କ୍ରିକେଟ୍ ଖବର: ପାକିସ୍ତାନର କ୍ୟାପଟେନ୍ ବାବର ଆଜମଙ୍କ ଅଡୁଆ ବଢିବାରେ ଲାଗିଛି। ପ୍ରଥମେ ଘରୋଇ ମୈଦାନରେ ସିରିଜ୍ ହାରିବା ପରେ, ତାଙ୍କ ଅଧିନାୟକ ପଦ ବିପଦରେ ରହିଛି। କୁହାଯାଉଛି ପିସିବିର ନୂଆ ଅଧ୍ୟକ୍ଷ ନଜମ ସେଠୀ ତାଙ୍କୁ ଖୁବଶୀଘ୍ର ତିନୋଟି ଯାକ ଫର୍ମାଟର କ୍ୟାପଟେନ୍ ପଦରୁ ବାହାର କରିପାରନ୍ତି। ଏପରି ସ୍ଥିତିରେ ବାବର ଆଜମଙ୍କୁ ନେଇ ଆସିଛି ଆଉ ଏକ ବିବାଦୀୟ ଖବର।

ସୋସିଆଲ୍ ମିଡିଆରେ ପାକିସ୍ତାନ କ୍ରିକେଟ୍ ଟିମ୍ କ୍ୟାପଟେନଙ୍କ କିଛି ବ୍ୟକ୍ତିଗତ ଫଟୋ ଓ ଭିଡିଓ ଭାଇରାଲ ହେବାରେ ଲାଗିଛି। କୁହାଯାଉଛି ଏହି ଭିଡିଓ ହେଉଛି ବାବର ଆଜମଙ୍କର। ତେବେ ବାବର ଆଜମଙ୍କୁ ହନିଟ୍ରାପ କରାଯାଇଥିବା ଦାବି କରାଯାଉଛି।

ସୋସିଆଲ୍ ମିଡିଆରେ ବିଭିନ୍ନ ଆକାଉଣ୍ଟରୁ ଏହି ଫଟୋ ଆଉ ଭିଡ଼ିଓ ସେୟାର କରାଯାଇଛି। ଏଥିରେ ଦାବି କରାଯାଇଛି ଯେ, ଏହି ଭିଡିଓରେ ଦେଖାଯାଉଥିବା ବ୍ୟକ୍ତିଜଣକ ହେଉଛନ୍ତି ବାବର ଆଜମ୍। ଯିଏକି ଜଣେ ଯୁବତୀଙ୍କ ସହ ଭିଡିଓ ଚାଟ୍ କରୁଛନ୍ତି। ତେବେ ସେହି ଭିଡିଓର କିଛି ସ୍କ୍ରିନସଟ୍ ସେ ସେୟାର କରିଛନ୍ତି। ଯାହାକି ଏବେ ଭାଇରାଲ ହେବାରେ ଲାଗିଛି।

ଦେଖନ୍ତୁ ଭିଡ଼ିଓ:

Karachi Lobby is behind this #BabarAzam pic.twitter.com/m3dlWgUpZW

— Jasim Hussain (@jasimhussainn) January 15, 2023

ସୂଚନାଯୋଗ୍ୟ ଯେ,ବାବର ଆଜମ୍ ଏବେ ତିନୋଟି ଯାକ ଫର୍ମାଟରେ ପାକିସ୍ତାନ ଟିମର କ୍ୟାପଟେନ୍ ଅଛନ୍ତି। ନିକଟରେ ସେ ଇଂଲଣ୍ଡଠାରୁ 0 - 3 ରେ ସିରିଜ୍ ହାରିବା ସହ ଲଜ୍ଜାଜନକ ପରାଜୟ ଭୋଗିଥିଲେ । ଏପରି ସ୍ଥିତିରେ ଏହି ଭାଇରାଲ ଫଟୋ ବାବରଙ୍କ ପାଇଁ ଅଡୁଆ ବଢାଇବ ବୋଲି ଚର୍ଚ୍ଚା ହେଉଛି।

ଆହୁରି ପଢ଼ନ୍ତୁ: "ତାଙ୍କର ଘାତକ ବୋଲିଂ ମୋତେ ଶୋଇବାକୁ ଦିଏ ନାହିଁ", ଫାଫ୍ ଡୁ ପ୍ଲେସିସ୍ କହିଲେ ସେ ବୁମରା କିମ୍ବା ଶାମି ନୁହେଁ ଏହି ଭାରତୀୟ ବୋଲରଙ୍କୁ ଡରୁଛନ୍ତି