ଦେଖନ୍ତୁ ଭିଡ଼ିଓ: ଚହଲ ଏବଂ ହର୍ଷଲ ପଟେଲଙ୍କ ମଧ୍ୟରେ ଶତ୍ରୁତା ! କାହିଁକି ଚହଲ ସମ୍ପୂର୍ଣ ଭାବରେ ହର୍ଷଲଙ୍କୁ ଅଣଦେଖା କରି ହାତ ମିଳାଇଲେ ନାହିଁ
କ୍ରିକେଟ୍ ଖବର : ଆଇପିଏଲ୍ 2022ରେ ନିଜର ପୂର୍ବତନ ଦଳ ଆରସିବି ବିପକ୍ଷରେ ଖେଳାଯାଇଥିବା ମ୍ୟାଚରେ ୟୁଜଭେନ୍ଦ୍ର ଚହଲ ପୂର୍ବତନ ସାଥୀ ହର୍ଷଲ ପଟେଲଙ୍କୁ ଅଣଦେଖା କରିଛନ୍ତି। ତାଙ୍କ ସହ ହାତ ନ ମିଳାଇ ତାଙ୍କୁ ଇଗନୋର କରିଛନ୍ତି। ୟୁଜଭେନ୍ଦ୍ର ଚହଲ ଆଇପିଏଲ 2022 ରେ ରାଜସ୍ଥାନ ରୟାଲ୍ସ ପାଇଁ ଉତ୍କୃଷ୍ଟ ଫର୍ମରେ ଅଛନ୍ତି। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଖେଳାଯାଇଥିବା ମ୍ୟାଚରେ ଚହଲ ତାଙ୍କ ବୋଲିଂରେ ବିପକ୍ଷ ଦଳକୁ ବହୁତ ପ୍ରଭାବିତ କରିଛନ୍ତି।
ମ୍ୟାଚ ପରେ ଚହଲଙ୍କ ସହ ଜଡିତ ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ସେ ତାଙ୍କ ପୂର୍ବତନ ସାଥୀ ହର୍ଷଲ ପଟେଲଙ୍କ ଉପରେ ରାଗିଥିବାର ନଜର ଆସିଛନ୍ତି। ସାଧାରଣତଃ ତାଙ୍କର ଚତୁର ଶୈଳୀ ପାଇଁ ଚହଲ ବେଶ ଜଣାଶୁଣା, ତେବେ ଭାଇରାଲ ହେଉଥିବା ଭିଡ଼ିଓରେ ଦେଖିବାକୁ ମିଳିଛି ଯେ, ଚହଲ ହର୍ଷଲ ପଟେଲଙ୍କୁ ସମ୍ପୂର୍ଣ୍ଣ ଭାବରେ ଅବହେଳା କରୁଛନ୍ତି ଏବଂ ତାଙ୍କ ସହ ହାତ ମିଳାଉ ନାହାନ୍ତି।
ଭିଡିଓରେ ଆପଣ ଦେଖିପାରିବେ ଯେ ୟୁଜବେନ୍ଦ୍ର ଚହଲ ସମସ୍ତଙ୍କ ସହ ହାତ ମିଳାଉଛନ୍ତି କିନ୍ତୁ ହର୍ଷଲ ପଟେଲଙ୍କୁ ଦେଖି ସେ ତାଙ୍କୁ ସମ୍ପୂର୍ଣ୍ଣ ଭାବରେ ଅଣଦେଖା କରୁଛନ୍ତି। ଏଥିସହିତ, ହର୍ଷଲ ପଟେଲ ମଧ୍ୟ ଚହଲଙ୍କୁ ଦେଖି ନ ଦେଖିଲା ପରି ରହି ଯାଆନ୍ତି। ଆଉ ଚହଲଙ୍କ ସହ ହାତ ମିଳାଇବାକୁ ଆଗେଇ ଆସନ୍ତି ନାହିଁ। ତେବେ ଏହି ଦୁଇ ଖେଳାଳିଙ୍କ ମଧ୍ୟରେ ତିକ୍ତତା ଥିବା ଖବର ଏପର୍ଯ୍ୟନ୍ତ ସାମ୍ନାକୁ ଆସି ନାହିଁ। ଆମେ ଆଶା କରିବୁ ଯେ ଟିମ୍ ଇଣ୍ଡିଆର ଏହି ଦୁଇ ଖେଳାଳିଙ୍କ ମଧ୍ୟରେ ସବୁ କିଛି ସମ୍ପୂର୍ଣ୍ଣ ଠିକ୍ ଥିବ।
ଦେଖନ୍ତୁ ଭିଡ଼ିଓ :
#YuzvendraChahal did not shake hands with #HarshalPatel pic.twitter.com/hpXWWJGjma
— Raj (@Raj93465898) April 5, 2022