କ୍ରିକେଟ ଖବର: ରୋହିତ ଶର୍ମାଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ବହୁତ ଭଲ ପ୍ରଦର୍ଶନ କରୁଛି। ଅଷ୍ଟ୍ରେଲିଆ ବିପକ୍ଷ ବୋର୍ଡର୍-ଗାଭାସ୍କର ସିରିଜରେ ଭାରତୀୟ ଦଳ ଏକ 2-0 ଅଗ୍ରଣୀ ହାସଲ କରିଛି। ଟିମ୍ ଇଣ୍ଡିଆ ପାଇଁ ସ୍ପିନରମାନେ ଆଶ୍ଚର୍ଯ୍ୟଜନକ ପ୍ରଦର୍ଶନ କରିଛନ୍ତି। ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ ଭାରତୀୟ ସ୍ପିନରଙ୍କ ସାମ୍ନାରେ ତିଷ୍ଠି ପାରି ନାହାଁନ୍ତି। ଅନ୍ୟପଟେ ତିନି ଜଣ ଭାରତୀୟ ଖେଳାଳିଙ୍କୁ ଅଷ୍ଟ୍ରେଲିଆ ବିପକ୍ଷରେ ଗୋଟିଏ ବି ସୁଯୋଗ ମିଳିନାହିଁ।  ଯେତେବେଳେ କି ଏହି ଖେଳାଳିମାନେ ଉତ୍କୃଷ୍ଟ ଫର୍ମରେ ଅଛନ୍ତି। 

ଏହି ସ୍ପିନରଙ୍କୁ ଦଳରେ ମିଳୁନି ସୁଯୋଗ:

ଅଷ୍ଟ୍ରେଲିଆ ବିପକ୍ଷ ପ୍ରଥମ ଦୁଇଟି ଟେଷ୍ଟରେ କୁଲଦୀପ ଯାଦବଙ୍କୁ ସୁଯୋଗ ମିଳିନାହିଁ କାରଣ ଦଳରେ ପୂର୍ବରୁ ଥିବା ତିନି ଜଣ ସ୍ପିନର ବିଶେଷ ଭଲ ପ୍ରଦର୍ଶନ କରିଛନ୍ତି। ଅକ୍ସର ପଟେଲ ବ୍ୟାଟିଂ କରିବା ସହିତ ବୋଲିଂରେ ମଧ୍ୟ ପାରଙ୍ଗମ।କୁଲଦୀପ ଏଥିରେ ପଛରେ ପଡିଥିବା ନଜର ଆସିଛନ୍ତି। ତେବେ ସେ ବାଂଲାଦେଶ ବିପକ୍ଷରେ ତାଙ୍କର ଶେଷ ଟେଷ୍ଟ ମ୍ୟାଚ୍ ଖେଳିଥିଲେ ଯେଉଁଥିରେ ସେ ମ୍ୟାନ୍ ଅଫ୍ ଦି ମ୍ୟାଚ୍ ହୋଇଥିଲେ ମଧ୍ୟ ଅଷ୍ଟ୍ରେଲିଆ ବିପକ୍ଷରେ ବାକି ଦୁଇଟି ଟେଷ୍ଟ ମ୍ୟାଚ୍ ଖେଳିବା ତାଙ୍କୁ କଷ୍ଟକର ହୋଇପଡିଛି। ସେ ଟିମ୍ ଇଣ୍ଡିଆ ପାଇଁ 8 ଟି ଟେଷ୍ଟ ମ୍ୟାଚରେ 34 ୱିକେଟ୍ ନେଇଛନ୍ତି।

ଭଲ ଫର୍ମରେ ଅଛନ୍ତି ଏହି ୱିକେଟ୍ କିପର:

ବାଂଲାଦେଶ ବିପକ୍ଷ ତୃତୀୟ ODI ରେ ଇଶାନ କିଶନ 210 ରନ ସ୍କୋର କରିଥିଲେ। ଏହା ପରେ ସେ ନ୍ୟୁଜିଲାଣ୍ଡ ବିପକ୍ଷରେ ମଧ୍ୟ ସୁଯୋଗ ପାଇଥିଲେ।  ସେ ଜଣେ ଖେଳାଳି ଯିଏ ଇନିଂସ ଆରମ୍ଭରେ ଭଲ ବ୍ୟାଟିଂ କରିବାରେ ବିଶେଷଜ୍ଞ ଅଟନ୍ତି। ତାଙ୍କର ୱିକେଟ୍ ରକ୍ଷକ କୌଶଳ ମଧ୍ୟ ଆଶ୍ଚର୍ଯ୍ୟଜନକ। ତେବେ ଇଶାନ ଏପର୍ଯ୍ୟନ୍ତ ଟିମ୍ ଇଣ୍ଡିଆ ପାଇଁ ଟେଷ୍ଟ ଡେବ୍ୟୁ କରିନାହାଁନ୍ତି।  ଅଷ୍ଟ୍ରେଲିଆ ବିପକ୍ଷ ପ୍ରଥମ ଦୁଇଟି ଟେଷ୍ଟରେ ଖେଳିଥିବା କେ.ଏସ୍ ଭରତ ପ୍ରଭାବିତ କରିବାରେ ବିଫଳ ହୋଇଛନ୍ତି। ତାଙ୍କ ବ୍ୟାଟରୁ ରନ୍ ଆସିନାହିଁ। ଏହା କାରଣରୁ ତୃତୀୟ ଟେଷ୍ଟରେ ଇଶାନ କିଶନଙ୍କୁ ସୁଯୋଗ ଦିଆଯିବ ବୋଲି ଚର୍ଚ୍ଚା ହେଉଛି। 

ଆହୁରି ପଢ଼ନ୍ତୁ: IND vs AUS: ଆଉ ମାତ୍ର 2ଟି ୱିକେଟ୍ ନେଲେ କପିଲ ଦେବଙ୍କ ଏହି ବଡ ରେକର୍ଡକୁ ଭାଙ୍ଗିବେ ଅଶ୍ୱିନ୍

ଏହି ଦ୍ରୁତ ବୋଲରଙ୍କୁ ମିଳୁନାହିଁ ସୁଯୋଗ:

ଉମେଶ ଯାଦବଙ୍କୁ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ମ୍ୟାଚରେ ଖେଳିବାର ସୁଯୋଗ ମଧ୍ୟ ମିଳିନାହିଁ। ଗତି ହେଉଛି ତାଙ୍କର ସବୁଠାରୁ ବଡ ଶକ୍ତି। ତଥାପି ତାଙ୍କୁ ଚୂଡାନ୍ତ ଏକାଦଶରେ ସାମିଲ୍ କରି ନାହାନ୍ତି ରୋହିତ। ଉମେଶ ଏହାପୂର୍ବରୁ ନିଜେ ଟିମ୍ ଇଣ୍ଡିଆ ପାଇଁ ଅନେକ ମ୍ୟାଚ୍ ଜିତାଇଛନ୍ତି। ଟିମ୍ ଇଣ୍ଡିଆର ଖେଳୁଥିବା ଏକାଦଶରେ ଉପସ୍ଥିତ ଥିବା ମହମ୍ମଦ ଶାମି ଏବଂ ମହମ୍ମଦ ସିରାଜ ପ୍ରଥମ ଟେଷ୍ଟ ଓ ଦ୍ଵିତୀୟ ଟେଷ୍ଟ ମ୍ୟାଚରେ ଭଲ ପ୍ରଦର୍ଶନ କରିଛନ୍ତି। ଏଭଳି ପରିସ୍ଥିତିରେ ଉମେଶ ଯାଦବ ସ୍ଥାନ ପାଇବା କଷ୍ଟକର ହୋଇପଡୁଛି। ସେ ଏଯାବତ ଭାରତ ପାଇଁ 54 ଟେଷ୍ଟରେ 165ଟି ୱିକେଟ୍ ନେଇଛନ୍ତି।