ଋଷଭ ପନ୍ତ କାର୍ ଦୁର୍ଘଟଣା: ପନ୍ତ ମଦ୍ୟପାନ କରି କାର୍ ଚଳାଉଥିଲେ କି, କେତେ ସ୍ପିଡ଼ ଥିଲା ? ଉତ୍ତରାଖଣ୍ଡ ପୋଲିସ ଦେଲା ବଡ଼ ବୟାନ
କ୍ରିକେଟ ଖବର : ଗତ 30 ତାରିଖ ଦିନ ଦିଲ୍ଲୀ-ଉତ୍ତରାଖଣ୍ଡ ରାଜପଥରେ ରିଷଭ ପନ୍ତଙ୍କ କାର ଦୁର୍ଘଟଣା ହୋଇଥିଲା। ଏଥିରେ ରିଷଭ ପନ୍ତ ଗୁରୁତର ଆହତ ହୋଇଛନ୍ତି। ତେବେ ସାଧାରଣରେ ପ୍ରଶ୍ନ ଉଠୁଛି ଯେ, କଣ କ୍ରିକେଟର୍ ରିଷଭ ପନ୍ତ ମଦ୍ୟପାନ କରି ଗାଡି ଚଳାଉଥିଲେ ? ହରିଦ୍ୱାର ଏସଏସପି ଅଜୟ ସିଂ ବର୍ତ୍ତମାନ ଏହାକୁ ନେଇ ଏକ ବଡ଼ ପ୍ରତିକ୍ରିୟା ଦେଇଛନ୍ତି।
କଣ କହିଲେ ଏସଏସପି ?
ରବିବାର ଦିନ ପୋଲିସ କହିଛି ଯେ କ୍ରିକେଟର ରିଷଭ ପନ୍ତ ଶୁକ୍ରବାର ସକାଳେ ଗାଡି ଚଳାଇବା ସମୟରେ ନିଦରେ ଆଖି ଲାଗିଯାଇଥିଲା। ଯାହା ଫଳରେ କାର୍ ଦୁର୍ଘଟଣାଗ୍ରସ୍ତ ହୋଇଥିଲା।
ଏହାର ଗୋଟିଏ ଦିନ ପୂର୍ବରୁ ଦିଲ୍ଲୀ ଜିଲ୍ଲା କ୍ରିକେଟ୍ ଆସୋସିଏସନ୍ (ଡିଡିସିଏ) ର ଜଣେ ଅଧିକାରୀ ଦାବି କରିଛନ୍ତି ଯେ ରାଜପଥରେ ଏକ ଖାଲରୁ ରକ୍ଷା ପାଇବାକୁ ଚେଷ୍ଟା କରୁଥିବାବେଳେ କ୍ରିକେଟର ପନ୍ତ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲେ।
ଆହୁରି ପଢ଼ନ୍ତୁ : BCCI Meeting: ବିଶ୍ୱକପ ପାଇଁ 20 ଖେଳାଳି ଚୟନ, IPL କୁ ନେଇ ବଡ଼ ପ୍ରଶ୍ନ, ଟିମ୍ ଇଣ୍ଡିଆ ପାଇଁ BCCI ର ମାଷ୍ଟରପ୍ଲାନ୍
ହରିଦ୍ୱାର ଏସଏସପି ଅଜୟ ସିଂ କହିଛନ୍ତି ଯେ ଗାଡିର ଗତି ସ୍ୱାଭାବିକ ଥିଲା ଏବଂ ପନ୍ତ ନିଶା ଦ୍ରବ୍ୟ ସେବନ କରି ନ ଥିଲେ। ଡାକ୍ତରୀ ରିପୋର୍ଟରେ ଭାରତୀୟ କ୍ରିକେଟରଙ୍କ ଦ୍ୱାରା ମଦ୍ୟପାନ ବିଷୟରେ କୌଣସି ସୂଚନା ନାହିଁ ଏବଂ ସେ ନିର୍ଦ୍ଧାରିତ ସୀମା ମଧ୍ୟରେ ଗାଡି ଚଳାଉଥିଲେ ବୋଲି ଏସଏସପି କହିଛନ୍ତି।