କ୍ରିକେଟ ଖବର : ଡିସେମ୍ବର 4 ତାରିଖରେ ଭାରତ ଏବଂ ବାଂଲାଦେଶ ଦଳ ମଧ୍ୟରେ 3 ମ୍ୟାଚ୍ ବିଶିଷ୍ଟ ODI ସିରିଜର ପ୍ରଥମ ମ୍ୟାଚ୍ ଶେର୍-ଇ-ବଙ୍ଗଳା ଷ୍ଟାଡିୟମରେ ଖେଳାଯାଇଥିଲା। ଏହି ମ୍ୟାଚରେ ଲିଟନ୍ ଦାସ ଟସ୍ ଜିତି ଟିମ୍ ଇଣ୍ଡିଆକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲେ। ପ୍ରଥମେ ବ୍ୟାଟିଂ କରି ଭାରତୀୟ ଦଳ 186 ରନରେ ଅଲ ଆଉଟ୍ ହୋଇଥିଲା।

ଏଥି ସହିତ ଭାରତୀୟ ବୋଲରମାନେ ଚମତ୍କାର ବୋଲିଂ କରି ଆୟୋଜକ ଦଳର ବ୍ୟାଟ୍ସମ୍ୟାନମାନଙ୍କୁ ଅସୁବିଧାରେ ପକାଇଥିଲେ। କିନ୍ତୁ ମେହେଦି ହାସନ 38 ରନର ଅପରାଜିତ ଇନିଂସ ଖେଳି ଏହି ମ୍ୟାଚକୁ ଭାରତ ହାତରୁ ଛଡ଼ାଇ ଆଣି ତାଙ୍କ ଦେଶକୁ ଜିତାଇଥିଲେ। ବାଂଲାଦେଶ 24 ଟି ବଲ ବାକି ଥାଇ 1 ୱିକେଟରେ ଏହି ମ୍ୟାଚ୍ ଜିତିଥିବାବେଳେ ଏହି ମ୍ୟାଚ୍ ପରେ ଅଧିନାୟକ ଲିଟନ୍ ଦାସ ଏକ ବଡ଼ ପ୍ରତିକ୍ରିୟା ଦେଇଛନ୍ତି।

ପୋଷ୍ଟ ମ୍ୟାଚ ଉପସ୍ଥାପନାରେ କଣ କହିଲେ ଅଧିନାୟକ ଲିଟନ୍ ଦାସ :

ଏହି ମ୍ୟାଚରେ ବାଂଲାଦେଶ ଅଧିନାୟକ ଲିଟନ୍ ଦାସ 41 ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ତାଙ୍କ ବ୍ୟତୀତ ଶାକିବ ଅଲ ହକ 29 ରନର ଇନିଂସ ଖେଳିବା ପରେ ଆଉଟ୍ ହୋଇଥିଲେ। ଏହା ପରେ ସ୍ପିନ୍ ବୋଲର ମେହିଦି ହାସନ ମିରାଜ 38 ରନର ଏକ ଅବିଶ୍ୱସନୀୟ ଇନିଂସ ଖେଳି ଭାରତ ହାତରୁ ମ୍ୟାଚ ଛଡ଼ାଇ ନେଇଥିଲେ।

ସିରିଜର ପ୍ରଥମ ମ୍ୟାଚ ଜିତିବା ପରେ ପୋଷ୍ଟ ମ୍ୟାଚ ଉପସ୍ଥାପନାରେ ବାଂଲାଦେଶ ଅଧିନାୟକ ଲିଟନ୍ ଦାସ କହିଛନ୍ତି ଯେ, " ମୁଁବହୁତ ଖୁସି, ମୁଁ ଡ୍ରେସିଂ ରୁମରେ ବସି ବହୁତ ନର୍ଭସ ଥିଲି। ଗତ 6-7 ଓଭରରେ ମୁଁ ମେହେଦିଙ୍କ ବ୍ୟାଟିଂକୁ ଉପଭୋଗ କରିଥିଲି। ସିରାଜ ଏବଂ ଶାର୍ଦ୍ଦୁଲ ମଧ୍ୟଭାଗରେ ବହୁତ ଭଲ ବୋଲିଂ କରିଥିଲେ। ସେମାନେ ମ୍ୟାଚକୁ ସେମାନଙ୍କ ଆଡକୁ ଟାଣିଥିଲେ। ଯେତେବେଳେ ମୁଁ ଏବଂ ଶାକିବ ବ୍ୟାଟିଂ କରୁଥିଲୁ, ଆମେ ଭାବୁଥିଲୁ ଏହାକୁ ସହଜରେ ହାସଲ କରି ପାରିବୁ, କିନ୍ତୁ ଯେତେବେଳେ ଆମେ ଦୁହେଁ ଆଉଟ୍ ହୋଇଗଲୁ ସେତେବେଳେ ଏହା ଅସମ୍ଭବ ଲାଗିଲା। କିନ୍ତୁ ମେହେଦି ଶେଷ ଭାଗରେ ଭଲ ବ୍ୟାଟିଂ କଲେ। ଆଉ ଦଳକୁ ଜିତାଇବାରେ ପ୍ରମୁଖ ଭୂମିକା ଗ୍ରହଣ କଲେ। 

ଆହୁରି ପଢ଼ନ୍ତୁ : IND vs BAN: କୋହଲିଙ୍କ ଅଜବ ପ୍ରକାରର କ୍ୟାଚ୍ ଧରିଲେ ଲିଟନ୍ ଦାଶ, ନିଜେ ବିରାଟ ହେଲେ ଆଶ୍ଚର୍ଯ୍ୟ, ଦେଖନ୍ତୁ ଭିଡିଓ