କ୍ରିକେଟ୍ ଖବର: ମହିଳା ପ୍ରିମିୟର ଲିଗରେ (WPL) ମୁମ୍ବାଇ ଇଣ୍ଡିଆନ୍ସ ନିଜର ଚମତ୍କାର ଖେଳ ଜାରି ରଖିଛି।ମଙ୍ଗଳବାର ଦିନ WPL 2023 ର ଦ୍ୱାଦଶ ମ୍ୟାଚରେ ହରମାନପ୍ରୀତ କୌରଙ୍କ ନେତୃତ୍ୱାଧୀନ ମୁମ୍ବାଇ ଇଣ୍ଡିଆନ୍ସ ଗୁଜୁରାଟ ଜିଆଣ୍ଟସକୁ 55 ରନ୍ ବ୍ୟବଧାନରେ ପରାସ୍ତ କରିଛି। ଏହା ସହ ମୁମ୍ବାଇ ଇଣ୍ଡିଆନ୍ସ ପ୍ଲେ ଅଫରେ ନିଜର ସ୍ଥାନ ନିଶ୍ଚିତ କରିଛି। WPL 2023 ରେ ଏହା ମୁମ୍ବାଇର କ୍ରମାଗତ ପଞ୍ଚମ ବିଜୟ ଥିଲା। ପ୍ଲେ ଅଫରେ ପହଞ୍ଚିବାରେ ମୁମ୍ବାଇ ଇଣ୍ଡିଆନ୍ସ ପ୍ରଥମ ଦଳ ହୋଇଛି।

ଏହି ବିଜୟ ସହିତ ହରମାନପ୍ରୀତ, ଏମଏସ ଧୋନିଙ୍କ ସମେତ ଅନେକ ଭେଟେରାନ ଭାରତୀୟ ଅଧିନାୟକଙ୍କୁ ପଛରେ ଛାଡିଛନ୍ତି। ଅଧିନାୟକ ଭାବରେ 5 ଟି ଆଇପିଏଲ୍ କିମ୍ବା ଡବ୍ଲୁପିଏଲ୍ ମ୍ୟାଚ୍ ରେ ସର୍ବାଧିକ ବିଜୟ ସହ ହରମାନପ୍ରୀତ ଭାରତୀୟ ଖେଳାଳିଙ୍କ ମଧ୍ୟରେ ଶୀର୍ଷରେ ପହଞ୍ଚିଛନ୍ତି। ହରମାନପ୍ରୀତ କ୍ରମାଗତ ପାଞ୍ଚଟି ବିଜୟରେ ମୁମ୍ବାଇ ଇଣ୍ଡିଆନ୍ସକୁ ଆଗେଇ ନେଇଛନ୍ତି। 

ହରମନପ୍ରୀତ କୌରଙ୍କ ପରେ ମହେନ୍ଦ୍ର ସିଂ ଧୋନି ଏବଂ ପରେ ପରେ ବିରାଟ କୋହଲି, ରୋହିତ ଶର୍ମା, ଗୌତମ ଗମ୍ଭୀର, ହାର୍ଦ୍ଦିକ ପାଣ୍ଡ୍ୟା, ରବିଚନ୍ଦ୍ରନ ଅଶ୍ୱିନ, ରିଷଭ ପନ୍ତ ଏବଂ ବିରେନ୍ଦ୍ର ସେହୱାଗ ରହିଛନ୍ତି। ଏହି ସମସ୍ତ ଖେଳାଳି କ୍ରମାଗତ ଚାରିଟି ମ୍ୟାଚ୍ ରେ ନିଜ ନିଜ ଦଳକୁ ବିଜୟରେ ପହଞ୍ଚାଇଛନ୍ତି। 

ହରମାନପ୍ରୀତ କୌରଙ୍କ ସହ ମୁମ୍ବାଇ ଇଣ୍ଡିଆନ୍ସ ମଧ୍ୟ ଏକ ନୂଆ ରେକର୍ଡ ସୃଷ୍ଟି କରିଛି। ମହିଳା ପ୍ରିମିୟର ଲିଗର ପ୍ରଥମ ପାଞ୍ଚଟି ମ୍ୟାଚ୍ ଜିତିବାରେ ମୁମ୍ବାଇ ଇଣ୍ଡିଆନ୍ସ ଏକମାତ୍ର ଦଳ ହୋଇପାରିଛି। ଏପରିକି ଆଇପିଏଲରେ ମଧ୍ୟ କୌଣସି ଦଳ ଏପରି କୀର୍ତ୍ତିମାନ କରିପାରି ନାହାଁନ୍ତି।

ଆହୁରି ପଢ଼ନ୍ତୁ: ବିଶ୍ୱର ଏହି 5 ଜଣ ଖେଳାଳି ଟେଷ୍ଟ କ୍ରିକେଟରେ ମାରିଛନ୍ତି ସର୍ବାଧିକ ଥର ଦ୍ୱିଶତକ, ଏହି ଲିଷ୍ଟ ରେ ଭାରତର ଜଣେ ଖେଳାଳି ସାମିଲ