ଆଇପିଏଲର ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଏହା ଯେ, ଅନ୍ତର୍ଜାତୀୟ କ୍ରିକେଟ୍ ବ୍ୟତୀତ ବିବିଏଲ୍ ଏବଂ ପାକିସ୍ତାନ ସୁପରଲିଗରେ ଭଲ ପ୍ରଦର୍ଶନ କରୁଥିବା ଖେଳାଳିଙ୍କୁ ମଧ୍ୟ ଅନେକ ଥର ଆଇପିଏଲ୍ ନିଲାମରୁ ଖାଲି ହାତକୁ ଯିବାକୁ ପଡିଛି।  ଆଜି, ଏହି ଆର୍ଟିକିଲ୍ ମାଧ୍ୟମରେ, ଆମେ ଆପଣଙ୍କୁ ଏପରି ୫ ଜଣ କିମ୍ବଦନ୍ତୀ ବିଦେଶୀ ଖେଳାଳିଙ୍କ ବିଷୟରେ କହିବାକୁ ଯାଉଛୁ, ଯେଉଁମାନେ କେବେବି ଆଇପିଏଲରେ ଖେଳି ନାହାନ୍ତି। 

୧) ଜେମ୍ସ ଆଣ୍ଡରସନ୍ :

ଇଂଲଣ୍ଡ କ୍ରିକେଟ୍ ଦଳର ଘାତକ ଦ୍ରୁତ ବୋଲର ଜେମ୍ସ ଆଣ୍ଡରସନ୍ ଗତ ଏକ ଦଶନ୍ଧି ଧରି ବିଶ୍ୱ କ୍ରିକେଟ୍ ଉପରେ ରାଜ୍ କରିଛନ୍ତି। ବିଶେଷକରି ଟେଷ୍ଟ କ୍ରିକେଟ୍ ଫର୍ମାଟରେ ଜେମ୍ସଙ୍କ ନାମରେ ଅନେକ ରେକର୍ଡ ରହିଛି। ଜେମ୍ସ ଇଂଲଣ୍ଡ ପାଇଁ ୧୬୦ ଟି ଟେଷ୍ଟ ମ୍ୟାଚରେ ୬୧୪ଟି ୱିକେଟ୍ ନେଇଛନ୍ତି। ଆଜି ମଧ୍ୟ ଏହି ୩୯ ବର୍ଷୀୟ ଖେଳାଳିଙ୍କର ଚମତ୍କାର ଫିଟନେସ୍ ରହିଛି। ତେବେ ଜେମ୍ସ ଆଣ୍ଡରସନ୍ କିଛି ବର୍ଷ ପୂର୍ବେ ସୀମିତ ଓଭର ଫର୍ମାଟରୁ ନିଜକୁ ଦୂରେଇ ଦେଇଛନ୍ତି। ସେ ୨୦୦୯ ମସିହାରେ ତାଙ୍କର ଶେଷ ଟି-୨୦ ମ୍ୟାଚ୍ ଖେଳିଥିଲେ। ତାଙ୍କର ଟି-୨୦ ଆନ୍ତର୍ଜାତୀୟ କ୍ୟାରିୟରରେ ସେ ୧୯ ଟି ମ୍ୟାଚରେ ୧୮ଟି ୱିକେଟ୍ ନେଇଛନ୍ତି। ତେବେ ଆଣ୍ଡରସନ୍ କୌଣସି ଫ୍ରାଞ୍ଚାଇଜ୍ କ୍ରିକେଟ୍ ରେ ଭାଗ ନେଇ ନାହାଁନ୍ତି। ଏପରି ପରିସ୍ଥିତିରେ, ଯଦି ଏହି ଖେଳାଳି ଆଇପିଏଲ ଖେଳିବେ ତେବେ ତାଙ୍କର ନାମରେ ଅନେକ ରେକର୍ଡ ସୃଷ୍ଟି କରିବେ ବୋଲି ଆଲୋଚନା ହେଉଛି।

୨) ମହମ୍ମଦ ଶାହାଜାଦ :

ସମଗ୍ର ବିଶ୍ୱରେ ଟି-୨୦ କ୍ରିକେଟର ପ୍ରଶଂସକମାନେ ମହମ୍ମଦ ଶାହାଜାଦଙ୍କ ବ୍ୟାଟିଂ ଶୈଳୀ ବିଷୟରେ ଭଲ ଭାବରେ ଜାଣିଥିବେ। ଆଫଗାନିସ୍ତାନ ଦଳର ଏହି ଖେଳାଳି ତାଙ୍କ ଦଳରେ ଦ୍ରୁତତମ ରନ୍ ସ୍କୋର କରିବାରେ ବେଶ ଜଣାଶୁଣା। ଆନ୍ତର୍ଜାତୀୟ ସ୍ତରରେ ଆଫଗାନିସ୍ତାନ ଦଳର ସଫଳତାରେ ମହମ୍ମଦ ଶାହାଜାଦଙ୍କର ବହୁତ ଅବଦାନ ରହିଛି। ତେବେ ମହମ୍ମଦ ଶାହାଜାଦଙ୍କର ଖେଳକୁ ଦେଖିଲେ ସେ ଆଇପିଏଲର ଏକ ଦଳରେ ସ୍ଥାନ ପାଇବା ଉଚିତ୍ ବୋଲି ଆଲୋଚନା ହେଉଛି। ଶାହଜାଦ୍ ୭୦ଟି ଟି-୨୦ ଟି ରେ ୨୦୧୫ ରନ୍ ସ୍କୋର କରିଛନ୍ତି, ଯେଉଁଥିରେ ୧୨ଟି ପଚାଶ ଏବଂ ଗୋଟିଏ ଶତକ ରହିଛି। ସୀମା ବାହାରେ ଯେକୌଣସି ବଲ୍ ମାରିବାର କ୍ଷମତା ଶାହାଜାଦଙ୍କ ପାଖରେ ରହିଛି। 

୩) ମୁଶଫିକୁର ରହୀମ :

ବାଂଲାଦେଶ କ୍ରିକେଟ୍ ଦଳର ଡାହାଣହାତୀ ୱିକେଟ୍ କିପର ବ୍ୟାଟ୍ସମ୍ୟାନ୍ ମୁଶଫିକୁର ରହୀମ୍ ବର୍ତ୍ତମାନ ବିଶ୍ୱ କ୍ରିକେଟ୍ ରେ ସବୁଠାରୁ ଅଭିଜ୍ଞ ୱିକେଟ୍ କିପର ବ୍ୟାଟ୍ସମ୍ୟାନ୍ ଅଟନ୍ତି।  ଏହି ୩୫ ବର୍ଷୀୟ ଖେଳାଳି ଅନ୍ତର୍ଜାତୀୟ କ୍ରିକେଟ୍ ରେ ପାଦ ଦେବାର ୧୫ ବର୍ଷରୁ ଅଧିକ ସମୟ ହୋଇ ଗଲାଣି। ରହୀମ ବାଂଲାଦେଶ କ୍ରିକେଟର କିମ୍ବଦନ୍ତୀ ଖେଳାଳିମାନଙ୍କ ମଧ୍ୟରୁ ଅନ୍ୟତମ।ମୁଶଫିକୁର ରହୀମ ବାଂଲାଦେଶ ପାଇଁ ୨୦୦ ରୁ ଅଧିକ ଦିନିକିଆ ମ୍ୟାଚ ଖେଳିଛନ୍ତି। ଏହା ବ୍ୟତୀତ ସେ ୯୯ ଟି ଟି-୨୦ ମ୍ୟାଚରେ ୧୪୫୬ ରନ୍ ସଂଗ୍ରହ କରି ବାଂଲାଦେଶକୁ ଅନେକ ମ୍ୟାଚ୍ ଜିତାଇଛନ୍ତି। କିନ୍ତୁ ଏହା ସତ୍ତ୍ୱେ ରହୀମ ଆଇପିଏଲରେ ନିଜର ସ୍ଥାନ ସୃଷ୍ଟି କରିବାରେ ବିଫଳ ହୋଇଛନ୍ତି।

୪) ଜୋ ରୁଟ୍ : 

ଇଂଲଣ୍ଡ କ୍ରିକେଟ୍ ଦଳର ଅଧିନାୟକ ଜୋ ରୁଟ୍ ବର୍ତ୍ତମାନ ଦୁନିଆର ଶ୍ରେଷ୍ଠ ବ୍ୟାଟ୍ସମ୍ୟାନ୍ ଅଟନ୍ତି। କିନ୍ତୁ ଏହା ପରେ ବି ୨୦୧୮ ମସିହା ଆଇପିଏଲ୍ ନିଲାମରେ ଜୋ ରୁଟଙ୍କୁ କେହି ବି କିଣିନଥିଲେ। ଏହାର ସବୁଠାରୁ ବଡ କାରଣ ହେଉଛି ସେ ଜଣେ ଟେଷ୍ଟ ପ୍ଲେୟାର। ଟେଷ୍ଟରେ ଜୋ ରୁଟ ବହୁତ ଭଲ ଖେଳୁଛନ୍ତି। ମାତ୍ର , ସୂଚନାଯୋଗ୍ୟ ଯେ, ଏହି ଡାହାଣହାତୀ ବ୍ୟାଟ୍ସମ୍ୟାନ ଜଣଙ୍କ ଟି-୨୦ ଫର୍ମାଟରେ ମଧ୍ୟ ନିଜର ଭଲ ଖେଳ ଦେଖାଇଛନ୍ତି। ରୁଟ୍ ୩୨ଟି ଟି-୨୦ ମ୍ୟାଚ୍ ରେ ୮୯୩ ରନ୍ ସଂଗ୍ରହ କରିଛନ୍ତି। ରୁଟଙ୍କ କାରଣରୁ ୨୦୧୬ ଆଇସିସି ଟି-୨୦ ବିଶ୍ୱକପ୍ ଫାଇନାଲରେ ଇଂଲାଣ୍ଡ ଦଳ ପହଞ୍ଚିବାରେ ସଫଳ ହୋଇଥିଲା। କିନ୍ତୁ ଏହି ସମସ୍ତ ଆକଳନ ପରେ ବି ରୁଟ୍ କେବେବି ଆଇପିଏଲରେ ଖେଳିବା ପାଇଁ ସୁଯୋଗ ପାଇନାହାନ୍ତି , ଯାହା ସବୁଠାରୁ ଆଶ୍ଚର୍ଯ୍ୟର କଥା। 

୫) ବାବର ଆଜାମ :

ପାକିସ୍ତାନର ଡାହାଣହାତୀ ବ୍ୟାଟ୍ସମ୍ୟାନ୍ ବାବର ଆଜମଙ୍କୁ ସବୁବେଳେ ବିରାଟ କୋହଲିଙ୍କ ସହ ତୁଳନା କରାଯାଏ।  ବର୍ତ୍ତମାନ, ବାବର ବିଶ୍ୱର ୧ ନମ୍ବର ଟି-୨୦ ବ୍ୟାଟ୍ସମ୍ୟାନ୍।  ବାବର ପାକିସ୍ତାନ ପାଇଁ ତିନୋଟିଯାକ ଫର୍ମାଟରେ ଖେଳନ୍ତି । ସାଧାରଣତଃ ବ୍ୟାଟିଂ କ୍ରମରେ ସେ ୩ ନମ୍ବରରେ ବ୍ୟାଟିଂ କରୁଥିବାର ନଜର ଆସିଛନ୍ତି। ଅନ୍ୟପଟେ ବାବର ଟି-୨୦ ବିଶ୍ୱକପ ୨୦୨୧ରେ ପାକିସ୍ତାନ ଦଳର ଅଧିନାୟକ ମଧ୍ୟ ହୋଇଥିଲେ। ବାବରଙ୍କ ଅଧିନାୟକତ୍ୱରେ ପାକିସ୍ତାନ ଏହି ଟୁର୍ନାମେଣ୍ଟର ସେମିଫାଇନାଲରେ ପ୍ରବେଶ କରିଥିଲା। ତେବେ ଭାରତ ଏବଂ ପାକିସ୍ତାନ ମଧ୍ୟରେ ତିକ୍ତତା ସମ୍ପର୍କ ହେତୁ ପାକିସ୍ତାନୀ ଖେଳାଳିଙ୍କୁ ଆଇପିଏଲ ଖେଳିବାକୁ ଦିଆଯାଇନଥାଏ।  ତେଣୁ ବାବର ଆଜାମ କେବେବି ଆଇପିଏଲରେ ଭାଗ ନେଇ ପାରିବେ ନାହିଁ।