କ୍ରିକେଟ୍ ଖବର୍: ରାଜସ୍ଥାନ ରୟାଲ୍ସର ଅଲ୍‌ରାଉଣ୍ଡର ରିୟାନ୍ ପାରାଗ ଭାରତୀୟ କ୍ରିକେଟ୍ ବିଷୟରେ ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି ଯେ ସେ କେବଳ ତାଙ୍କ ଫ୍ରାଞ୍ଚାଇଜ୍ ପାଇଁ ନୁହେଁ ବରଂ ଭାରତୀୟ ଦଳ ପାଇଁ ମଧ୍ୟ ଏକ ଫାଇନିସର୍ ହେବାକୁ ସକ୍ଷମ ଅଟନ୍ତି। ସେ ଜଣେ ମହାନ୍ ଫିନିସର୍ ହେବାକୁ ଚାହୁଁଛନ୍ତି। ତେବେ 2018 ରେ ଅଣ୍ଡର -19 କ୍ରିକେଟ୍ ବିଶ୍ୱକପ୍ ଜିତିଥିବା ଭାରତୀୟ କ୍ରିକେଟ୍ ଦଳର ଏକ ଅଂଶ ଥିଲେ ରିୟାନ୍।

ଏହି ଯୁବ କ୍ରିକେଟର କହିଛନ୍ତି ଯେ, ମୁଁ ମୋ କ୍ୟାରିୟରରେ ଅଗ୍ରଗତି କଲାବେଳେ ମୁଁ ବହୁତ କିଛି ହାସଲ କରିପାରିବି। ଆଉ ଏହା ପାଇଁ ଚେଷ୍ଟା ଜାରି ରଖିଛି। ପାରାଗ 2019 ରେ ଆଇପିଏଲରେ ରାଜସ୍ଥାନ ରୟାଲ୍ସ ପାଇଁ ପ୍ରଥମ ମ୍ୟାଚ୍ ଖେଳିଥିଲେ। ସେବେଠାରୁ ସେ ରାଜସ୍ଥାନ ରୟାଲ୍ସ ଫ୍ରାଞ୍ଚାଇଜ୍ ର ଏକ ଅଂଶ ହୋଇଛନ୍ତି। ଇଣ୍ଡିଆନ୍ ପ୍ରିମିୟର ଲିଗ୍ 2022 ର ନିଲାମ ପୂର୍ବରୁ ଫ୍ରାଞ୍ଚାଇଜ୍ ତାଙ୍କୁ ମୁକ୍ତ କରିଥିଲା ଆଉ ମେଗା ନିଲାମରେ ରୟାଲ୍ସ ପରାଗଙ୍କୁ 3.80 କୋଟି ଟଙ୍କାରେ କିଣି ତାଙ୍କୁ ଦଳରେ ଅନ୍ତର୍ଭୁକ୍ତ କରିଥିଲା।

ମୁଁ ନିଜକୁ ଅଧିକ ପ୍ରଶଂସା କରିବାକୁ ଚାହେଁ ନାହିଁ।  ମୁଁ କେବଳ ରାଜସ୍ଥାନ ରୟାଲ୍ସ ପାଇଁ ନୁହେଁ ବରଂ ଆଗାମୀ ବର୍ଷରେ ଭାରତ ପାଇଁ ସର୍ବୋତ୍ତମ ଫିନିସର୍ ହେବି। ମୋର ଦକ୍ଷତା ଅଛି। ମୁଁ ଜଣେ ଭଲ ଅଲରାଉଣ୍ଡର।  ବ୍ୟାଟିଂ, ବୋଲିଂ ବ୍ୟତୀତ ମୁଁ ବହୁତ ଭଲ ଫିଲ୍ଡ କରିପାରିବି। ସେ ଆହୁରି ମଧ୍ୟ କହିଛନ୍ତି ଯେ କ୍ରମାଗତ ଭାବରେ କାମ କରିବା ଦ୍ୱାରା ମୋତେ ବହୁତ କିଛି ଶିଖିବାକୁ ମିଳିଛି। ମୁଁ ନିଶ୍ଚିତ ଯେ ରାଜସ୍ଥାନ ରୟାଲ୍ସ ଏବଂ ଟିମ୍ ଇଣ୍ଡିଆ ପାଇଁ ମଧ୍ୟ ମୁଁ ବହୁତ କିଛି କରିପାରିବି। ”