ଦେଖନ୍ତୁ ଭିଡିଓ: ଧୋନିଙ୍କ ବିଶ୍ୱକପ ରନ୍ଆଉଟ୍ କୁ ନେଇ ଏମିତି କଣ କହୁଛନ୍ତି ଗୁପଟିଲ? ଶୁଣନ୍ତୁ ତାଙ୍କ ମୁହଁରୁ
କ୍ରିକେଟ ଖବର : 2019 ଆଇସିସି ଦିନିକିଆ କ୍ରିକେଟ୍ ସେମିଫାଇନାଲରେ ଭାରତୀୟ କ୍ରିକେଟ୍ ପ୍ରଶଂସକମାନେ ହୋଇଥିବା ଏମଏସ ଧୋନିଙ୍କ ରନ୍ ଆଉଟକୁ ଭୁଲି ପାରିବେ ନାହିଁ। ସେହି ସମାନ ରନ୍ଆଉଟ୍ ଯାହା କୋଟି କୋଟି ହୃଦୟ ଭାଙ୍ଗିଥିଲା ଏବଂ ଭାରତ ବିଶ୍ୱକପ୍ ର ସେମିଫାଇନାଲରୁ ବାଦ ପଡିଥିଲା। ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ମଞ୍ଚେଷ୍ଟରରେ ଖେଳାଯାଇଥିବା ଏହି ସେମିଫାଇନାଲରେ ଏମଏସ ଧୋନି ଆଉଟ୍ ନ ହେବା ପର୍ଯ୍ୟନ୍ତ ଭାରତ ଜିତିବ ବୋଲି ଆଶା କରାଯାଉଥିଲା, କିନ୍ତୁ ଧୋନି ରନ ଆଉଟ୍ ହେବା ମାତ୍ରେ ଭାରତର ଟ୍ରଫି ଜିତିବାର ଆଶା ଶେଷ ହୋଇଯାଇଥିଲା।
ମାର୍ଟିନ ଗୁପଟିଲଙ୍କ ଥ୍ରୋ ଦ୍ୱାରା ରନ ଆଉଟ୍ ହୋଇଥିଲେ ଧୋନି ଏବଂ ଶେଷରେ ଭାରତ 18 ରନରେ ମ୍ୟାଚ୍ ହାରିଥିଲା। ଏହି ଘଟଣାର ତିନି ବର୍ଷ ବିତିଛି କିନ୍ତୁ ଆଜି ମଧ୍ୟ ଭାରତୀୟ ପ୍ରଶଂସକମାନେ ଏହି ରନ୍ଆଉଟ୍ ଭୁଲି ପାରି ନାହାଁନ୍ତି।
ଆହୁରି ପଢ଼ନ୍ତୁ : BCCI ବର୍ବାଦ କରିଦେଲା ଏହି ଫାଷ୍ଟ ବୋଲରଙ୍କ କ୍ୟାରିୟର ! ଏବେ ଆଉ ଭାରତୀୟ ଦଳରେ କଦାପି ମିଳିବ ନାହିଁ ସୁଯୋଗ
ଅନ୍ୟପଟେ ଭାରତୀୟ ଦଳ ବର୍ତ୍ତମାନ ନ୍ୟୁଜିଲ୍ୟାଣ୍ଡ ଗସ୍ତରେ ଅଛି ଏବଂ ପୂର୍ବ ପରାଜୟର ପ୍ରତିଶୋଧ ନେବାକୁ ଟିମ୍ ଇଣ୍ଡିଆ ଜିଜାନ୍ ଲଗାଇବ। ତେବେ ସିରିଜ୍ ଆରମ୍ଭ ପୂର୍ବରୁ ମାର୍ଟିନ୍ ଗୁପଟିଲ ଏବଂ ଅନ୍ୟ କିୱି ଖେଳାଳିମାନେ ଧୋନିଙ୍କ ରନ୍ଆଉଟ୍ ଉପରେ ନିଜର ମତ ରଖିଛନ୍ତି।
ଦେଖନ୍ତୁ ଭିଡିଓ:
the run-out that's etched in the mind of every Indian 💔
— prime video IN (@PrimeVideoIN) November 14, 2022
get the Kiwi perspective on it, and watch more iconic moments get added to #NZvIND history: 18-30 Nov, live & exclusive only on Prime Video#NZvINDonPrime #CricketOnPrime pic.twitter.com/y8CaMMynUN
ଏକ ଭିଡିଓରେ ମାର୍ଟିନ ଗୁପଟିଲ କହିଛନ୍ତି ଯେ, ମୁଁ ଭାବୁଛି ଧୋନି ଟିକିଏ ଦୂରରେ ଥିଲେ, ଯଦି ନୁହେଁ, ସେ ନିରାପଦରେ ଥାଆନ୍ତେ, ତେଣୁ ଏହା ଏକ ସିଧାସଳଖ ହିଟ୍ ହୋଇଗଲା। ଏହା ଏକ ଭଲ ମ୍ୟାଚ୍ ଥିଲା। ଗୁପଟିଲଙ୍କ ପରେ ଟିମ୍ ସାଉଥୀ ମଧ୍ୟ ଏହି ରନ୍ଆଉଟ୍ ଉପରେ ନିଜର ମତ ଦେଇଛନ୍ତି। ସେ କହିଛନ୍ତି, ଗୁପଟିଲଙ୍କ ପାଇଁ ସେହି ଦୂରତ୍ୱରୁ ଷ୍ଟମ୍ପକୁ ମାରିବା ଅତ୍ୟନ୍ତ ସ୍ବତନ୍ତ୍ର ଥିଲା। ଧୋନି ପିଚରେ ରହିଥିଲେ ଟିମ୍ ଇଣ୍ଡିଆ ଆଜି 2019 ବିଶ୍ୱକପ ଜିତିଥାନ୍ତା। ସେତେବେଳେ ଭାରତକୁ ଏକ ସୁଯୋଗ ମିଳିଥିଲା, ତେଣୁ ଖେଳର ଏହା ଏକ ବଡ ମୁହୂର୍ତ୍ତ ଥିଲା।