କ୍ରିକେଟ୍ ଖବର: ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଚାଲିଥିବା ତିନିଟି ଦିନିକିଆ ସିରିଜର ଦ୍ୱିତୀୟ ମ୍ୟାଚ୍ ଛତିଶଗଡର ରାୟପୁର ଷ୍ଟାଡିୟମରେ ଖେଳାଯାଇଛି। ଆଉ ଏହି ମ୍ୟାଚକୁ ଟିମ୍ ଇଣ୍ଡିଆ 8 ୱିକେଟରେ ଜିତିଛି।ଆଉ ସିରିଜକୁ ମଧ୍ୟ 2-0 ରେ କବ୍ଜା କରିବାରେ ସଫଳ ହୋଇଛି। ତେବେ ଭାରତୀୟ କ୍ରିକେଟ୍ ପାଇଁ ଏହି ମ୍ୟାଚ୍ ଅତ୍ୟନ୍ତ ଐତିହାସିକ ମ୍ୟାଚ ହୋଇଛି। 

ଏହି ମ୍ୟାଚ୍ ସମୟରେ ଟସ୍ ହେବା ମାତ୍ରେ ଭାରତୀୟ କ୍ରିକେଟ୍ ତାଙ୍କ ନାମରେ ଏକ ବଡ଼ ରେକର୍ଡ ସୃଷ୍ଟି କରିଥିଲା।  ଭାରତୀୟ କ୍ରିକେଟ୍ ଏପରି ଏକ ସଫଳତା ହାସଲ କରିଛି ଯାହା ପୂର୍ବରୁ ବିଶ୍ୱର କୌଣସି ଦେଶ କରିପାରିନଥିଲେ। ଆସନ୍ତୁ ଜାଣିବା ଏହି ରେକର୍ଡ ବିଷୟରେ....

ଦ୍ଵିତୀୟ ଦିନିକିଆରେ ସୃଷ୍ଟି ହେଲା ଏହି ରେକର୍ଡ:

ରାୟପୁରର ସହିଦ ବୀର ନାରାୟଣ ସିଂ ଇଣ୍ଟରନ୍ୟାସନାଲ କ୍ରିକେଟ୍ ଷ୍ଟାଡିୟମ୍ ହେଉଛି ଭାରତର 50 ତମ ସ୍ଥାନ ଯେଉଁଠାରେ ଆନ୍ତର୍ଜାତୀୟ ODI ମ୍ୟାଚ୍ ଖେଳାଯାଇଥିଲା। ଏହା ସହିତ ଭାରତ ହେଉଛି ବିଶ୍ୱର ପ୍ରଥମ ଦେଶ ଯେଉଁଠାରେ 50 ଟି କ୍ରିକେଟ୍ ଷ୍ଟାଡିୟମରେ ଅନ୍ତର୍ଜାତୀୟ ODI ମ୍ୟାଚ୍ ଖେଳାଯାଇଛି।

ଅଷ୍ଟ୍ରେଲିଆ, ନ୍ୟୁଜିଲ୍ୟାଣ୍ଡ ଏବଂ ଇଂଲଣ୍ଡ ଭଳି ଦେଶ ମଧ୍ୟ ଏହି ପ୍ରସଙ୍ଗରେ ଭାରତଠାରୁ ବହୁ ପଛରେ ଅଛନ୍ତି। ଆପଣଙ୍କୁ କହିରଖୁଛୁ ଯେ ସହିଦ ବୀର ନାରାୟଣ ସିଂ ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମର ଦର୍ଶକଙ୍କ କ୍ଷମତା 60 ହଜାରରୁ ଅଧିକ ଏବଂ ଏହା ଭାରତର ତୃତୀୟ ବୃହତ୍ତମ କ୍ରିକେଟ୍ ଷ୍ଟାଡିୟମ୍ ଅଟେ। 

ଆହୁରି ପଢ଼ନ୍ତୁ: ରୋହିତ ଜିତିଲେ ହୃଦୟ, LIVE ମ୍ୟାଚରେ ପଡ଼ିଆରେ ପ୍ରବେଶ କରିଥିବା ଛୋଟ ପ୍ରଶଂସକଙ୍କୁ କଲେ ଆଲିଙ୍ଗନ, ସିକୁରିଟି ଙ୍କୁ କହିଲେ "ତାଙ୍କ ସହ କିଛି କର ନାହିଁ"