ୱାନଖେଡେ ଷ୍ଟାଡିୟମରେ ସୂର୍ଯ୍ୟକୁମାର ଯାଦବଙ୍କୁ କିଙ୍ଗ୍ ଭାବରେ ବିବେଚନା କରାଯାଏ। କାରଣ ସେ ଏହି ଗ୍ରାଉଣ୍ଡରେ ବ୍ୟାଟିଂ କରିବା ସମୟରେ ଆହୁରି ମାରାତ୍ମକ ହୋଇଥାନ୍ତି ଏବଂ ଶୁକ୍ରବାର ଖେଳାଯାଇଥିବା ମ୍ୟାଚରେ ସେ କିଛି ଏମିତି କରିଥିଲେ। ସେ ଚମତ୍କାର ବ୍ୟାଟିଂ କରି ଆଇପିଏଲରେ ପ୍ରଥମ ଶତକ ହାସଲ କରିଥିଲେ।

ଏହି ଇନିଂସକୁ ତାଙ୍କର ଶ୍ରେଷ୍ଠ ବୋଲି ବର୍ଣ୍ଣନା କରି ସେ ପୋଷ୍ଟ ମ୍ୟାଚରେ କହିଛନ୍ତି, ଏହା ମୋର ଶ୍ରେଷ୍ଠ ଟି -20 ଇନିଂସ ମଧ୍ୟରୁ ଗୋଟିଏ ବୋଲି କହିପାରେ। ଯେତେବେଳେ ବି ମୁଁ ରନ୍ ସ୍କୋର କରେ, ମୁଁ ଅନୁଭବ କରେ ଯେ ଦଳ ଜିତିବା ଉଚିତ୍। ଗ୍ରାଉଣ୍ଡରେ ବହୁତ କାକର ଥିଲା, ଏହା 7-8 ଓଭରରୁ ଥିଲା ଏବଂ ମୁଁ ଜାଣିଥିଲି କେଉଁ ଶଟ ଖେଳିବା ଉଚିତ। ମୁଁ ସିଧା ମାରିବାକୁ ଚିନ୍ତା କରୁ ନଥିଲି, ମୋ ମନରେ ଦୁଇଟି ସଟ୍ ଥିଲା। ଯାହାର ଖେଳ ପୂର୍ବରୁ ବହୁତ ଅଭ୍ୟାସ ଅଛି, ତେଣୁ ଯେତେବେଳେ ମୁଁ ଖେଳିବାକୁ ଆସେ ମୁଁ ବହୁତ ସ୍ପଷ୍ଟ ହୋଇ ନିଜକୁ ପ୍ରମାଣ କରୁଛି। "

ସୂଚନାଯୋଗ୍ୟ ଯେ, ଆଇପିଏଲର 16 ତମ ସିଜନରେ ସୁର୍ଯ୍ୟକୁମାର ଯାଦବଙ୍କ ଭଲ ଫର୍ମରେ ଦେଖାଯାଉଛନ୍ତି।  ସେ 11 ଟି ମ୍ୟାଚରେ 469 ରନ୍ ସଂଗ୍ରହ କରିଛନ୍ତି।  ଏହି ସମୟ ମଧ୍ୟରେ ଗୁଜରାଟ ବିପକ୍ଷରେ ସେ ଶତକ ହାସଲ କରିଛନ୍ତି। ଆଉ 4ଟି ଅର୍ଦ୍ଧଶତକ ବି ଚଳିତ ସିଜନରେ ତାଙ୍କ ବ୍ୟାଟରୁ ଦେଖିବାକୁ ମିଳିଥିଲା। ଗୁଜୁରାଟ ବିପକ୍ଷରେ ଖେଳୁଥିବା ବେଳେ ସୂର୍ଯ୍ୟ 49 ବଲରୁ 103 ର ଚମତ୍କାର ଇନିଂସ ଖେଳିଥିଲେ। ଏହା ତାଙ୍କର ପ୍ରଥମ ଆଇପିଏଲ୍ ଶତକ ଥିଲା।