କ୍ରିକେଟ ଖବର : ଆଜି ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଚାଲିଥିବା ତିନି ମ୍ୟାଚ୍ ବିଶିଷ୍ଟ ODI ସିରିଜର ତୃତୀୟ ତଥା ଶେଷ ମ୍ୟାଚ୍ ଖ୍ରୀଷ୍ଟଚର୍ଚର ଓଭାଲ ଗ୍ରାଉଣ୍ଡରେ ଖେଳାଯାଇଥିଲା। ପ୍ରଥମେ ବ୍ୟାଟିଂ କରି ଭାରତ 219 ରନ୍ ସ୍କୋର କରିଥିଲା। ଏହାର ଉତ୍ତରରେ ନ୍ୟୁଜିଲ୍ୟାଣ୍ଡ ଦଳ ଗୋଟିଏ ୱିକେଟ୍ ହରାଇ 104 ରନ୍ ସଂଗ୍ରହ କରିଥିଲା, କିନ୍ତୁ ବର୍ଷା ହେତୁ ଦୀର୍ଘ ସମୟ ଅପେକ୍ଷା କରିବା ପରେ ମ୍ୟାଚ୍ ବାତିଲ ଘୋଷଣା କରାଯାଇଥିଲା। 

ମ୍ୟାଚ୍‌ର କୌଣସି ଫଳାଫଳ ନ ଥିବାରୁ ନ୍ୟୁଜିଲ୍ୟାଣ୍ଡ ଦଳ ସିରିଜକୁ 1-0ରେ ଜିତି ନେଇଥିଲା। ଦୁଇଟି ମ୍ୟାଚରେ ବର୍ଷା ହେତୁ ଏହି ସିରିଜର ରେଜଲ୍ଟ ସନ୍ତୋଷଜନକ ରହିଲା ନାହିଁ। ତେବେ କ୍ୟାପଟେନ ଶିଖର ଧାୱନ ଭାରତୀୟ ଦଳର ଏହି ସିରିଜ ପରାଜୟକୁ ନେଇ ଅତ୍ୟନ୍ତ ନିରାଶ ହୋଇଛନ୍ତି। 

ଆହୁରି ପଢ଼ନ୍ତୁ : ଦେଖନ୍ତୁ ଭିଡ଼ିଓ: କ୍ରମାଗତ ତୃତୀୟ ODI ରେ ଅତି ଖରାପ ସଟ୍ ଖେଳି ରିଷଭ ପନ୍ତ ହେଲେ ଆଉଟ, ପ୍ରଶଂସକମାନେ କ୍ରୋଧିତ ହୋଇ କହିଲେ ଏମିତି

ନ୍ୟୁଜିଲାଣ୍ଡ ବିପକ୍ଷ ସିରିଜ୍ ଜିତିନଥିବାରୁ ଶିଖର ଧାୱନ ମ୍ୟାଚ ଉପସ୍ଥାପନାରେ ଅତ୍ୟନ୍ତ ନିରାଶ ହୋଇଥିଲେ, ସେ ଦଳର ପରାଜୟର କାରଣ ବର୍ଣ୍ଣନା କରି କହିଥିଲେ ଯେ ଆମକୁ ବୋଲିଂରେ ଅଧିକ ଶିଖିବାକୁ ପଡ଼ିବ।

ସିରିଜ୍ ହାରିବା ପରେ କଣ କହିଲେ କ୍ୟାପଟେନ୍ ଶିଖର ଧାୱନ :

ସେ କହିଛନ୍ତି ଯେ, “ବାଂଲାଦେଶ ଯିବା ପୂର୍ବରୁ ଆମେ ଆଶା କରୁଛୁ ସେଠାରେ ଭଲ ପାଗ ମିଳିବ। ଆମେ ଏକ ଯୁବ ଦଳ। ବୋଲରମାନଙ୍କୁ ଭଲ ଲମ୍ବରେ ଅଧିକ ବୋଲିଂ ଶିଖିବାକୁ ପଡିବ। ଏହି ସମୟରେ ଆମେ ଟିକିଏ ପଛରେ ଥିଲୁ। କିନ୍ତୁ ସମସ୍ତ ବରିଷ୍ଠ ଖେଳାଳି ଆଗାମୀ ସିରିଜରେ ଫେରୁଛନ୍ତି। ଏହା ଏକ ଭଲ ଖବର। ଆଗାମୀ ବିଶ୍ୱକପ 2023 କୁ ଦେଖିଲେ, ଆମ ପାଇଁ ଏସିଆ ଦେଶରେ ଯଥାସମ୍ଭବ କ୍ରିକେଟ୍ ରହିବା ଭଲ ହେବ।  ବିଶ୍ୱକପ୍ ପାଇଁ ଛୋଟ ଛୋଟ ଜିନିଷ ମଧ୍ୟ ସଂଶୋଧନ କରିବା ସବୁଠାରୁ ଗୁରୁତ୍ୱପୂର୍ଣ୍ଣ। ବୋଲିଂରେ ଆମକୁ ଧ୍ୟାନ ଦେବାକୁ ପଡିବ।