ ଦଳ ମ୍ୟାଚ୍‌ରେ ଜୀବିତ ରହିଥିଲା। ଏଥିନେଇ ଅକ୍ସର କିଛି ଏପରି କହିଛନ୍ତି,

''ଅନ୍ତ ଭଲା, ତୋ ସବ ଭଲା'', ଆମେ ଯେଉଁଭଳି ଆରମ୍ଭ କରିଥିଲୁ, ପାୱାରପ୍ଲେ ଯେପରି ଚାଲିଥିଲା। ମୁଁ ଅନୁଭବ କଲି ଯେ ଆମେ ଆଉ ଟିକେ ତ୍ୱରାନ୍ୱିତ କରିପାରିଥାନ୍ତୁ। ନୂଆ ବ୍ୟାଟରଙ୍କ ପାଇଁ ୱିକେଟ ସହଜ ନଥିଲା। ତେବେ ଆମ୍ଭେ ଇଣ୍ଟେଣ୍ଟ ଜାରି ରଖୁଥିଲୁ। କିନ୍ତୁ ବ୍ୟାଟିଂ କରିବା ସମୟରେ, ଆମେ ୧୨ କିମ୍ବା ୧୩ତମ ଓଭର ପରେ ଗତି ପାଇଥିଲୁ। ବଲ୍ ଟି ରହି କରି ଆସୁଥିଲା ଯାହାକି ନୂଆ ବ୍ୟାଟସମ୍ୟାନଙ୍କ ପାଇଁ ସହଜ ନଥିଲା। କିନ୍ତୁ, ସେଟ୍ ବ୍ୟାଟସମ୍ୟାନ୍ ଏହାର ଫାଇଦା ଉଠାଇ ପାରୁଥିଲେ”।

ଦିଲ୍ଲୀର ବିଜୟର ନାୟକ ଥିଲେ ଅଷ୍ଟ୍ରେଲିଆର ବାମହାତୀ ଦ୍ରୁତ ବୋଲର ମିଚେଲ ଷ୍ଟାର୍କ। ୨୦ତମ ଓଭରରେ ରାଜସ୍ଥାନକୁ ଜିତିବା ପାଇଁ ୬ ବଲ୍‌ରେ ୯ ରନ୍ ଆବଶ୍ୟକ ଥିଲା, କିନ୍ତୁ ଷ୍ଟାର୍କ ଏହି ରନ୍‌ଗୁଡ଼ିକୁ ହେବାକୁ ଦେଇନଥିଲେ ଏବଂ ମ୍ୟାଚ୍‌କୁ ଟାଇ କରାଇ ଦେଇଥିଲେ। ସୁପର ଓଭରରେ ବୋଲିଂ କରିବା ସମୟରେ ସେ କେବଳ ୧୧ ରନ କରିବାକୁ ଦେଇଥିଲେ। ଯାହାକୁ ଦିଲ୍ଲୀ ସହଜରେ ହାସଲ କରିନେଇଥିଲା। ବିଜୟ ପରେ, ଅକ୍ଷର ପଟେଲ କଙ୍ଗାରୁ ଖେଳାଳିଙ୍କୁ ପ୍ରଶଂସା କରିଛନ୍ତି, 

"ଯେତେବେଳେ ଦଳ ଜିତିଥାଏ, ତୁମେ ଆତ୍ମବିଶ୍ୱାସ ପାଇଥାଅ। କିନ୍ତୁ ଜଣେ ଅଧିନାୟକ ଭାବରେ, ତୁମେ ଅବଦାନ ଦେବା ବିଷୟରେ ଚିନ୍ତା କର। ତୁମେ ଉଦାହରଣ ସ୍ଥାପନ କରିବାକୁ ଚେଷ୍ଟା କର। ମୁଁ ଆସି ଇଂପ୍ୟାକ୍ଟ ପକାଇବାକୁ ଚେଷ୍ଟା କରିଥିଲି। ମୁଁ କ'ଣ କରିପାରିବି ସେ ବିଷୟରେ ଚିନ୍ତା କଲି ଏବଂ ମୋର ପ୍ରୋସେସ୍ କୁ ଅନୁସରଣ କଲି। ମୁଁ ଭାବୁଛି ମୁଁ ଆଜି ଭଲ ବ୍ୟାଟିଂ ଏବଂ ବୋଲିଂ କରିଥିଲି"। "ମୁଁ ଭାବୁଥିଲି ଯଦି ମିଚେଲ ଭଲ ବୋଲିଂ କରନ୍ତି, ତେବେ ଆମେ ଏହି ମ୍ୟାଚ୍‌ରେ ଜିତିପାରିବୁ। ସେ ପ୍ରାୟ ୧୨ ୟର୍କର୍ ବୋଲିଂ କରିଥିଲେ। ସେଥିପାଇଁ ସେ ଜଣେ ବଡ଼ ଅଷ୍ଟ୍ରେଲିୟ କିମ୍ବଦନ୍ତୀ”।