କ୍ରିକେଟ ଖବର: ବିରାଟ କୋହଲି ଓ ସୌରଭ ଗାଙ୍ଗୁଲିଙ୍କ ମଧ୍ୟରେ ଥିବା ତିକ୍ତତାକୁ ନେଇ ପ୍ରତିଦିନ ଅନେକ ଭିଡିଓ ଲୋକଲୋଚନକୁ ଆସୁଛି। ଯେମିତିକି ବର୍ତ୍ତମାନ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହା ଦେଖିବା ପରେ ଏହା କୁହାଯାଇପାରେ ଯେ ଦୁଇ ଭେଟେରାନଙ୍କ ମଧ୍ୟରେ କିଛି ମତଭେଦ ଚାଲିଛି।

ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଏହି ଭିଡିଓ ଦିଲ୍ଲୀ କ୍ୟାପିଟାଲ୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ମ୍ୟାଚ୍ ଆରମ୍ଭ ପୂର୍ବରୁ ଅଟେ। ତେବେ ଭାଇରାଲ ଭିଡିଓରେ ବିରାଟ କୋହଲି ବ୍ୟାଟିଂ ପାଇଁ ପ୍ରସ୍ତୁତ ହୋଇ ଚେୟାରରେ ବସିଥିବାର ନଜର ଆସିଛନ୍ତି । ଏହି ସମୟରେ ଦାଦା ତାଙ୍କ ସାମ୍ନା ଦେଇ ଯାଆନ୍ତି। ଦାଦା ପାଣି ପିଇବା ଆଗକୁ ଚାଲି ଯାଆନ୍ତି। ଏହି ସମୟରେ ବିରାଟ କୋହଲି କିଛି କ୍ଷଣ ପାଇଁ କ୍ରମାଗତ ଭାବରେ ତାଙ୍କ ଆଡକୁ 'ନାଲି ଅଖିରେ' ଚାହିଁ ରହିଥା’ନ୍ତି।

ଏହା ପରେ ଦିଲ୍ଲୀର ସହକାରୀ କୋଚ୍ ସେନ୍ ୱାଟସନ କୋହଲିଙ୍କ ସହ ଆସି ତାଙ୍କ ସହ ହାତ ମିଳାନ୍ତି । ଏହା ସହିତ ୱାଟସନ୍ ମଧ୍ୟ ତାଙ୍କୁ କିଛି କହୁଥିବାର ଦେଖାଯାଏ। ଏଭଳି ପରିସ୍ଥିତିରେ କୋହଲିଙ୍କ ମୁହଁରେ ହସ ଦେଖାଯାଏ। ଏଥି ସହିତ ଉଭୟ ଦଳର ମ୍ୟାଚ୍ ପରେ ଏକ କ୍ଲିପ୍ ଭାଇରାଲ୍ ହୋଇଥିଲା । ଯେଉଁଥିରେ ପ୍ରତ୍ୟେକ ମ୍ୟାଚ୍ ପରି, ଏହି ମ୍ୟାଚ୍ ପରେ ମଧ୍ୟ ଉଭୟ ଦଳର ଖେଳାଳି ଓ ସପୋର୍ଟ ଷ୍ଟାଫ୍ ହାତ ମିଳାଇଥିଲେ । 

The way Virat Kohli looked at ganguly pic.twitter.com/pLoAzyn9EI

— itz_mksoni25 (@_itz_mksoni25) April 17, 2023

ତେଣେ ମ୍ୟାଚ୍ ପରେ ବିରାଟ କୋହଲି ଦିଲ୍ଲୀର ସମସ୍ତ ଖେଳାଳି ଓ ସପୋର୍ଟ ଷ୍ଟାପଙ୍କ ସହ ହାତ ମିଳାଇଥିଲେ। କିନ୍ତୁ ସେ ସୌରଭ ଗାଙ୍ଗୁଲିଙ୍କୁ ଅଣଦେଖା କରିଥିଲେ। ଏହି ସମୟରେ କୋହଲିଙ୍କୁ ଦିଲ୍ଲୀ କୋଚ୍ ରିକି ପଣ୍ଟିଙ୍ଗଙ୍କ ସହ ହାତ ମିଳାଇ କଥାବାର୍ତ୍ତା କରୁଥିବା ନଜର ଆସିଥିଲେ। ଏଥି ସହିତ, ଏହି ମ୍ୟାଚ୍ ସମୟରେ କୋହଲି ବାଉଣ୍ଡ୍ରି ଲାଇନରେ ଅମନ ଖାନଙ୍କୁ କ୍ୟାଚ୍ ଧରିବା ପରେ ଅତ୍ୟଧିକ ଆକ୍ରମଣାତ୍ମକ ଉତ୍ସବ ପାଳନ କରୁଥିବା ଦେଖିବାକୁ ମିଳିଥିଲା। ଏହି ସମୟରେ ସେ ବାଉଣ୍ଡ୍ରି ବାହାରେ ବସିଥିବା ଗାଙ୍ଗୁଲିଙ୍କୁ ମଧ୍ୟ 'ନାଲି ଆଖିରେ' ଅନାଇ ରହିଥିଲେ। ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା।

ଏଥି ସହିତ ପଡ଼ିଆରେ ଏହି ବିବାଦ ପରେ ସୋସିଆଲ ମିଡିଆରେ ଦୁଇ ଭେଟେରାନଙ୍କ ମଧ୍ୟରେ ବିଭେଦ ମଧ୍ୟ ଦେଖିବାକୁ ମିଳିଥିଲା। ମିଡିଆ ରିପୋର୍ଟ ଅନୁଯାୟୀ, ମ୍ୟାଚ୍ ଶେଷ ହେବା ପରେ କୋହଲି ଇନଷ୍ଟାଗ୍ରାମରେ ଦାଦାଙ୍କୁ ସେ ଅନଫଲୋ କରିଥିଲେ। ଯାହା ପରେ ଗାଙ୍ଗୁଲି ମଧ୍ୟ ତାଙ୍କୁ ଅନଫଲୋ କରିଥିଲେ।

ଆହୁରି ପଢ଼ନ୍ତୁ: CSK ବିଜୟରେ ରାହାଣେ ହେଲେ ହିରୋ, 29 ବଲରେ ସଂଗ୍ରହ କଲେ 71 ରନ, ସୋସିଆଲ ମିଡ଼ିଆରେ ସାଉଁଟୁଛନ୍ତି ପ୍ରଶଂସା