କ୍ରିକେଟ ଖବର : CSK କ୍ୟାପ୍ଟେନ ମହେନ୍ଦ୍ର ସିଂ ଧୋନି ଏହି ସିଜିନରେ ବିନା ପ୍ଲେଅଫରେ ହିଁ ବିଦାୟ ନେଲେ। ଆଗାମୀ ସିଜିନରେ ଖେଳାଳି ଭାବେ ତାଙ୍କର ଖେଳିବା ନେଇ ସମ୍ଭାବନା ମଧ୍ୟ କମ ରହିଛି । ଚଳିତବର୍ଷ ଚେନ୍ନାଇ ଯେତୋଟି ବି ମ୍ୟାଚ ଜିତିଛି ଧୋନି ତାଙ୍କର ଟିମକୁ ନିଜ ଦମରେ ହିଁ ଜିତାଇଛନ୍ତି। ତେଣୁ ପ୍ରଶଂସକମାନେ ତାଙ୍କୁ ପୁଣିଥରେ ପଡ଼ିଆରେ ଦେଖିବାକୁ ଚାହୁଁଛନ୍ତି । 

ତେବେ ଏହି ସ୍ଥିତିରେ ପାକିସ୍ତାନର ପୂର୍ବତନବୋଲର ଶୋଏବ ଅଖତର ଧୋନିଙ୍କ ଆଇପିଏଲ୍ କ୍ୟାରିୟରକୁ ନେଇ ଏକ ବଡ଼ ବୟାନ ଦେଇଛନ୍ତି। ତାଙ୍କର କହିବାନୁଯାୟୀ ମାହି ଆସନ୍ତା ଆଇପିଏଲ ସିଜିନରେ ଚେନ୍ନାଇ ସୁପରକିଙ୍ଗସ ପାଇଁ ଜଣେ ମେଣ୍ଟର ଅଥବା ମୁଖ୍ୟ କୋଚ ଭାବେ ପଦ ସମ୍ଭାଳିପାରନ୍ତି । ଅଖତରଙ୍କର ଏହି ବୟାନ ସିଏସକେ ଏବଂ ମୁମ୍ବାଇ ଇଣ୍ଡିଆନ୍ସ ଦଳ ଅଫ ତାଲିକାରୁ ବାଦ୍ ପଡ଼ିବା ପରେ ଆସିଛି। 

ସ୍ପୋର୍ଟସ୍କିଡା ସହିତ କଥାବାର୍ତ୍ତା ବେଳେ ଅଖତର କହିଛନ୍ତି, "ଯଦି ଧୋନି ଚାହାଁନ୍ତି, ତେବେ ସେ ଆଗାମୀ ସିଜନରେ ଖେଳିବା ଜାରି ରଖିବେ। କିନ୍ତୁ, ଯଦି ସେ ଖେଳ ଜାରି ରଖିବାକୁ ଚାହାଁନ୍ତି ନାହିଁ, ତେବେ ସେ ଜଣେ ପରାମର୍ଶଦାତା କିମ୍ବା ମୁଖ୍ୟ ପ୍ରଶିକ୍ଷକ ମଧ୍ୟ ହୋଇପାରନ୍ତି। ଏହା ତାଙ୍କ ପାଇଁ ଖରାପ ଭୂମିକା ହେବ ନାହିଁ। ଏହା ସବୁ ଧୋନିଙ୍କ ଉପରେ ନିର୍ଭର କରେ। "

ଶୋଏବ ଆହୁରି କହିଛନ୍ତି, "CSK ର ପରିଚାଳନା ଏଥର ଗମ୍ଭୀର ମନେ ହେଉ ନଥିଲା। ଅଧିନାୟକ କାହିଁକି ଜାଡେଜାକୁ ଯାଇଥିଲେ, ଆମେ ଜାଣି ନାହୁଁ। କିନ୍ତୁ ତାଙ୍କୁ ଧୋନିଙ୍କୁ ଆସନ୍ତା ସିଜନରେ ଅଧିକ ସ୍ପଷ୍ଟତା ସହିତ ଦଳକୁ ଫେରିବା ଆବଶ୍ୟକ। ଅଖତର କହିଛନ୍ତି, "ଧୋନି କେବଳ ଗୋଟିଏ ଗୀତ ବଜାଇ ନିଜର ଅବସର ଘୋଷଣା କରିପାରିବେ। ସେ କ’ଣ କରିପାରନ୍ତି ତାହା ଭବିଷ୍ୟବାଣୀ କରିବା ବହୁତ ମୁସ୍କିଲ। ଯଦି ସେ ହଠାତ୍ ଅନୁଭବ କରନ୍ତି ଯେ ଯଦି ତାଙ୍କୁ ଅବସର ନେବାକୁ ପଡିବ, ତେବେ ସେ ତାହା କରିବେ। " ସୂଚନାଯୋଗ୍ୟ ଯେ, ଧୋନି ଚଳିତ ସିଜନରେ 12 ଟି ମ୍ୟାଚ୍ 199 ରନ୍ କରିଛନ୍ତି।