କ୍ରିକେଟ ଖବର : ସମସ୍ତ 10 ଟି ଟିମ୍ ଆଇପିଏଲ୍ 2023 ପାଇଁ ସେମାନଙ୍କର ଖେଳାଳି ରିଟେନ ଆଉ ରିଲିଜ ତାଲିକା ପ୍ରକାଶ କରିଛନ୍ତି। ଏହି ପର୍ଯ୍ୟାୟରେ ଚାରିଥର ଚାମ୍ପିଅନ୍ ଚେନ୍ନାଇ ସୁପର କିଙ୍ଗ୍ସ ଏକ ଆଶ୍ଚର୍ଯ୍ୟଜନକ ନିଷ୍ପତ୍ତି ନେଇ ଆଇପିଏଲରେ ସର୍ବାଧିକ ୱିକେଟ୍ ନେଇଥିବା ଡୁୱେନ ବ୍ରାଭୋଙ୍କୁ ରିଲିଜ କରିଛି। ତେବେ, CSK ପ୍ରଶଂସକଙ୍କ ପାଇଁ ଭଲ କଥା ହେଉଛି ଯେ ଫ୍ରାଞ୍ଚାଇଜ୍ ରବୀନ୍ଦ୍ର ଜାଡେଜାଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରି ଆଇପିଏଲ୍ 2023 ପାଇଁ ତାଙ୍କୁ ରିଟେନ କରିଛି।

CSK ଦଳରେ ରିଟେନ ହେବା ପରେ ରବିନ୍ଦ୍ର ଜାଡେଜାଙ୍କ ବିବୃତ୍ତି ମଧ୍ୟ ଆସିଛି।  ଜାଡେଜା ଧୋନିଙ୍କ ସହ ଏକ ଥ୍ରୋବ୍ୟାକ୍ ଫଟୋ ଟ୍ୱିଟ କରି କହିଛନ୍ତି, 'ସବୁକିଛି ଭଲ ଚାଲିଛି' ଏହା ସହିତ, ଜାଡେଜା #Restart ଟ୍ୟାଗ ମଧ୍ୟ ବ୍ୟବହାର କରିଥିଲେ। ଏହି ସେୟାର ହୋଇଥିବା ଥ୍ରୋବ୍ୟାକ୍ ଫଟୋରେ ଜାଡେଜା ଧୋନିଙ୍କ ଆଗରେ ମୁଣ୍ଡ ନୁଆଁଇଥିବାର ନଜର ଆସିଛନ୍ତି।  

ଜାଡେଜାଙ୍କୁ ରଖାଯିବା ସହିତ CSK ଏବଂ ଏହି ଖେଳାଳିଙ୍କ ମଧ୍ୟରେ ଝଗଡା ଶେଷ ହୋଇଛି ବୋଲି ଆଲୋଚନା ହେଉଛି। କୁହାଯାଉଛି ଯେ ଜାଡେଜା ଏବଂ ଫ୍ରାଞ୍ଚାଇଜ୍ ମଧ୍ୟରେ ଥିବା ତିକ୍ତତାକୁ ହଟାଇବାରେ ଦଳର ଅଧିନାୟକ ଧୋନି ଏକ ପ୍ରମୁଖ ଭୂମିକା ଗ୍ରହଣ କରିଥିଲେ।

Everything is fine💛 #RESTART pic.twitter.com/KRrAHQJbaz

— Ravindrasinh jadeja (@imjadeja) November 15, 2022

ଉଲ୍ଲେଖନୀୟ କଥା ହେଉଛି, ରବୀନ୍ଦ୍ର ଜାଡେଜାଙ୍କ ପାଇଁ ଆଇପିଏଲ 2022 ଅତ୍ୟନ୍ତ ନିରାଶାଜନକ ଥିଲା। ଏହି ସିଜନର ଆରମ୍ଭରୁ ଚେନ୍ନାଇ ସୁପର କିଙ୍ଗ୍ସ ରବିନ୍ଦ୍ର ଜାଡେଜାଙ୍କୁ ଅଧିନାୟକ କରିଥିଲେ, କିନ୍ତୁ ଜାଡେଜା ଅଧିନାୟକତ୍ୱରେ ଅଧିକ କିଛି କରିପାରି ନଥିଲେ।  ଏହା ପରେ ଏମଏସ ଧୋନିଙ୍କୁ ପୁନର୍ବାର ଅଧିନାୟକତ୍ୱ ଦାୟିତ୍ୱ ଦିଆଯାଇଥିଲା।