କ୍ରିକେଟ ଖବର: ଗତକାଲି ବିରାଟ କୋହଲିଙ୍କ RCB ଦଳକୁ 81 ରନରେ ହରାଇଛି KKR ଦଳ।  ମ୍ୟାଚ୍ ଆରମ୍ଭରେ ଆରସିବି ବୋଲରମାନେ ସେମାନଙ୍କର ଦକ୍ଷତା ପ୍ରଦର୍ଶନ କରିଥିଲେ, କିନ୍ତୁ ରହମାନୁଲ୍ଲା ଗୁରୁବାଜ କିଛି ସମୟ କ୍ରିଜରେ ରହି ମ୍ୟାଚର ଗତିପଥ ପରିବର୍ତ୍ତନ କରିଥିଲେ।ତାଙ୍କ ଅର୍ଦ୍ଧଶତକରୁ ବ୍ୟାଟିଂ ଠାରୁ ଆରମ୍ଭ କରି ବୋଲିଂ ପର୍ଯ୍ୟନ୍ତ କେକେଆର ଖେଳାଳିମାନେ ଚର୍ଚ୍ଚାରେ ରହିଥିଲେ। ଗୁରୁବାଜ ଏବଂ ଶାର୍ଦ୍ଦୁଲ ଠାକୁରଙ୍କ ବିସ୍ଫୋରକ ବ୍ୟାଟିଂ ଅନ୍ୟପଟେ ବରୁଣ ଚକ୍ରବର୍ତ୍ତୀ ଏବଂ ସୁୟାଶ ଶର୍ମାଙ୍କ ଘାତକ ବୋଲିଂ ଆରସିବି ପାଇଁ ବିପଦ ସାଜିଥିଲା। ତେବେ ଆସନ୍ତୁ ଜାଣିବା 9ଟି ଆଇପିଏଲ ମ୍ୟାଚ ପରେ ଅରେଞ୍ଜ କ୍ୟାପ୍ ଆଉ ପର୍ପଲ୍ କ୍ୟାପରେ କେଉଁ କେଉଁ ସବୁ ପରବର୍ତ୍ତନ ହୋଇଛି। 

ଅରେଞ୍ଜ କ୍ୟାପ୍ ତାଲିକାରେ ବିରାଟ ଉଠିଲେ ଏହି ସ୍ଥାନକୁ:

ସର୍ବପ୍ରଥମେ IPL 2023 ଅରେଞ୍ଜ କ୍ୟାପ୍ ରେସ୍ ବିଷୟରେ କଥାବାର୍ତ୍ତା ହେବ। ଏଥିରେ ଅଧିକ ପରିବର୍ତ୍ତନ ଦେଖାଯାଇ ନାହିଁ। କିନ୍ତୁ ବିରାଟ କୋହଲିଙ୍କ ସର୍ଟ ଇନିଂସ ଯୋଗୁଁ ଦିଲ୍ଲୀ କ୍ୟାପିଟାଲର ଅଧିନାୟକ ଡେଭିଡ ୱାର୍ନର ବହୁତ କ୍ଷତି ସହିଛନ୍ତି। କେକେଆର୍ ବିପକ୍ଷରେ ସଂଘର୍ଷ ପୂର୍ବରୁ ବିରାଟ ଏହି ସିଜନରେ ଏପର୍ଯ୍ୟନ୍ତ ତାଙ୍କ ନାମରେ 82 ରନ୍ କରିଥିଲେ। କିନ୍ତୁ ଏହି ମ୍ୟାଚରେ ସେ 21 ରନ ସ୍କୋର କରି ତାଙ୍କ ନାମରେ 103 ରନ ସ୍କୋର କରିଛନ୍ତି। 

ଯେଉଁଥିପାଇଁ ସେ ଅରେଞ୍ଜ କ୍ୟାପ୍ ପାଇବାରେ ଚତୁର୍ଥ ପ୍ରତିଯୋଗୀ ହୋଇଛନ୍ତି ଏବଂ ଏହି ସ୍ଥାନରେ ଉପସ୍ଥିତ ଥିବା ସଞ୍ଜୁ ସାମସନ୍ ପଞ୍ଚମ ସ୍ଥାନକୁ ଖସି ଆସିଥିଲେ। ସେଥିପାଇଁ ଡେଭିଡଙ୍କୁ ବର୍ତ୍ତମାନ ଦହଡ଼ରୁ ଓହରିଯିବାକୁ ପଡ଼ିଲା। ଏହି ତାଲିକାର ପ୍ରଥମ, ଦ୍ୱିତୀୟ ଏବଂ ତୃତୀୟ ସ୍ଥାନରେ ଯଥାକ୍ରମେ ରିତୁରାଜ ଗାଇକୱାଡ, କାଇଲ୍ ମେରେସ୍ ଏବଂ ଶିଖର ଧାୱନ ରହିଛନ୍ତି।

ପର୍ପଲ୍ କ୍ୟାପ୍ ତାଲିକାରେ ହୋଇଛି ଏହି ପରବର୍ତ୍ତନ:

କେକେଆର ବନାମ ଆରସିବି ମ୍ୟାଚ ପରେ ରାଜସ୍ଥାନ ରୟାଲ୍ସ ସ୍ପିନର ୟୁଜଭେନ୍ଦ୍ର ଚହଲଙ୍କୁ ପର୍ପଲ୍ କ୍ୟାପ ଦୌଡ଼ରେ ସବୁଠାରୁ ବଡ ଝଟକା ଲାଗିଛି। ଆରସିବିର ଚାରିଟି ୱିକେଟ୍ ନେବା ପରେ ଏହି ଦୌଡ଼ରେ ବରୁଣ ଚକ୍ରବର୍ତ୍ତୀଙ୍କ ପ୍ରବେଶ ସମଗ୍ର ସମୀକରଣକୁ ବଦଳାଇ ଦେଇଛି। ବାସ୍ତବରେ, ଏହି ମ୍ୟାଚ୍ ପୂର୍ବରୁ ଗୁଜୁରାଟ ଟାଇଟାନ୍ସର ରସିଦ ଖାନ ଦ୍ୱିତୀୟ ସ୍ଥାନରେ ଥିଲେ, କିନ୍ତୁ ବର୍ତ୍ତମାନ ବରୁଣ ସେହି ସ୍ଥାନ ଦଖଲ କରିଛନ୍ତି।

ସେପଟେ ରବି ବିଷ୍ଣୁ ତୃତୀୟରୁ ଚତୁର୍ଥ ଏବଂ ନାଥନ୍ ଏଲିସ୍ ଚତୁର୍ଥରୁ ପଞ୍ଚମ ସ୍ଥାନକୁ ଚାଲିଆସିଛନ୍ତି। ତେଣୁ ଚହଲଙ୍କୁ ପଞ୍ଚମ ସ୍ଥାନରୁ ଷଷ୍ଠ ସ୍ଥାନକୁ ଯିବାକୁ ପଡିଛି।ତେବେ ପର୍ପଲ୍ କ୍ୟାପ୍ ଲକ୍ଷ୍ନୌ ସୁପର ଜିଆଣ୍ଟସର ବୋଲର୍ ମାର୍କ ଉଡଙ୍କ ମୁଣ୍ଡରେ ଅଛି। 

ଆହୁରି ପଢ଼ନ୍ତୁ: BCCI ନେଲା କଡା ନିଷ୍ପତ୍ତି, ଏହି ଖେଳାଳି ସହ କଥା ହୋଇପାରିବେ ନାହିଁ ରୋହିତ ଓ କୋହଲି, ପଢନ୍ତୁ ଏହି ଖାସ ରିପୋର୍ଟ