କ୍ରିକେଟ ଖବର: ଆଇପିଏଲ୍ 2023 ର 15 ତମ ମ୍ୟାଚ୍ 10 ଏପ୍ରିଲରେ ଚିନ୍ନାସ୍ୱାମୀ ଷ୍ଟାଡିୟମଠାରେ ରୟଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଲକ୍ଷ୍ନୌ ସୁପର ଜିଆଣ୍ଟସ୍ ମଧ୍ୟରେ ଖେଳାଯାଇଥିଲା। କେଏଲ ରାହୁଲଙ୍କ ନେତୃତ୍ୱାଧୀନ ଦଳ ଏଲଏସଜି ଏହି ମ୍ୟାଚକୁ 1 ୱିକେଟରେ ଜିତିଛି। ତେବେ ଏସବୁ ମଧ୍ୟରେ ଏକ ଭିଡ଼ିଓ ଭାଇରାଲ୍ ହେଉଛି। LSG ଦଳର ସ୍ପିନ ବୋଲର ଅମିତ ମିଶ୍ରା ଆଇସିସି ନିୟମ ଉଲ୍ଲଂଘନ କରି ଏହି ମ୍ୟାଚରେ ଏକ ବଡ଼ ବିବାଦ ସୃଷ୍ଟି କରିଛନ୍ତି।

ଲକ୍ଷ୍ନୌ ସୁପର ଜିଆଣ୍ଟସ୍ ପ୍ରଥମ ଇନିଂସ ସମୟରେ ଅମିତ ମିଶ୍ରା ଦ୍ୱାଦଶ ଓଭରର ପ୍ରଥମ ବଲରେ ବଲକୁ ଚମକାଇବା ପାଇଁ ଲାଳ ବ୍ୟବହାର କରି କ୍ୟାମେରାରେ ଧରାପଡିଥିଲେ। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ବିସ୍ଫୋରକ ବ୍ୟାଟ୍ସମ୍ୟାନ୍ ବିରାଟ କୋହଲିଙ୍କ ବିରୋଧରେ ସେ ଏହା କରିଥିଲେ। ତେବେ କୋହଲି ତାଙ୍କର ସର୍ଟ ଡେଲିଭରିକୁ ସାମ୍ନା କରି ଏକ ରନ ନେଇଥିଲେ। 

କିନ୍ତୁ ଅମିତ ମିଶ୍ରା ଏହି ଓଭରର ତୃତୀୟ ବଲରେ କୋହଲିଙ୍କୁ ଆଉଟ୍ କରିଥିଲେ।  4 ଚୌକା ଓ 6 ଟି ଛକା ସହାୟତାରେ କୋହଲି 44 ବଲରେ 61 ରନ୍ ସଂଗ୍ରହ କରିଥିଲେ, କିନ୍ତୁ କୋହଲିଙ୍କ ଆଉଟ୍ ପରେ ଅମିତଙ୍କୁ ସାଲାଇଭେସନ୍ ବା ବଲରେ ଲାଳ ଲଗାଇବା ପାଇଁ ଟ୍ରୋଲ କରାଯାଉଛି। ପ୍ରଶଂସକମାନେ ବଲରେ ଲାଳ ଲଗାଇବା ଉପରେ ପ୍ରଶ୍ନ ପଚାରୁଛନ୍ତି କି ବୋଲର୍ ଆଇପିଏଲରେ ବଲରେ ଲାଳ ବ୍ୟବହାର କରିପାରିବେ କି?

ଅମିତ ମିଶ୍ରା ଆଇପିଏଲ୍ 2023 ରେ ଭାଙ୍ଗିଲେ ଆଇସିସି ନିୟମ !

ଦିନ ଥିଲା ଯେତେବେଳେ ବୋଲରମାନେ ବଲକୁ ଚମକାଇବା ପାଇଁ ଲାଳ ବ୍ୟବହାର କରୁଥିଲେ। କୋଭିଡ -19 ମହାମାରୀ ପରେ ଆଇସିସି 2020 ମସିହାରେ ଲାଳକୁ ସବୁଦିନ ପାଇଁ ନିଷିଦ୍ଧ କରିଥିଲା। ତାହା ହେଉଛି, ଖେଳାଳିମାନେ ସ୍ୱିଙ୍ଗ୍ ପାଇଁ ବଲରେ ଲାଳ ବ୍ୟବହାର କରିପାରିବେ ନାହିଁ। 

କିନ୍ତୁ ହଁ ଏହା କରିବା ପାଇଁ ଝାଳକୁ ଏକ ବିକଳ୍ପ ଭାବରେ ବ୍ୟବହାର କରିବାକୁ ଅନୁମତି ଦିଆଯାଇଛି। କିନ୍ତୁ ଅମିତ ମିଶ୍ରଙ୍କ ଏହି ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ତେବେ ଆଇପିଏଲ୍ 2023 ର 15 ତମ ମ୍ୟାଚ୍ ସମୟରେ ମିଶ୍ରା ବଲରେ ଲାଳ ଲଗାଇ ଏକ ନୂଆ ବିବାଦ ସୃଷ୍ଟି କରିଥିଲେ।

ଦେଖନ୍ତୁ ଭିଡ଼ିଓ: 

ଆହୁରି ପଢ଼ନ୍ତୁ: ଦେଖନ୍ତୁ ଭିଡ଼ିଓ: ଶେଷ ଓଭରରେ RCB କରିବାକୁ ଚାହୁଁଥିଲା ବେଇମାନି, ମାତ୍ର ଶେଷ ବଲ ରେ 1 ରନ୍ କରି ଜିତିଗଲା LSG