କ୍ରିକେଟ ଖବର: ଅନ୍ତର୍ଜାତୀୟ କ୍ରିକେଟ୍ ପରିଷଦର ସାଇଟ୍ ଯାଞ୍ଚ ଦଳ ୨୦୨୪ ଟି-20 ବିଶ୍ୱକପ୍ ପାଇଁ ଅକଲ୍ୟାଣ୍ଡ, ଫ୍ଲୋରିଡା ଏବଂ ଲସ୍ ଆଞ୍ଜେଲସ୍ ପରି କିଛି ସହର ଗସ୍ତ କରିଛି। ପ୍ରକୃତରେ ଆମେରିକା ଓ ୱେଷ୍ଟଇଣ୍ଡିଜ୍ କ୍ରିକେଟ୍ ମିଳିତ ଭାବେ ଆସନ୍ତା ବର୍ଷର ଟି-20 ବିଶ୍ୱକପ୍ ଆୟୋଜନ କରିବେ। ଆମେରିକା କ୍ରିକେଟ୍ ଅଧ୍ୟକ୍ଷ ଅତୁଲ ରାୟ ଏହି ସୂଚନା ଦେଇଛନ୍ତି।

ସେ ସୂଚନା ଦେଇ କହିଛନ୍ତି ଯେ, ଟି-20 ବିଶ୍ୱକପ ୨୦୨୪ରେ ଭାରତ ଓ ପାକିସ୍ତାନ ମ୍ୟାଚ୍ ୱେଷ୍ଟଇଣ୍ଡିଜ ପରିବର୍ତ୍ତେ ଆମେରିକାରେ ମଧ୍ୟ ଅନୁଷ୍ଠିତ ହୋଇପାରେ। ଆଇସିସି ଟୁର୍ଣ୍ଣାମେଣ୍ଟର ସବୁଠାରୁ ବଡ଼ 'ବକ୍ସ ଅଫିସ୍' ମ୍ୟାଚ୍ ଆମେରିକାରେ ଅନୁଷ୍ଠିତ ହେବାର ସମ୍ଭାବନା ରହିଛି। ଭାରତ ଓ ପାକିସ୍ତାନ ଦଳର ଦର୍ଶକଙ୍କୁ ଦୃଷ୍ଟିରେ ରଖି ୱେଷ୍ଟଇଣ୍ଡିଜରେ ନୁହେଁ, ଆମେରିକାରେ ଏହି ମ୍ୟାଚ୍ ଅନୁଷ୍ଠିତ ହୋଇପାରେ ବୋଲି ସେ କହିଛନ୍ତି। 

ପିଟିଆଇକୁ ଦେଇଥିବା ଏକ ସାକ୍ଷାତକାରରେ ଅତୁଲ ରାୟ କହିଛନ୍ତି ଯେ, "ଫ୍ଲୋରିଡାରେ ୱେଷ୍ଟଇଣ୍ଡିଜ୍ ବିପକ୍ଷ ଭାରତର ମ୍ୟାଚ୍ ପ୍ରତିକ୍ରିୟାକୁ ଦେଖିଲେ ଏହା ଆମେରିକାରେ କରାଯିବ। ଭାରତର ଏହି ମ୍ୟାଚ୍ ପାଇଁ ସମସ୍ତ ଟିକେଟ୍ ବିକ୍ରି ହୋଇଯାଇଥିଲା।"

ଅତୁଲ ରାୟ ଆହୁରି କହିଛନ୍ତି ଯେ, "କ୍ରିସ୍ ଟେଟଲିଙ୍କ ନେତୃତ୍ୱରେ ଆଇସିସି ଟୁର୍ଣ୍ଣାମେଣ୍ଟ ଦଳ ମେ ମାସରେ ପରିଦର୍ଶନ କରିଥିଲେ, ଯେଉଁଥିରେ ସେମାନେ ବିଭିନ୍ନ ସହରରେ ଅନେକ ଗ୍ରାଉଣ୍ଡ ପରିଦର୍ଶନ କରିଛନ୍ତି। ସେ କିଛି ସପ୍ତାହ ପୂର୍ବରୁ (ଡିସେମ୍ବର) ପୁନର୍ବାର ଆସି ସ୍ଥଳ ନିରୀକ୍ଷଣ କରିଥିଲେ।"

ଆହୁରି ପଢ଼ନ୍ତୁ: ହାର୍ଦ୍ଦିକ ପାଣ୍ଡ୍ୟା କ'ଣ ପାଇଁ ହୋଇପାରିଲେନି ଟିମ୍ ଇଣ୍ଡିଆର ସ୍ଥାୟୀ ଅଧିନାୟକ? ସାମ୍ନା କୁ ଆସିଲା ଏହି ବଡ଼ କାରଣ

ଆମେରିକାରେ ୨୦୨୪ ବିଶ୍ୱସ୍ତରୀୟ ଟୁର୍ଣ୍ଣାମେଣ୍ଟ ଏହିପରି ପ୍ରଥମ ଟୁର୍ଣ୍ଣାମେଣ୍ଟ ହେବ । ଯେତେବେଳେ କି କାରିବିଆନ୍ ଦେଶ ଗୁଡ଼ିକ ପୂର୍ବରୁ ଦିନିକିଆ ଓ ଟି-20 ବିଶ୍ୱକପ୍ ଆୟୋଜନ କରିସାରିଛି।