କ୍ରିକେଟ ଖବର : ଅଷ୍ଟ୍ରେଲିଆର ବିଗ୍ ବାସ୍ ଲିଗ୍ (ବିବିଏଲ୍) ରେ, ସିଡନୀ ଗ୍ରାଉଣ୍ଡରେ ଟି -20 ଟୁର୍ନାମେଣ୍ଟର ପଞ୍ଚମ ମ୍ୟାଚ୍ ଖେଳାଯାଇଥିଲା। ଏହି ମ୍ୟାଚ୍ ସିଡନୀ ଥଣ୍ଡର ଏବଂ ଆଡିଲେଡ୍ ଷ୍ଟ୍ରାଇକର୍ସ ମଧ୍ୟରେ ଖେଳାଯାଇଥିଲା। ଏହି ମ୍ୟାଚରେ ଆଡିଲେଡ୍ ଷ୍ଟ୍ରାଇକର୍ସ ପ୍ରଥମେ ବ୍ୟାଟିଂ କରି 9 ୱିକେଟ୍ ହରାଇ 139 ରନ୍ ସଂଗ୍ରହ କରିଥିଲେ।

ଏହାର ଜବାବରେ ଅଧିନାୟକ ପିଟର ସିଡଲଙ୍କ ନେତୃତ୍ୱରେ ସିଡନୀ ଥଣ୍ଡର ମାତ୍ର 15 ରନ୍ କରି ଅଲ ଆଉଟ୍ ହୋଇଥିଲା। ବିପଜ୍ଜନକ ବୋଲିଂ ଆଧାରରେ ଆଡିଲେଡ୍ 124 ରନ୍ ବ୍ୟବଧାନରେ ମ୍ୟାଚ୍ ଜିତିଥିଲା। ଏହା ବିବିଏଲ୍ ଇତିହାସର ସର୍ବନିମ୍ନ ସ୍କୋର। ତେବେ ବର୍ତ୍ତମାନ ପ୍ରଶଂସକମାନେ ସୋସିଆଲ ମିଡିଆରେ ସିଡନୀ ଥଣ୍ଡରକୁ ପରିହାସ କରୁଛନ୍ତି।

15 ରନରେ ଅଲ ଆଉଟ୍ ହେଲା ସିଡନୀ ଥଣ୍ଡର :

ଅଷ୍ଟ୍ରେଲିଆର ଘରୋଇ ଟି -20 ସିରିଜ୍ ବିଗ୍ ବାସ୍ ଲିଗ୍ 2022-23 ରେ ଏକ ବଡ଼ ଇତିହାସ ସୃଷ୍ଟି ହୋଇଛି। କାରଣ ଯେତେବେଳେ ଆଡିଲେଡ୍ ଷ୍ଟ୍ରାଇକର୍ସ ଦଳ ସିଡନୀ ଥଣ୍ଡର ସମ୍ମୁଖରେ ବିଜୟ ପାଇଁ 140 ରନ୍ ଧାର୍ଯ୍ୟ କରିଥିଲେ। ସମସ୍ତେ ଭାବୁଥିଲେ ଏହା ହୋଇଯିବ। କାରଣ 120 ବଲରେ 140 ରନ ଟି-20 ଫର୍ମାଟରେ ଅତି ସହଜ ଚେଜିଂ। କିନ୍ତୁ ଆଡିଲେଡ ବୋଲରମାନେ ଥଣ୍ଡର ବ୍ୟାଟ୍ସମ୍ୟାନଙ୍କୁ 15 ରନରେ ଅଲ ଆଉଟ୍ କରିବାରେ ସଫଳ ହୋଇଥିଲେ।

ଆହୁରି ପଢ଼ନ୍ତୁ : T10 ଲିଗ୍ ପାଇଁ MS Dhoni ଙ୍କୁ ମିଳିଲା ନିମନ୍ତ୍ରଣ, ଯେକୌଣସି ମୂଲ୍ୟରେ ଧୋନିଙ୍କୁ ଖେଲାଇବାକୁ ଚାହୁଁଚି ଏହି ଦଳ

ଆଶ୍ଚର୍ଯ୍ୟଜନକ କଥା ହେଉଛି ଯେ କୌଣସି ବି ଖେଳାଳି ଦୁଇ ଅଙ୍କ ରନ କରିବାରେ ସକ୍ଷମ ହୋଇନଥିଲେ। ଯାହା ପରେ ସୋସିଆଲ ମିଡିଆରେ ପ୍ରଶଂସକମାନେ ମିମ୍ସ ମାଧ୍ୟମରେ ନିଜର ପ୍ରତିକ୍ରିୟା ରଖିଛନ୍ତି। ଏହା ସହିତ ଭାରତୀୟ ପ୍ରଶଂସକମାନେ ମଧ୍ୟ ଆରସିବି ଦଳକୁ ଟ୍ରୋଲ କରୁଛନ୍ତି। କାରଣ ଆଇପିଏଲରେ ଆରସିବି 49 ରନ୍ ମଧ୍ୟରେ ଅଲ ଆଉଟ୍ ହୋଇଥିଲା।