ଆଇପିଏଲ୍ 2023 ର 51 ତମ ମ୍ୟାଚ୍ ରେ ଲକ୍ଷ୍ନୌ ସୁପର ଜିଆଣ୍ଟସ୍ ଦଳ ଗୁଜୁରାଟ ଟାଇଟାନ୍ସ ବିପକ୍ଷରେ ଖେଳିଥିଲେ। ଗୁଜୁରାଟର ନରେନ୍ଦ୍ର ମୋଦୀ ଷ୍ଟାଡିୟମରେ ଏହି ମ୍ୟାଚ୍ ଖେଳାଯାଇଥିଲା। ଆଉ ଏହି ମ୍ୟାଚକୁ 56 ରନରେ ଜିତିଥିଲା ଗୁଜୁରାଟ ଦଳ। ତେବେ ନିକଟରେ, ଯେତେବେଳେ ଲକ୍ଷ୍ନୌ ଦଳ, ବାଙ୍ଗାଲୋର ବିପକ୍ଷରେ ଖେଳିଥିଲେ, ବିରାଟ କୋହଲି ତାଙ୍କ ଦ୍ରୁତ ବୋଲର ନବୀନ-ଉଲ-ହକଙ୍କ ସହିତ ଯୁକ୍ତିତର୍କ କରିଥିଲେ। ଆଉ ଏହି ମ୍ୟାଚ୍‌ରେ ନବୀନଙ୍କ ବିଷୟରେ ଲକ୍ଷ୍ନୌ ଦଳ ଏକ ବଡ଼ ନିଷ୍ପତ୍ତି ନେଇଛି।

ଗୁଜୁରାଟ ବିପକ୍ଷ ମ୍ୟାଚ ପାଇଁ ନବୀନ-ଉଲ-ହକ ପ୍ଲେଇଂ 11 ରୁ ଓହରି ଯାଇଛନ୍ତି। ତାଙ୍କ ସ୍ଥାନରେ ଲକ୍ଷ୍ନୌ ଦଳ ସାଂଘାତିକ ୱିକେଟ୍ କିପର ବ୍ୟାଟ୍ସମ୍ୟାନ୍ କ୍ୱିଣ୍ଟନ୍ ଡି କକଙ୍କୁ ଅନ୍ତର୍ଭୁକ୍ତ କରିଛି। ଏହି ସିଜନରେ ପ୍ରଥମ ଥର ଡି କକ୍ ମ୍ୟାଚ ଖେଳିଛନ୍ତି। ଅନ୍ୟପକ୍ଷରେ ବିରାଟ କୋହଲିଙ୍କ ସହ ଯୁକ୍ତିତର୍କ ପରେ ନବୀନ ଲାଇମଲାଇଟକୁ ଆସିଥିଲେ।  ଆଇପିଏଲ 2023 ରେ 5 ଟି ମ୍ୟାଚରେ ନବୀନ 7 ଟି ୱିକେଟ୍ ନେଇଛନ୍ତି।

ଲକ୍ଷ୍ନୌ ସୁପର ଜିଆଣ୍ଟସର ପରାମର୍ଶଦାତା ଗୌତମ ଗମ୍ଭୀର ମଧ୍ୟ ବିରାଟଙ୍କ ସହ ଯୁକ୍ତିତର୍କ କରିଥିଲେ।  ଲାଗୁଥିଲା ଯେପରି ବିରାଟ ନବୀନଙ୍କ ସହ ବିବାଦକୁ ଗୌତମଙ୍କୁ ବୁଝାଉଥିଲେ, କିନ୍ତୁ ଏଠାରୁ ଗମ୍ଭୀର ନିଜର କ୍ରୋଧ ହରାଇ ବିରାଟଙ୍କ ସହ ଝଗଡା କରିଥିଲେ। ଆଉ ଶେଷରେ ଲକ୍ଷ୍ନୌର କୋଚ୍ ବିଜୟ ଦହିୟା ଏବଂ ଅଧିନାୟକ କେ.ଏଲ୍ ରାହୁଲଙ୍କୁ ଏହି ଦୁଇ ଖେଳାଳିଙ୍କ ମଧ୍ୟରେ ହସ୍ତକ୍ଷେପ କରିବାକୁ ପଡ଼ିଲା।