କ୍ରିକେଟ ଖବର : ୟୁଏଇରେ ହୋଇଥିବା ଟି -20 ବିଶ୍ୱକପ 2021 ପରେ ଟି -20 ଦଳରୁ ବାହାରେଥିବା ଦ୍ରୁତ ବୋଲର ମହମ୍ମଦ ଶାମି ମଙ୍ଗଳବାର ଠାରୁ ଅଷ୍ଟ୍ରେଲିଆ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଟି -20 ସିରିଜରୁ ଫେରିବାକୁ ଯାଉଥିଲେ, କିନ୍ତୁ କରୋନା ସଂକ୍ରମିତ ହୋଇଥିବାରୁ ମହମ୍ମଦ ଶାମି ଭାରତ ବନାମ ଅଷ୍ଟ୍ରେଲିଆ ଟି -20 ଆନ୍ତର୍ଜାତୀୟ ସିରିଜରୁ ବାଦ ପଡିଛନ୍ତି।  

ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ସଚିବ ଜୟ ଶାହା ରବିବାର କହିଛନ୍ତି ଯେ ଚୟନ କମିଟି ଦ୍ରୁତ ବୋଲର ଉମେଶ ଯାଦବଙ୍କୁ ଶାମିଙ୍କ ସ୍ଥାନରେ ଦଳରେ ସାମିଲ କରିଛନ୍ତି। ଅଷ୍ଟ୍ରେଲିଆ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଟି -20 ଅନ୍ତର୍ଜାତୀୟ ସିରିଜ୍ ପୂର୍ବରୁ ରୋହିତ ଶର୍ମା ଗଣମାଧ୍ୟମକୁ କହିଛନ୍ତି ଯେ ଉମେଶ ନିଜକୁ ଭଲ ପ୍ରମାଣ କରିଥିବାରୁ ମହମ୍ମଦ ଶାମିଙ୍କ ସ୍ଥାନରେ ତାଙ୍କୁ ସ୍ଥାନ ଦିଆଯାଇଛି। ସେ ନେଇ ଅଧିକ ଆଲୋଚନା ହେବାର ଆବଶ୍ୟକତା ନାହିଁ।

ଉମେଶଙ୍କ କମବ୍ୟାକ୍ ପରେ କଣ କହିଲେ ରୋହିତ ? 

2019 ରେ ଅଷ୍ଟ୍ରେଲିଆ ବିପକ୍ଷ ଶେଷ ଟି -20 ଅନ୍ତର୍ଜାତୀୟ ମ୍ୟାଚରେ ଭାରତ ପାଇଁ ଖେଳିଥିବା ଉମେଶ ହାମଷ୍ଟ୍ରିଂ ଷ୍ଟ୍ରେନରୁ ଭଲ ହୋଇଛନ୍ତି ଯାହା ତାଙ୍କୁ ଇଂଲଣ୍ଡର କାଉଣ୍ଟି ମ୍ୟାଚରୁ ବାଦ ଦେଇଥିଲା। ପାଖାପାଖି 43 ମାସ ପରେ ସେ ଟିମ୍ ଇଣ୍ଡିଆକୁ ଫେରିଛନ୍ତି। ତେବେ ବିସିସିଆଇର ଏକ ସୂତ୍ର ନ୍ୟୁଜ୍ ଏଜେନ୍ସି ପିଟିଆଇକୁ କହିଛି ଯେ ଉମେଶ ଏନସିଏରେ ଚିକିତ୍ସିତ ହେଉଥିଲେ ଏବଂ ବର୍ତ୍ତମାନ ଆହତ ଅବସ୍ଥାରେ ସୁସ୍ଥ ହୋଇ ଖେଳିବାକୁ ଫିଟ୍ ଅଛନ୍ତି।

"ଉମେଶ, ଶାମିଙ୍କ ପରି ଖେଳାଳି ଯେଉଁମାନେ ଦୀର୍ଘ ଦିନ ଧରି ବୋଲିଂ କରିଆସୁଛନ୍ତି। ଏଥିରେ ସଫଳ ହେବା ପାଇଁ ସେମାନଙ୍କୁ କୌଣସି ନିର୍ଦ୍ଦିଷ୍ଟ ଫର୍ମାଟରେ ଖେଳିବା ଆବଶ୍ୟକ ନାହିଁ। ସେମାନେ ନିଜକୁ ପ୍ରମାଣ କରିଛନ୍ତି। ଏହା ସେମାନଙ୍କର ଏକ ଭଲ ଗୁଣ" ରୋହିତ ମ୍ୟାଚ୍ ପୂର୍ବରୁ ଏକ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି। ଯୁବ ଖେଳାଳିଙ୍କୁ ଫିଟ୍ ପ୍ରମାଣିତ ହେବା ଆବଶ୍ୟକ କିନ୍ତୁ ଏହି ଖେଳାଳିମାନଙ୍କୁ ନୁହଁ। ଯଦି ସେମାନେ ଫିଟ୍ ଏବଂ ଉପଲବ୍ଧ ତେବେ ସେମାନଙ୍କୁ ପୁନର୍ବାର ଦଳକୁ ଡକାଯିବ ନିଶ୍ଚିତ। 

ଉମେଶଙ୍କୁ ପ୍ରଶଂସାରେ ପୋତି ଦେଲେ ରୋହିତ :

ଦଳରେ ଉମେଶଙ୍କ ଅନ୍ତର୍ଭୁକ୍ତ ହେବା ବିଷୟରେ ରୋହିତ କହିଛନ୍ତି, ଫର୍ମକୁ ଦେଖିବା ଆବଶ୍ୟକ ନାହିଁ। ଆମେ ଦେଖିଲୁ ଆଇପିଏଲରେ ଉମେଶ ଯାଦବ କେତେ ଭଲ ବୋଲିଂ କରିଛନ୍ତି। ବାସ୍ତବରେ ସେ ବହୁତ ଭଲ ବୋଲିଂ କରିଥିଲେ। ସେ ଆମକୁ ନୂଆ ବଲ୍, ବଲ୍ ସୁଇଙ୍ଗ୍, ଦ୍ରୁତ ଗତିରେ ଆଗକୁ ବଢିବାକୁ ବିକଳ୍ପ ଦେବେ, ତେଣୁ ତାଙ୍କ ବିଷୟରେ ଅଧିକ ବିତର୍କ କରିବା ଆବଶ୍ୟକ ନୁହଁ। ସେ ଦଳ ପାଇଁ ନିହାତି ଜରୁରୀ। 

ଅନ୍ୟ ଖେଳାଳି ବିକଳ୍ପ ବିଷୟରେ କଥାବାର୍ତ୍ତା କରି ଅଧିନାୟକ କହିଛନ୍ତି, "ଅନ୍ୟ କିଛି ବିକଳ୍ପ ଥିଲା। କିନ୍ତୁ ପ୍ରସିଦ୍ଧ ଆହତ ଅଛି, ସିରାଜ କାଉଣ୍ଟି ଖେଳୁଛନ୍ତି ଏବଂ ଆମେ କେବଳ ଗୋଟିଏ କିମ୍ବା ଦୁଇଟି ଖେଳ ପାଇଁ ତାଙ୍କୁ ଅସୁବିଧାରେ ପକାଇବାକୁ ଚାହୁଁନାହୁଁ। ଆଭେଶ ଏସିଆ କପ ଠାରୁ ଅସୁସ୍ଥ, ସେ ଆସିବେ ତାଙ୍କର ଫିଟନେସ୍ ଫେରି ପାଇବାକୁ ସମୟ ଦରକାର। ତେଣୁ ଆମେ ଉମେଶଙ୍କୁ ଦଳରେ ସ୍ଥାନ ଦେଇଛୁ।