କ୍ରିକେଟ ଖବର : ଇଂଲଣ୍ଡ ବିପକ୍ଷ ସେମିଫାଇନାଲ ମ୍ୟାଚ୍ ପୂର୍ବରୁ ଟିମ୍ ଇଣ୍ଡିଆର ପ୍ରଶଂସକଙ୍କ ପାଇଁ ବହୁତ ଖୁସି ଖବର ଆସିଛି। ସମ୍ପ୍ରତି ଖବର ଅନୁଯାୟୀ ଭାରତୀୟ ଦଳର ଅଧିନାୟକ ରୋହିତ ଶର୍ମାଙ୍କ ଫିଟନେସକୁ ନେଇ ଏକ ବଡ ଅପଡେଟ ଆସିଛି। ଗତକାଲି ଅଭ୍ୟାସ ଅଧିବେଶନ ସମୟରେ ହିଟମ୍ୟାନ୍ ଆହତ ହୋଇଥିଲେ, ଏହା ପରେ ସେମିଫାଇନାଲ ମ୍ୟାଚ୍ ପାଇଁ ଅଧିନାୟକ ଉପଲବ୍ଧ ହେବେ ନାହିଁ ବୋଲି ଅନୁମାନ କରାଯାଉଥିଲା।

ଏଭଳି ପରିସ୍ଥିତିରେ ପ୍ରଶଂସକଙ୍କ ମଧ୍ୟରେ ନିରାଶାର ବାତାବରଣ ସୃଷ୍ଟି ହୋଇଥିଲା। କିନ୍ତୁ ବୁଧବାର ଦିନ ରୋହିତ ତାଙ୍କ ଆଘାତ ସମ୍ପର୍କରେ ବଡ ବୟାନ୍ ଦେଇଛନ୍ତି। ଯାହାକୁ ଶୁଣିବା ପରେ ତାଙ୍କ ପ୍ରଶଂସକ ଆଶ୍ୱସ୍ତୀ ହୋଇଛନ୍ତି।

ଇଂଲଣ୍ଡ ବିପକ୍ଷରେ ଖେଳିବେ ରୋହିତ :

ବାସ୍ତବରେ, ମଙ୍ଗଳବାର ଦିନ ରୋହିତ ଶର୍ମା ନେଟ୍ ଅଭ୍ୟାସ ସମୟରେ ଆହତ ହୋଇଥିଲେ। ଏହି ସମୟରେ ବଲଟି ତାଙ୍କ ହାତକୁ ବାଜିଥିଲା ​​ଏବଂ ସେ ଯନ୍ତ୍ରଣା ଅନୁଭବ କରୁଥିବା ଦେଖିବାକୁ ମିଳିଥିଲା। ଏହା ପରେ ତାଙ୍କୁ ଡାକ୍ତରୀ ଦଳ ପ୍ରଥମେ ସହାୟତା ପ୍ରଦାନ କରିଥିଲେ।

ଯଦିଓ ସେ ଅଭ୍ୟାସ ଜାରି ରଖିବାକୁ ଚେଷ୍ଟା କରିଥିଲେ ମଧ୍ୟ ସେ ବ୍ୟାଟ୍ ଧରିପାରିନଥିଲେ। ଏହାଦ୍ୱାରା ଇଂଲଣ୍ଡ ବିପକ୍ଷ ସେମିଫାଇନାଲ ମ୍ୟାଚ୍ ପାଇଁ ହିଟମ୍ୟାନ୍ ଉପଲବ୍ଧ ହେବେ ନାହିଁ ବୋଲି କଳ୍ପନା ଜଳ୍ପନା ହୋଇଥିଲା।  କିନ୍ତୁ କ୍ରିକବଜର ରିପୋର୍ଟ ଅନୁଯାୟୀ ରୋହିତ ସମ୍ପୂର୍ଣ୍ଣ ଫିଟ୍ ଅଛନ୍ତି ଏବଂ ସେମିଫାଇନାଲରେ ଖେଳିବେ ବୋଲି ଜଣାପଡିଛି।