କ୍ରିକେଟ ଖବର: ବୋର୍ଡର୍ -ଗାଭାସ୍କର ଟ୍ରଫି ଆରମ୍ଭ ହେବାକୁ ଆଉ ଅଳ୍ପ ଦିନ ବାକି ଅଛି। ଚାରୋଟି ଟେଷ୍ଟ ମ୍ୟାଚ୍ ର ଏହି ସିରିଜରେ ଭାରତ ଏବଂ ଅଷ୍ଟ୍ରେଲିଆର ଦଳ ପରସ୍ପର ସମ୍ମୁଖରେ ଟ୍ରଫି ପାଇଁ ଲଢ଼େଇ କରିବେ। ଏହି ସିରିଜ ଜିତିବା ଦ୍ୱାରା ଭାରତୀୟ ଦଳ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲରେ ପହଂଚିବ। କିନ୍ତୁ ଏହି ଟେଷ୍ଟର ପ୍ରଥମ ଦୁଇଟି ମ୍ୟାଚ୍‌ରେ ଟିମ୍ ଇଣ୍ଡିଆର ଜଣେ ମାରାତ୍ମକ ଖେଳାଳି ଖେଳୁ ନାହାଁନ୍ତି। ଯାହାକୁ ଦଳ ବହୁତ ମନେ ପକାଇବ। ନାଗପୁର ଟେଷ୍ଟରେ କ୍ୟାପଟେନ ରୋହିତ ଶର୍ମା ମଧ୍ୟ ଏହି ଖେଳାଳିଙ୍କୁ ବହୁତ ମିସ୍ କରିବେ।

ଟିମ୍ ଇଣ୍ଡିଆର ଶକ୍ତିଶାଳୀ ବୋଲର ଜସପ୍ରୀତ ବୁମ୍ରା ଅଷ୍ଟ୍ରେଲିଆ ବିପକ୍ଷ ପ୍ରଥମ ଦୁଇଟି ଟେଷ୍ଟରେ ଖେଳି ପାରିବେ ନାହିଁ। ବୁମ୍ରା ବର୍ତ୍ତମାନ ସଂପୂର୍ଣ୍ଣ ଫିଟ୍ ନୁହଁନ୍ତି ଏବଂ ଏହି କାରଣରୁ ସେ ଏହି ସିରିଜର ପ୍ରଥମ ଦୁଇଟି ମ୍ୟାଚ୍ ରେ ଉପସ୍ଥିତ ରହିବେ ନାହିଁ। ଅଷ୍ଟ୍ରେଲିଆ ଭଳି ଏକ ଶକ୍ତିଶାଳୀ ଦଳ ସାମ୍ନାରେ ବୁମରା ଦଳରେ ନ ରହିବା ରୋହିତଙ୍କ ପାଇଁ ଏକ ବଡ଼ ଟେନସନର ବିଷୟ। 

ଆହୁରି ପଢ଼ନ୍ତୁ: IND vs AUS: ବଦଳିଲା ଅଧିନାୟକ ଏବଂ ଓପନିଂ ଯୋଡି, ପ୍ରଥମ ମ୍ୟାଚରେ ଏହିପରି ହେବ ଭାରତର ଏକାଦଶ, BCCI କଲା ସ୍ପଷ୍ଟ

ଏଥି ସହିତ ଅଷ୍ଟ୍ରେଲିଆ ବିପକ୍ଷରେ ଏହି ଖେଳାଳିଙ୍କ ରେକର୍ଡ ମଧ୍ୟ ଆଶ୍ଚର୍ଯ୍ୟଜନକ ରହିଛି। ବୋର୍ଡର୍ ଗାଭାସ୍କର ଟ୍ରଫିର 7 ଟି ମ୍ୟାଚରେ 14 ଇନିଂସରେ ବୁମ୍ରା ଏପର୍ଯ୍ୟନ୍ତ 32 ୱିକେଟ୍ ନେଇଛନ୍ତି। ବୁମରାଙ୍କ ଉପସ୍ଥିତି ସହିତ ଟିମ୍ ଇଣ୍ଡିଆ ଏକ ଭିନ୍ନ ରଙ୍ଗରେ ଦେଖାଯାଉଥିଲା। କିନ୍ତୁ ବର୍ତ୍ତମାନ ଶ୍ରୀହୀନ ହୋଇଛି ଟିମ୍ ଇଣ୍ଡିଆ। 

ବୁମରା ପ୍ରତ୍ୟେକ ଫର୍ମାଟରେ ଦୁନିଆର ସର୍ବୋତ୍ତମ ବୋଲରମାନଙ୍କ ମଧ୍ୟରୁ ଜଣେ। ଟେଷ୍ଟ କ୍ରିକେଟରେ ବୁମ୍ରା 30 ଟି ମ୍ୟାଚ୍ ରେ 128 ୱିକେଟ୍ ନେଇଛନ୍ତି।  ଏଭଳି ପରିସ୍ଥିତିରେ ପ୍ରଥମ ଦୁଇଟି ଟେଷ୍ଟ ମ୍ୟାଚରେ ବୁମରାଙ୍କ ଅନୁପସ୍ଥିତି ଟିମ୍ ଇଣ୍ଡିଆ ପାଇଁ ମଧ୍ୟ ଅସୁବିଧା ସୃଷ୍ଟି କରିପାରେ। ତେବେ ଏହି ଦ୍ରୁତ ବୋଲରଙ୍କ ଅନୁପସ୍ଥିତିରେ ମହମ୍ମଦ ସିରାଜ ଦ୍ରୁତ ବୋଲିଂ ଲାଇନ୍ ଅପରେ ଆଗୁଆ ଥିବା ଦେଖିବାକୁ ମିଳିବ। ଏଥିସହିତ ତାଙ୍କୁ ଉମେଶ ଯାଦବ ଏବଂ ଜୟଦେବ ଉନାଦକତଙ୍କ ଭଲ ସମର୍ଥନ ମିଳିବ ବୋଲି ଆଶା କରାଯାଉଛି।