ଏହି ୩ ଜଣ ଖେଳାଳି ଗୋଟିଏ ODI ରେ ଶତକ ମାରିବା ସହିତ ବୋଲିଂ କରି ନେଇଛନ୍ତି ୫ଟି ୱିକେଟ୍, ଦେଖନ୍ତୁ ଲିଷ୍ଟ

  1. Home
  2. Cric Special

ଏହି ୩ ଜଣ ଖେଳାଳି ଗୋଟିଏ ODI ରେ ଶତକ ମାରିବା ସହିତ ବୋଲିଂ କରି ନେଇଛନ୍ତି ୫ଟି ୱିକେଟ୍, ଦେଖନ୍ତୁ ଲିଷ୍ଟ

paul collingwood vs ind


କ୍ରିକେଟ ଖବର : ଯଦି ଆମେ କ୍ରିକେଟ୍ ର ସର୍ବୋତ୍ତମ ଫର୍ମାଟ୍ ବିଷୟରେ କହିବା, ତେବେ ଦିନିକିଆ କ୍ରିକେଟ୍ ଫର୍ମାଟ୍ (ODI) କ୍ରିକେଟ୍ ର ସର୍ବୋତ୍ତମ ଫର୍ମାଟ୍ ଭାବରେ ବିବେଚନା କରାଯାଏ। ଗୋଟିଏ ଦିନିକିଆ କ୍ରିକେଟ ମ୍ୟାଚ୍ ୫୦ ଓଭରର ହୋଇଥାଏ।  କ୍ରିକେଟରେ ଗୋଟିଏ ମ୍ୟାଚ୍ ଜିତିବାକୁ ଦଳରେ ଦୁଇଟି ଅଲରାଉଣ୍ଡର ରହିବା ଆବଶ୍ୟକ। ଅଲରାଉଣ୍ଡର ଖେଳାଳିମାନେ ଦଳକୁ ଭଲ ଭାବରେ ସନ୍ତୁଳିତ କରିବାରେ ସକ୍ଷମ ହୋଇଥାନ୍ତି।

ତେବେ ଆଜିର, ଏହି ଆର୍ଟିକାଲରେ, ଆମେ ଆପଣଙ୍କୁ ଆନ୍ତର୍ଜାତୀୟ କ୍ରିକେଟ୍ ର ୩ ଟି ଶ୍ରେଷ୍ଠ ଅଲରାଉଣ୍ଡର ଖେଳାଳିଙ୍କ ବିଷୟରେ କହିବୁ, ଯେଉଁମାନେ ମ୍ୟାଚ୍ ସମୟରେ ଶତକ ହାସଲ କରିବା ସହିତ ବୋଲିଂ କରି ୫ଟି ୱିକେଟ୍ ମଧ୍ୟ ନେଇଛନ୍ତି।

୧) ରୋହନ ମୁସ୍ତାଫା :

Rohan

ୟୁଏଇର ଅନ୍ତର୍ଜାତୀୟ କ୍ରିକେଟ୍ ଦଳର ଅନ୍ୟତମ ଶ୍ରେଷ୍ଠ ଖେଳାଳି ରୋହନ ମୁସ୍ତାଫା ୨୦୧୭ ମସିହାରେ ନ୍ୟୁ ଗିନି ବିପକ୍ଷରେ ବ୍ୟାଟିଂ ବେଳେ ୧୦୯ ରନ୍ ସଂଗ୍ରହ କରିଥିଲେ। ଏହି ଇନିଂସ ସମୟରେ ରୋହନ ମୁସ୍ତାଫା ମୋଟ ୧୨୫ ବଲର ସମ୍ମୁଖୀନ ହୋଇଥିଲେ ଏବଂ ଗୋଟିଏ ଛକା ଏବଂ ୭ ଟି ଚୌକା ସହାୟତାରେ ୧୦୯ ରନ୍ ସଂଗ୍ରହ କରିଥିଲେ। ଆଉ ବୋଲିଂ କରି ବି ରୋହନ ମୁସ୍ତାଫା ପାଞ୍ଚଟି ଗୁରୁତ୍ୱପୂର୍ଣ୍ଣ ୱିକେଟ୍ ନେଇଥିଲେ। ସେ ୮ ଓଭର ବୋଲିଂ କରି ମାତ୍ର ୨୫ ରନ୍ ବ୍ୟୟ କରିଥିଲେ। 

୨) ପଲ୍ କଲିଙ୍ଗଉଡ୍ : 

paul collingwood

ପୂର୍ବତନ ଇଂଲଣ୍ଡ କ୍ରିକେଟ୍ ଦଳର ତଥା ବିଶ୍ୱର ସର୍ବଶ୍ରେଷ୍ଠ ଅଲରାଉଣ୍ଡର ଖେଳାଳି ପଲ୍ କଲିଙ୍ଗଉଡ୍ ୨୦୦୫ ମସିହାରେ ବାଂଲାଦେଶ ଦଳ ବିପକ୍ଷ ପ୍ରଥମ ୱାନଡେ ସମୟରେ ୧୧୨ ରନ୍ ର ଏକ ଚମତ୍କାର ଇନିଂସ ଖେଳିଥିଲେ। ଏହି ମ୍ୟାଚରେ ଇଂଲଣ୍ଡ ଦଳ ମୋଟ ୩୯୧ ରନ୍ ସଂଗ୍ରହ କରିଥିଲା। ଟାର୍ଗେଟକୁ ବାଂଲାଦେଶ ଦଳ ପଛରେ ଗୋଡ଼ାଇ ମାତ୍ର ୨୨୩ ରନ୍ ସ୍କୋର କରିପାରିଥିଲା। ଇଂଲଣ୍ଡ ଦଳ ଏହି ମ୍ୟାଚକୁ ୧୬୮ ରନରେ ଜିତି ନେଇଥିଲା। ପଲ୍ କଲିଙ୍ଗଉଡ୍ ମଧ୍ୟ ଏହି ମ୍ୟାଚରେ ବୋଲିଂ କରି ୫ଟି ୱିକେଟ୍ ନେଇଥିଲେ। 

୩) ସାର୍ ଭିଭିଆନ୍ ରିଚାର୍ଡସ୍:

sir viv-richards

ୱେଷ୍ଟଇଣ୍ଡିଜ୍ କ୍ରିକେଟ୍ ଦଳର ପୂର୍ବତନ ତଥା ମହାନ ଅଲରାଉଣ୍ଡର ସାର୍ ଭିଭିଆନ୍ ରିଚାର୍ଡସ ୧୯୮୭ ମସିହାରେ ନ୍ୟୁଜିଲ୍ୟାଣ୍ଡ ବିପକ୍ଷ ପ୍ରଥମ ଦିନିକିଆରେ ପ୍ରଥମେ ବ୍ୟାଟିଂ କରି ମାତ୍ର ୧୧୩ ବଲରେ ୧୧୯ ରନ୍ ସଂଗ୍ରହ କରିଥିଲେ। ବୋଲିଂ ବେଳେ ସାର୍ ଭିଭିଆନ୍ ରିଚାର୍ଡସ୍ ପାଞ୍ଚଟି ଗୁରୁତ୍ୱପୂର୍ଣ୍ଣ ୱିକେଟ୍ ନେଇ ୧୦ ଓଭରର କୋଟାରେ ମାତ୍ର ୪୧ ରନ୍ ଦେଇଥିଲେ। ସାର୍ ଭିଭିଆନ୍ ରିଚାର୍ଡସ୍ ତାଙ୍କ ସମୟର ଶ୍ରେଷ୍ଠ ବ୍ୟାଟ୍ସମ୍ୟାନ୍ ଥିଲେ।