କ୍ରିକେଟ୍ ଖବର: ମଙ୍ଗଳବାର ଅର୍ଥାତ୍ 14 ଫେବୃଆରୀରେ  ବିସିସିଆଇ ମୁଖ୍ୟ ଚୟନକର୍ତ୍ତା ଚେତନ ଶର୍ମାଙ୍କ ଉପରେ 'ଜି ନ୍ୟୁଜ୍' ଦ୍ୱାରା ଏକ ଷ୍ଟିଙ୍ଗ୍ ଅପରେସନ୍ କରାଯାଇଥିଲା ଯାହା ସାରା ବିଶ୍ୱରେ ଭାଇରାଲ ହେଉଛି। ଏହି ଷ୍ଟିଙ୍ଗ୍ ଅପରେସନ୍ ହେତୁ ତାଙ୍କର ନାମ ଅନେକ ବିବାଦ ସହ ଯୋଡି ହୋଇଛି। ଯାହା ପରେ ସେ ପ୍ରଶ୍ନ ବାଣରେ ଛନ୍ଦି ହୋଇଛନ୍ତି। 

ଅପରେସନରେ ସେ ଅନେକ ପ୍ରସଙ୍ଗରେ କହିଛନ୍ତି। ଏହି ସମୟରେ ସେ ଦଳ ଚୟନ ପ୍ରସଙ୍ଗରେ ମଧ୍ୟ ସ୍ପଷ୍ଟ ଭାବେ ଆଲୋଚନା କରିଛନ୍ତି। ଯାହା ପରେ ସେହି ତିନି ଖେଳାଳିଙ୍କ ନାମ ସାମ୍ନାକୁ ଆସିଛି ଯେଉଁମାନେ ବର୍ତ୍ତମାନ ଟିମ୍ ଇଣ୍ଡିଆର ଜର୍ସିରେ ଦେଖାଯିବେନାହିଁ। 

ଏହି 3 ଜଣ ଖେଳାଳିଙ୍କ ବିଷୟରେ କହିଲେ ଚେତନ ଶର୍ମା: 

1) ସଞ୍ଜୁ ସାମସନ୍ :

ସଞ୍ଜୁ ସାମସନଙ୍କୁ ଅଣଦେଖା କରିଥିବାରୁ ଭାରତୀୟ ପ୍ରଶଂସକମାନେ ଟିମ୍ ଇଣ୍ଡିଆ ଏବଂ ବିସିସିଆଇର ଚୟନକର୍ତ୍ତାଙ୍କୁ ଟ୍ରୋଲ କରୁଛନ୍ତି।  2015 ରେ ଡେବ୍ୟୁ କରିଥିବା ୱିକେଟ୍ କିପର-ବ୍ୟାଟ୍ସମ୍ୟାନ୍ ଏପର୍ଯ୍ୟନ୍ତ ଦଳରେ ନିଜର ସ୍ଥାନ ପକ୍କା କରି ପାରିନାହାଁନ୍ତି। ସେଥିପାଇଁ ପ୍ରଶଂସକଙ୍କ ଠାରୁ ଆରମ୍ଭ କରି ଭାରତୀୟ କ୍ରିକେଟ୍ ଦଳର ଭେଟେରାନ ପର୍ଯ୍ୟନ୍ତ ସେମାନେ ସଞ୍ଜୁଙ୍କୁ ଏକ ସୁଯୋଗ ଦେବାକୁ ଦାବି କରୁଥିବା ଦେଖାଯାଉଛି। କିନ୍ତୁ ଚେତନ ଶର୍ମାଙ୍କ ଉପରେ ହୋଇଥିବା ଷ୍ଟିଙ୍ଗ ଅପରେସନ୍ ପରେ ସାମସନଙ୍କୁ ଦଳରୁ ବାହାର କରାଯାଇଥିବା ସ୍ପଷ୍ଟ ହୋଇଛି। ଚେତନ ଏହି ଅପରେସନରେ କହିଛନ୍ତି ଯେ କିଶାନନଙ୍କ ଦ୍ଵିଶତକ ସଞ୍ଜୁ ସାମସନଙ୍କ କ୍ୟାରିଅରକୁ ବିପଦରେ ପକାଇଛି।

2) ଶିଖର ଧାୱନ:

ଭାରତୀୟ ଦଳର ଓପନର୍ ଶିଖର ଧାୱନ ODI କ୍ରିକେଟ୍ ଖେଳିବାର ପ୍ରାୟ ଦୁଇ ମାସ ବିତିଯାଇଥିବାବେଳେ ସେ ଦଳର ଅଧିନାୟକତ୍ୱ ହେବାର ପ୍ରାୟ ତିନି ମାସ ହୋଇ ସାରିଛି। 2018 ଠାରୁ ଟେଷ୍ଟ କ୍ରିକେଟ୍ ଠାରୁ ଦୂରରେ ଥିବା ଏହି ଖେଳାଳି ଆଇପିଏଲ୍ 2022 ରେ ଚମତ୍କାର ବ୍ୟାଟିଂ କରିବା ପରେ ODI ଦଳ ଭାରତକୁ ଫେରିଥିଲେ।  କିନ୍ତୁ ସେ ବାଂଲାଦେଶ ଗସ୍ତରେ ପ୍ରଭାବ ପକାଇବାରେ ବିଫଳ ହୋଇଥିଲେ। ଯେତେବେଳେ କି ଏହି ଭ୍ରମଣରେ, ଇଶାନ୍ କିଶାନ୍ ଏକ ଦ୍ୱିଶତକ ସ୍କୋର କରି ଦଳରେ ନିଜର ସ୍ଥାନ ନିଶ୍ଚିତ କରିଥିଲେ। ଯାହା ପରେ ବର୍ତ୍ତମାନ ଗଵର ଦଳରେ ପୁଣି ଥରେ ପ୍ରତ୍ୟାବର୍ତ୍ତନ କରିବା କଷ୍ଟକର ହେଉଛି।

3) କେ.ଏଲ୍ ରାହୁଲ :

ଟିମ୍ ଇଣ୍ଡିଆର ଉପ-ଅଧିନାୟକ କେ.ଏଲ୍ ରାହୁଲ ବର୍ତ୍ତମାନ ଫର୍ମ ବାହାରେ ଅଛନ୍ତି। ଦୀର୍ଘ ସମୟ ଧରି ପ୍ରଶଂସକମାନେ ତାଙ୍କ ବ୍ୟାଟରୁ କୌଣସି ପ୍ରଭାବଶାଳୀ ଇନିଂସ ଦେଖିବାକୁ ପାଇନାହାଁନ୍ତି। ଏହା ସତ୍ତ୍ୱେ ତାଙ୍କୁ ବଡ଼ ମ୍ୟାଚ୍‌ରେ ସୁଯୋଗ ଦିଆଯାଉଛି।  ଯାହା ପରେ ଭାରତୀୟ ଦଳର ଚୟନକର୍ତ୍ତାଙ୍କ ଉପରେ ଅନେକ ପ୍ରଶ୍ନ ଉଙ୍କି ମାରୁଛି। ଏହି ସମୟରେ, ମୁଖ୍ୟ ଚୟନକର୍ତ୍ତା ଏକ ଷ୍ଟିଙ୍ଗ ଅପରେସନରେ ସ୍ୱୀକାର କରିଛନ୍ତି ଯେ ଇଶାନଙ୍କ ଦ୍ୱିଶତକ ହେତୁ କେଏଲଙ୍କ ସ୍ଥାନ ମଧ୍ୟ ବିପଦରେ ପଡିଛି। 

ଆହୁରି ପଢ଼ନ୍ତୁ: ଦେଖନ୍ତୁ ଭିଡ଼ିଓ: ଦିଲ୍ଲୀ କ୍ୟାପିଟାଲ୍ସ ସେୟାର କଲା ଏହି ଖାସ୍ ଭିଡ଼ିଓ, ଜେମିମା ରୋଡ୍ରିଗୁସ୍ ଏବଂ ରାଧା ଯାଦବ କଲେ ମସ୍ତି