କ୍ରିକେଟ ଖବର : ଟିମ୍ ଇଣ୍ଡିଆର ପୂର୍ବତନ ଅଧିନାୟକ ଏମ୍ଏସ୍ ଧୋନିଙ୍କ ସମଗ୍ର ବିଶ୍ୱରେ କୋଟି କୋଟି ପ୍ରଶଂସକ ଅଛନ୍ତି। କେବଳ ଭାରତୀୟ ନୁହଁନ୍ତି ବିଦେଶୀ ପ୍ରଶଂସକମାନେ ମଧ୍ୟ ତାଙ୍କୁ ଖେଳୁଥିବାର ଦେଖିବାକୁ ଚାହୁଁଛନ୍ତି। ଏହି ସମୟରେ ଆବୁଧାବିରେ ଅନୁଷ୍ଠିତ ଟି-10 ଲିଗର ଚେୟାରମ୍ୟାନ୍ ଶାଜି ଉଲ୍ ମଲ୍କ ଏକ ବଡ଼ ଖୁଲାସା କରିଛନ୍ତି। କୌଣସି ପ୍ରକାରେ ସେମାନେ T-10 ଲିଗ୍ ଆରମ୍ଭ ପୂର୍ବରୁ ମାହିଙ୍କୁ ଏହି ଲିଗ୍ ସହିତ ସଂଯୋଗ କରିବାକୁ ଚାହୁଁଛନ୍ତି। ତେବେ ସେ ଏହା ବିଷୟରେ କ’ଣ କହିଛନ୍ତି ଆସନ୍ତୁ ଜାଣିବା। 

T10 ଲିଗ୍ ପାଇଁ MS Dhoni ଙ୍କୁ ମିଳିଲା ନିମନ୍ତ୍ରଣ :

ଏମଏସ ଧୋନି ପ୍ରାୟ ଏକ ଦଶନ୍ଧି ଧରି ଟିମ୍ ଇଣ୍ଡିଆର ନେତୃତ୍ୱ ନେଇଛନ୍ତି। ତାଙ୍କ ଅଧିନାୟକତ୍ୱରେ ଭାରତୀୟ ଦଳ ODI ଏବଂ ଟି -20 ବିଶ୍ୱକପ ସମେତ ତିନୋଟି ପ୍ରମୁଖ ଟ୍ରଫି ଜିତିଛି। କିନ୍ତୁ ସେ 2020 ମସିହାରେ ଅନ୍ତର୍ଜାତୀୟ କ୍ରିକେଟରୁ ବିଦାୟ ନେଇଥିଲେ। ତେବେ ଏହା ପରେ ସେ ଆଇପିଏଲ୍ ମାଧ୍ୟମରେ କ୍ରିକେଟ୍ ସହ ଜଡିତ ଅଛନ୍ତି। ସେ ଚେନ୍ନାଇ ସୁପର କିଙ୍ଗ୍ସ ପାଇଁ ଅଧିନାୟକ ଦାୟିତ୍ୱ ତୁଲାଉଛନ୍ତି। 

ଧୋନିଙ୍କ ନେତୃତ୍ୱରେ ଫ୍ରାଞ୍ଚାଇଜ୍ ଚାରିଥର ଟୁର୍ନାମେଣ୍ଟ ଟାଇଟଲ୍ ଜିତିଛି। ଜାତୀୟ ଗଣମାଧ୍ୟମର ଖବର ଅନୁଯାୟୀ, IPL 2023 ତାଙ୍କର ଶେଷ ସଂସ୍କରଣ ହୋଇପାରେ। ଏଭଳି ପରିସ୍ଥିତିରେ ଟି-10 ଲିଗ୍ ଚେୟାରମ୍ୟାନ୍ ଶାଜି ଉଲ୍ ମଲ୍କ ଆଇପିଏଲ ଧୋନି ଛାଡିବା ପୂର୍ବରୁ ନିଜର ଇଚ୍ଛା ପ୍ରକାଶ କରିଛନ୍ତି। 

ଆହୁରି ପଢ଼ନ୍ତୁ : କ’ଣ ବାଂଲାଦେଶ ପ୍ରଥମ ଟେଷ୍ଟ ଜିତିପାରିବ? ସାମ୍ବାଦିକଙ୍କ ପ୍ରଶ୍ନର କୁଲଦୀପ ଯାଦବ ଦେଲେ ଉତ୍ତର

ANI ସହିତ କଥାବାର୍ତ୍ତା କରି ସେ କହିଛନ୍ତି ଯେ ସେ ଆଗାମୀ ସିଜନ ପାଇଁ ସେ ଧୋନିଙ୍କୁ T10 ଲିଗରେ ଭାଗ ନେବାକୁ ଅନୁରୋଧ କରିବେ। ସେ କହିଛନ୍ତି ଯେ, “T10 ଲିଗର ପରବର୍ତ୍ତୀ ସଂସ୍କରଣ ପାଇଁ ଆମେ ଏମଏସ ଧୋନିଙ୍କ ନିକଟକୁ ଯିବୁ। ଆସନ୍ତା ବର୍ଷ ତାଙ୍କୁ T10 ଲିଗରେ ଭାଗ ନେବାକୁ ଅନୁରୋଧ କରିବୁ। "