କ୍ରିକେଟ ଖବର : ଟିମ୍ ଇଣ୍ଡିଆର ଖେଳାଳି ଦୀନେଶ କାର୍ତ୍ତିକ ଗତ କିଛି ବର୍ଷ ଧରି ODI କ୍ରିକେଟ୍ ଏବଂ ଟେଷ୍ଟ କ୍ରିକେଟ୍ ରେ ସ୍ଥାନ ପାଇନାହାଁନ୍ତି। ଏହି କାରଣରୁ ତାଙ୍କୁ ବାଂଲାଦେଶ ବିପକ୍ଷ ସିରିଜ୍ ପାଇଁ ମଧ୍ୟ ଅଣଦେଖା କରାଯାଇଥିଲା। ଏଥି ସହିତ ବାଂଲାଦେଶ ଏବଂ ଭାରତ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ ଶେଷ ହେବା ପରେ ଦୀନେଶ ଏକ ବଡ଼ ବିବୃତ୍ତି ଦେଇଛନ୍ତି। 

ବାସ୍ତବରେ ବାଂଲାଦେଶ ଏବଂ ଭାରତ ମଧ୍ୟରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚରେ କୁଲଦୀପ ଯାଦବଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ଦିଆଯାଇଥିଲା। କିନ୍ତୁ ଦିନେଶ କାର୍ତ୍ତିକ ଏହି ନିଷ୍ପତ୍ତିରେ ଆଦୌ ସହମତ ନୁହଁନ୍ତି। କ୍ରିକବଜ୍ ସହ କଥାହେବା ସମୟରେ କାର୍ତ୍ତିକ କହିଛନ୍ତି ଯେ ଚେତେଶ୍ୱର ପୂଜାରା ଏହି ପୁରସ୍କାର ପାଇବାକୁ ଯୋଗ୍ୟ ଥିଲେ। ଏହାର କାରଣ ହେଉଛି ସେ ଟିମ୍ ଇଣ୍ଡିଆର ଉଭୟ ଇନିଂସରେ ଉତ୍କୃଷ୍ଟ ପ୍ରଦର୍ଶନ କରିଛନ୍ତି।

କାର୍ତ୍ତିକ କହିଛନ୍ତି ଯେ,“ସତ କହିବାକୁ ଗଲେ ପୂଜାରା ଦୁଇଟି ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ଭାରତ ଟିକେ ଅଧିକ ଚାପରେ ଥିବାବେଳେ ପ୍ରଥମ ଇନିଂସରେ ସେ ଭଲ ଖେଳିଥିଲେ। ପୂଜାରା ଏବଂ ଶ୍ରେୟାସଙ୍କ ମଧ୍ୟରେ ଏକ ଭଲ ଭାଗିଦାରୀ ଦଳକୁ ଚାପ ପରିସ୍ଥିତିରୁ ବାହାର କରିଥିଲା। ସେ ଦ୍ୱିତୀୟ ଇନିଂସରେ ଏକ ଶତକ ହାସଲ କରିଥିଲେ। ସେ ଯେଉଁ ପ୍ରକାରର ଖେଳିଥିଲେ ତାହା ଦେଖିବା ପାଇଁ ଚମତ୍କାର ଥିଲା ଏବଂ ଏହା ତାଙ୍କର ବ୍ୟକ୍ତିଗତ ଦ୍ରୁତତମ ଶତକ ମଧ୍ୟ। ତେଣୁ ସେ ମ୍ୟାନ୍ ଅଫ୍ ଦି ମ୍ୟାଚ୍ ହେବାକୁ ଯୋଗ୍ୟ ଥିଲେ। 

ଆହୁରି ପଢ଼ନ୍ତୁ : IND vs NZ: ODI ସିରିଜ୍ ପାଇଁ ଚୟନ ହେଲା ଦଳ, ୱିଲିୟମସନ ଭାରତ ବିପକ୍ଷରେ ଖେଳିବେ ନାହିଁ, ଜାଣନ୍ତୁ କାହିଁକି ?