ଦେଖନ୍ତୁ ଭିଡ଼ିଓ: ହାଫିଜଙ୍କ ବିବାଦୀୟ ବୟାନ, ଏହି ଭାରତୀୟ ବୋଲରଙ୍କ କ୍ୟାରିଅରକୁ ଦୁଇଟି ଛକା ମାରି ଶେଷ କରିଛନ୍ତି ଆଫ୍ରିଦି
କ୍ରିକେଟ୍ ଖବର : ପାକିସ୍ତାନର ପୂର୍ବତନ ଅଧିନାୟକ ମହମ୍ମଦ ହାଫିଜ ଦାବି କରିଛନ୍ତି ଯେ ଟିମ୍ ଇଣ୍ଡିଆର କିମ୍ବଦନ୍ତୀ ଲେଗ୍ ସ୍ପିନ୍ ବୋଲର ରବିଚନ୍ଦ୍ରନ ଅଶ୍ୱିନଙ୍କ କ୍ୟାରିୟର ଶେଷ ହେବାର ପ୍ରମୁଖ କାରଣ ହେଉଛନ୍ତି ସାହିଦ୍ ଆଫ୍ରିଦି। ଚାଲିଥିବା ଟି -20 ଏସିଆ କପ୍ 2022 ପାଇଁ ଆନାଲିଷ୍ଟ ଭାବରେ କାର୍ଯ୍ୟ କରୁଥିବା ହାଫିଜଙ୍କୁ ୟୁଏଇ ପିଚରେ ଅଶ୍ୱିନଙ୍କ ଅନୁପସ୍ଥିତି ବିଷୟରେ ପଚରାଯାଇଥିଲା ଯାହା ସ୍ପିନ୍ ବୋଲରଙ୍କୁ ସୁହାଇଥାଏ।
ଏହାର ଉତ୍ତରରେ ହାଫିଜ କହିଛନ୍ତି ଯେ 2014 ଏସିଆ କପରେ ସାହିଦ୍ ଆଫ୍ରିଦି, ଅଶ୍ୱିନଙ୍କ କ୍ୟାରିଅରକୁ ଦୁଇଟି ବ୍ୟାକ୍ ଟୁ ବ୍ୟାକ୍ ଛକା ମାରି ଶେଷ କରି ସାରିଛନ୍ତି। ସେ କହିଛନ୍ତି ଯେ, "ମୁଁ ଆଫ୍ରିଦିଙ୍କୁ ପ୍ରଶଂସା ଦେବାକୁ ଚାହୁଁଛି। ଖେଳର ଶେଷ ଆଡକୁ ଆପଣ ମାରିଥିବା ଏବଂ ଆମକୁ ଜିତିବାରେ ସାହାଯ୍ୟ କରିଥିବା ଦୁଇଟି ଛକା ପାଇଁ ଆଫ୍ରିଦି ଭାଇଙ୍କୁ ଧନ୍ୟବାଦ।
ସୂଚନାଯୋଗ୍ୟ ଯେ, ଆଫ୍ରିଦି ଏହି ମ୍ୟାଚରେ 18 ଟି ବଲରୁ 34 ରନ ସ୍କୋର କରି ଶେଷରେ ସୀମା ପାର କରି ଦୁଇଟି ବଡ଼ ବଡ଼ ଛକା ମାରିଥିଲେ। ଯାହା ଲକ୍ଷ ଲକ୍ଷ ଭାରତୀୟ ପ୍ରଶଂସକଙ୍କୁ ଏକ ବଡ଼ ଝଟକା ଦେଇଥିଲା।ତେବେ ହାଫିଜଙ୍କ ଏହି ବିବୃତ୍ତି ଅନେକ କ୍ରିକେଟ୍ ପ୍ରଶଂସକଙ୍କୁ ଭଲ ଲାଗିନି। ଆଉ ତାଙ୍କ ମନ୍ତବ୍ୟକୁ 'ଅପରିପକ୍ୱ' ବୋଲି ଦର୍ଶାଇ ଅନେକ ତାଙ୍କୁ କ୍ଷମା ମାଗିବାକୁ କହିଛନ୍ତି।
ଦେଖନ୍ତୁ ଭିଡ଼ିଓ :
Why Ashwin not playing regularly in recent past #PAKvIND matches. Credit to @SAfridiOfficial Boom Boom master strokes in #AsiaCup2014 pic.twitter.com/0MjjUFJ4ia
— Mohammad Hafeez (@MHafeez22) September 5, 2022