କ୍ରିକେଟ ଖବର: ଲକ୍ଷ୍ନୌ ସୁପର ଜିଆଣ୍ଟସ୍ (LSG) ବିପକ୍ଷ ମ୍ୟାଚ୍‌ର ଗୋଟିଏ ଦିନ ପୂର୍ବରୁ ମୁମ୍ବାଇ ଇଣ୍ଡିଆନ୍ସ ଏହି ଫଟୋକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛି। ଯାହା ପରେ ଜୁନିଅର ତେନ୍ଦୁଲକର ଡେବ୍ୟୁ କରିବାକୁ ଯାଉଛନ୍ତି ବୋଲି କଳ୍ପନାଜଳ୍ପନା ଆରମ୍ଭ ହୋଇଛି। ବାମହାତୀ ଦ୍ରୁତ ବୋଲର୍ ଅର୍ଜୁନ, ନେଟ୍ ଅଭ୍ୟାସ ସମୟରେ ନିଜର ପ୍ରଦର୍ଶନ ସହିତ ଆଇପିଏଲ୍ ଡେବ୍ୟୁ କରିବାକୁ ଯାଉଥିବା ସ୍ପଷ୍ଟ ହୋଇଛି। 

ଗୁରୁବାର (ଏପ୍ରିଲ 21) ରେ ଚେନ୍ନାଇ ସୁପର କିଙ୍ଗ୍ସ ବିପକ୍ଷ ମ୍ୟାଚ୍ ପୂର୍ବରୁ ମଧ୍ୟ ସେ ଅଭ୍ୟାସ ସମୟରେ ନିଜ ୟୁଟ୍ୟୁବ ଚ୍ୟାନେଲରେ ଏକ ଭିଡିଓ ସେୟାର କରିଥିଲେ, ଯେଉଁଥିରେ ଅର୍ଜୁନ ତେନ୍ଦୁଲକର ଏକ ରକେଟ ୟର୍କର ସହିତ ଓପନର୍ ଇଶାନ କିଶାନଙ୍କ ଷ୍ଟମ୍ପକୁ ଉଡ଼ାଇ ଦେଇଥିଲେ। ଚଳିତ ବର୍ଷର ମେଗା ନିଲାମରେ ସବୁଠାରୁ ମହଙ୍ଗା (15.25 କୋଟି) ବିକ୍ରି ହୋଇଥିବା କିଶାନଙ୍କୁ ସେ ୟର୍କର ମୁକାବିଲା କରିବାର କୌଣସି ସୁଯୋଗ ଦେଇନଥିଲେ। 

ତେବେ ଏହି ଭିଡିଓ ଉପରେ ମନ୍ତବ୍ୟ ଦେଇ ପ୍ରଶଂସକମାନେ ଅର୍ଜୁନଙ୍କୁ ମୁମ୍ବାଇ ଇଣ୍ଡିଆନ୍ସର ଖେଳୁଥିବା ଏକାଦଶରେ ଅନ୍ତର୍ଭୁକ୍ତ କରିବାକୁ ଦାବି କରିଛନ୍ତି। ସୂଚନା ଥାଉ ଯେ, ଅର୍ଜୁନ ଗତ କିଛି ବର୍ଷ ହେବ ମୁମ୍ବାଇ ଦଳର ଏକ ଅଂଶ ରହିଆସିଛନ୍ତି।  ସେ ଗତ ସିଜନରେ ମଧ୍ୟ ଦଳର ଅଂଶ ହୋଇଥିଲେ ମଧ୍ୟ ଖେଳିବାର ସୁଯୋଗ ପାଇ ନଥିଲେ। ଏହି ସିଜନରେ ମେଗା ନିଲାମରେ ମୁମ୍ବାଇ ତାଙ୍କୁ 30 ଲକ୍ଷ ଟଙ୍କାରେ କିଣିଛି।

ଦେଖନ୍ତୁ ଭିଡ଼ିଓ :