କ୍ରିକେଟ ଖବର: ଆଇପିଏଲର 25 ତମ ମ୍ୟାଚ୍ ସନରାଇଜର୍ସ ହାଇଦ୍ରାବାଦ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯାଇଥିଲା। ପ୍ରଥମେ ବ୍ୟାଟିଂ କରି ମୁମ୍ବାଇ 5 ୱିକେଟ୍ ହରାଇ 192 ରନ୍ ସଂଗ୍ରହ କରିଥିଲା।  ଏହି ଟାର୍ଗେଟକୁ କବ୍ଜା କରିବା ଲକ୍ଷ୍ୟରେ ସନରାଇଜର୍ସ ହାଇଦ୍ରାବାଦ 178 ରନରେ ଅଲ ଆଉଟ୍ ହୋଇଥିଲା।  ଶେଷରେ ହାଇଦ୍ରାବାଦକୁ 6 ଟି ବଲରେ 20 ରନ୍ ଆବଶ୍ୟକ ଥିଲା, କିନ୍ତୁ ଅର୍ଜୁନ ତେନ୍ଦୁଲକରଙ୍କ ଚମତ୍କାର ବୋଲିଂ ହେତୁ ମୁମ୍ବାଇ 14 ରନରେ ମ୍ୟାଚ୍ ଜିତିଥିଲା।  ଏହା ପରେ ଅଧିନାୟକ ରୋହିତ ଶର୍ମା ତାଙ୍କ ଦଳର ଯୁବ ବୋଲର ଅର୍ଜୁନଙ୍କୁ ପ୍ରଶଂସା କରିଛନ୍ତି।

ଆଇପିଏଲର 16 ତମ ସିଜନରେ ମୁମ୍ବାଇ ଇଣ୍ଡିଆନ୍ସ ହାଇଦ୍ରାବାଦ ବିପକ୍ଷରେ ତୃତୀୟ ବିଜୟ ହାସଲ କରିଛି। ମୁମ୍ବାଇ ଦଳର ସମସ୍ତ ଖେଳାଳି ଏହି ମ୍ୟାଚରେ ନିଜର ଶ୍ରେଷ୍ଠ ପ୍ରଦର୍ଶନ କରିଥିଲେ। ଯେଉଁଥିପାଇଁ ଦଳ 14 ରନରେ ଜିତିଥିଲା। ଏହି ମ୍ୟାଚରେ କ୍ୟାମେରନ୍ ଗ୍ରୀନ୍ ତାଙ୍କ ବିସ୍ଫୋରକ ବ୍ୟାଟିଂ ସହ ଭଲ ପ୍ରଦର୍ଶନ କରିଥିବା ବେଳେ, ଅର୍ଜୁନ ତେନ୍ଦୁଲକର ତାଙ୍କ ବୋଲିଂ ଦ୍ୱାରା ପ୍ରଶଂସକ ଆଉ କ୍ୟାପଟେନ ଶର୍ମାଙ୍କ ହୃଦୟ ଜିତିଥିଲେ।

ମ୍ୟାଚ ଜିତିବା ପରେ କଣ କହିଲେ ରୋହିତ:

ଏହି ମ୍ୟାଚ୍‌ରେ ବିଜୟ ପରେ ରୋହିତ ଶର୍ମା ବାର୍ତ୍ତାଳାପ ସମୟରେ ତାଙ୍କ ଖେଳାଳିଙ୍କୁ ପ୍ରଶଂସା କରି କହିଛନ୍ତି ଯେ"ମୋର ଏହି ପିଚ୍ ସହିତ ଅନେକ ସ୍ମୃତି ସଂଲଗ୍ନ ହୋଇଛି। ତିନି ବର୍ଷ ଧରି ଏଠାରେ ଖେଳି ଟ୍ରଫି ଜିତିଛି।ଆମେ କେବଳ ଆମର ବୋଲିଂ ଲାଇନ୍ ଅପ୍ ଉପରେ ଆତ୍ମବିଶ୍ୱାସ ଦେବାକୁ ଚାହୁଁଥିଲୁ। ଯେତେବେଳେ ଆଇପିଏଲ୍ ଆରମ୍ଭ ହେଲା, ଅନକେ ଆଇପିଏଲରେ ମଧ୍ୟ ଖେଳିନଥିଲେ। ଯେତେବେଳେ ସେ ସୁଯୋଗ ପାଆନ୍ତି ସେ ଭଲ କାମ କରନ୍ତି।

ଅର୍ଜୁନ ତେନ୍ଦୁଲକରଙ୍କ ପ୍ରଶଂସା କରି ରୋହିତ ଆହୁରି କହିଛନ୍ତି ଯେ “ଏଭଳି ବ୍ୟାଟ୍ସମ୍ୟାନ୍ ବାହାରକୁ ଆସୁଥିବାରୁ ଆମେ ଖୁସି।  ଗତ ସିଜନରେ ଆମେ ତିଲକ ବର୍ମାଙ୍କୁ ଦେଖିଛୁ ଏବଂ ଏଥର ମଧ୍ୟ ଆମେ ଦେଖୁଛୁ ଯେ ସେ ବୋଲରଙ୍କୁ ଦେଖୁନାହାଁନ୍ତି ବରଂ ବଲକୁ ଦେଖୁଛନ୍ତି। ଅର୍ଜୁନ ତେନ୍ଦୁଲକର ତିନି ବର୍ଷ ଧରି ଆମ ସହିତ ଅଛନ୍ତି। ତାଙ୍କଠାରୁ ଦଳ କ’ଣ ଆବଶ୍ୟକ କରେ ସେ ଜାଣନ୍ତି। ତାଙ୍କର ଯୋଜନା ମଧ୍ୟ ସଠିକ୍ ଅଟେ। ସେ ମଧ୍ୟ ଜିନିଷଗୁଡ଼ିକୁ ସରଳ ରଖନ୍ତି। ପ୍ରାରମ୍ଭରେ ସୁଇଙ୍ଗ୍ କରେ ଏବଂ ଶେଷରେ ସଠିକ୍ ୟର୍କର୍ସ ମଧ୍ୟ କରନ୍ତି ସେ। 

ଆହୁରି ପଢ଼ନ୍ତୁ: ବିଜୟ ପରେ ମଧ୍ୟ MS ଧୋନି ହେଲେ କ୍ରୋଧିତ, ବ୍ରାଭୋଙ୍କୁ ମନେ ପକାଇଲେ ଏବଂ ଏହି ଖେଳାଳିମାନଙ୍କୁ ଦେଲେ ବଡ଼ ଚେତାବନୀ