ICC ODI Ranking: ODI ଟିମ୍ ର଼୍ୟାଙ୍କିଙ୍ଗରେ ପାକିସ୍ତାନକୁ ପଛରେ ପକାଇଲା ଭାରତ, ଏହି ସ୍ଥାନରେ ଅଛି ଭାରତ, ଦେଖନ୍ତୁ ଲିଷ୍ଟ
କ୍ରିକେଟ ଖବର : ମଙ୍ଗଳବାର ଦିନ ଓଭାଲରେ ଇଂଲଣ୍ଡ ବିପକ୍ଷ ତିନି ମ୍ୟାଚ୍ ବିଶିଷ୍ଟ ସିରିଜର ପ୍ରଥମ ମ୍ୟାଚରେ ଟିମ୍ ଇଣ୍ଡିଆର ବିଜୟ ପରେ ଏମଆରଏଫ ଟାୟାର ଆଇସିସି ODI ଟିମ୍ ର଼୍ୟାଙ୍କିଙ୍ଗରେ ପାକିସ୍ତାନକୁ ପଛରେ ପକାଇ ଦେଇଛି ଭାରତୀୟ ଦଳ।
ଇଂଲଣ୍ଡ ଠାରୁ 10 ୱିକେଟରେ ଜିତିବା ପରେ ଭାରତ ଆଇସିସି ODI ଟିମ୍ ର଼୍ୟାଙ୍କିଙ୍ଗରେ ତୃତୀୟ ସ୍ଥାନକୁ ଉନ୍ନୀତ ହୋଇଛି। ଖେଳ ପୂର୍ବରୁ ଭାରତ 105 ପଏଣ୍ଟ ସହ ଚତୁର୍ଥ ସ୍ଥାନରେ ରହିଥିଲା କିନ୍ତୁ ବିଜୟ ସେମାନଙ୍କୁ 108 ରେଟିଂ ପଏଣ୍ଟରେ ପହଞ୍ଚାଇଥିଲା। ଆଉ ପାକିସ୍ତାନ 106 ପଏଣ୍ଟ ସହିତ ଭାରତ ପଛରେ ରହିଛି।
ନ୍ୟୁଜିଲ୍ୟାଣ୍ଡ 126 ରେଟିଂ ପଏଣ୍ଟ ସହ ଟେବୁଲର ଶୀର୍ଷରେ ରହିଥିବା ବେଳେ, ଇଂଲଣ୍ଡ ଦଳ 122 ପଏଣ୍ଟ ସହିତ ଦ୍ୱିତୀୟ ସ୍ଥାନରେ ଅଛି। ଗତ ମାସରେ ୱେଷ୍ଟଇଣ୍ଡିଜ୍ ଉପରେ ପାକିସ୍ତାନ ବିଜୟ ହେବା ପରେ ଭାରତକୁ ପଛରେ ପକାଇ ତୃତୀୟ ସ୍ଥାନକୁ ଯାଇଥିଲା ପାକିସ୍ତାନ ଦଳ। କିନ୍ତୁ ଗତକାଲିର ମ୍ୟାଚ୍ ୧୦ ୱିକେଟରେ ଜିତିବା ପରେ ଟିମ୍ ଇଣ୍ଡିଆ ନିଜ ସ୍ଥାନ ପୁଣି ଫେରି ପାଇଛି।