କ୍ରିକେଟ୍ ଖବର: କ୍ରିକେଟ୍ ଖେଳରେ ପ୍ରତିଦିନ କିଛି ନା କିଛି ବଡ ରେକର୍ଡ ସୃଷ୍ଟି ହୋଇଥାଏ। କିନ୍ତୁ ଏହି ଖେଳରେ ଏପରି ଅନେକ ରେକର୍ଡ ଅଛି, ଯାହା ଭାଙ୍ଗିବା ପ୍ରାୟ ଅସମ୍ଭବ। ଆଜି ଆମେ ଏହି ରିପୋର୍ଟରେ ଏହିପରି 5 ଟି ରେକର୍ଡ ବିଷୟରେ ଆଲୋଚନା କରିବା...

1) ଏକ ଇନିଂସରେ ରୋହିତଙ୍କ 264 ରନ୍:

ଟିମ୍ ଇଣ୍ଡିଆର ଅଧିନାୟକ ତଥା ହିଟମ୍ୟାନ୍ ଭାବରେ ସାରା ବିଶ୍ୱରେ ପ୍ରସିଦ୍ଧ ରୋହିତ ଶର୍ମାଙ୍କର ଏକ ରେକର୍ଡ ଅଛି ଯାହା ଭାଙ୍ଗିବା ଅତ୍ୟନ୍ତ କଷ୍ଟକର। ବାସ୍ତବରେ 2014 ମସିହାରେ ଶ୍ରୀଲଙ୍କା ବିପକ୍ଷ ଦିନିକିଆରେ ମ୍ୟାଚରେ ରୋହିତ 264 ରନ ସଂଗ୍ରହ କରିଥିଲେ। ଜଣେ ଖେଳାଳିଙ୍କ ପାଇଁ ଏତେ ବଡ଼ ସ୍କୋର କରିବା କଷ୍ଟସାଧ୍ୟ, ବେଳେବେଳେ ଦଳ ପାଇଁ ମଧ୍ୟ। କେବଳ ଏତିକି ନୁହେଁ, ରୋହିତ ହେଉଛନ୍ତି ଏକମାତ୍ର ବ୍ୟାଟ୍ସମ୍ୟାନ୍ ଯିଏକି ଏହି ଫର୍ମାଟରେ ତିନିଟି ଦ୍ୱିଶତକ ହାସଲ କରିଛନ୍ତି।

2) ଗୋଟିଏ ଟେଷ୍ଟ ମ୍ୟାଚରେ 19ଟି ୱିକେଟ୍:

ଇଂଲଣ୍ଡର କିମ୍ବଦନ୍ତୀ ଦ୍ରୁତ ବୋଲର ଜିମ ଲେକରଙ୍କର ମଧ୍ୟ ଏକ ଅବିସ୍ମରଣୀୟ ରେକର୍ଡ ରହିଛି। 1956 ମସିହାରେ ଅଷ୍ଟ୍ରେଲିଆ ବିପକ୍ଷ ଟେଷ୍ଟରେ ଜିମ୍ 19 ୱିକେଟ୍ ନେଇଥିଲେ। ଏହି ରେକର୍ଡ ଭାଙ୍ଗିବା ଅସମ୍ଭବ ଅଟେ। ଗୋଟିଏ ଟେଷ୍ଟରେ 19 ଟି ୱିକେଟ୍ ନେବା ଚମତ୍କାର ବ୍ୟତୀତ ଆଉ କିଛି ନୁହେଁ। 

3) ମୁରଲୀଧରନଙ୍କ ସର୍ବାଧିକ ୱିକେଟ୍:

ଶ୍ରୀଲଙ୍କାର ଭେଟେରାନ୍ ସ୍ପିନର ମୁଥିୟା ମୁରଲୀଧରନ୍ କ୍ରିକେଟ୍ ରେ ଅଧିକାଂଶ ୱିକେଟ୍ ନେଇ ରେକର୍ଡ ରଖିଛନ୍ତି। ତାଙ୍କ ନାମରେ 1347 ଟି ୱିକେଟ୍ ଅଛି, ସେଥିମଧ୍ୟରୁ ସେ କେବଳ ଟେଷ୍ଟ କ୍ରିକେଟ୍ ରେ 800ଟି ୱିକେଟ୍ ନେଇଛନ୍ତି। ଦ୍ୱିତୀୟ ସ୍ଥାନରେ 1001 ୱିକେଟ୍ ନେଇଥିବା ଅଷ୍ଟ୍ରେଲୀୟ ସ୍ପିନର ସେନ୍ ୱାର୍ନ ରହିଛନ୍ତି। 

4) ନାଇଟ୍ ୱାଚମ୍ୟାନ ମାରିଛନ୍ତି ଦ୍ଵିଶତକ:

କ୍ରିକେଟ୍ ଖେଳର ଏକ ରେକର୍ଡ ଯେତେବେଳେ ଜଣେ ନାଇଟ୍ ୱାଚମ୍ୟାନ୍ ଦ୍ୱିଶତକ ହାସଲ କରିଥିଲେ। ନାଇଟ୍ ୱାଚମ୍ୟାନ୍ ପ୍ରାୟତଃ ଏକ ବୋଲର ପାଇଁ ବ୍ୟବହୃତ ଶବ୍ଦ ଅଟେ। ଜଣେ ନାଇଟ୍ ୱାଚମ୍ୟାନ ମ୍ୟାଚ ଶେଷ ହେବା ପୂର୍ବରୁ ୱିକେଟ୍ ଜଗିରଖି ଖେଳିବାକୁ କ୍ରିଜକୁ ଆସିଥାଏ। କିନ୍ତୁ 2006 ରେ ଅଷ୍ଟ୍ରେଲିଆର ଦ୍ରୁତ ବୋଲର ଜେସନ ଗିଲସେପି ନାଇଟ୍ ୱାଚମ୍ୟାନ୍ ଭାବରେ 201 ରନ୍ ଇନିଂସ ଖେଳିଥିଲେ। ଯାହାକି ଏକ ଭଲ ରେକର୍ଡ। 

5) ବ୍ରାଏନ୍ ଲାରାଙ୍କ 400 ରନ୍ ର ଇନିଂସ:

କିମ୍ବଦନ୍ତୀ ୱେଷ୍ଟଇଣ୍ଡିଜ୍ ବ୍ୟାଟ୍ସମ୍ୟାନ୍ ବ୍ରାଏନ୍ ଲାରା ଟେଷ୍ଟ କ୍ରିକେଟ୍ ରେ ସବୁଠୁ ବଡ ଇନିଂସ ଖେଳିବାର ରେକର୍ଡ ରଖିଛନ୍ତି। 2004 ରେ ଲାରା ଇଂଲଣ୍ଡ ବିପକ୍ଷରେ ଅପରାଜିତ 400 ସ୍କୋର କରିଥିଲେ। ଏକ ଇନିଂସରେ ଏତେ ରନ୍ ସ୍କୋର କରିବାରେ ସକ୍ଷମ ହେବା ଏକ ଚମତ୍କାର ବ୍ୟତୀତ ଆଉ କିଛି ନୁହଁ। 

ଆହୁରି ପଢ଼ନ୍ତୁ: ଧୋନି ଙ୍କୁ ନେଇ ବିରାଟ କୋହଲି ଦେଲେ ଅଜବ ବୟାନ, କହିଲେ "ଯଦି ମୁଁ ଧୋନିଙ୍କୁ କଲ୍ କରେ, 99% ସେ କଲ୍ ଉଠାଇବେ ନାହିଁ, ମାତ୍ର..."