IND vs SL 3rd T20: ସୂର୍ଯ୍ୟକୁମାରଙ୍କ ତୁଫାନ ଆଗରେ ଉଡ଼ିଗଲା ଶ୍ରୀଲଙ୍କା ଦଳ, ସୋସିଆଲ ମିଡିଆରେ ଫେନ୍ସ କଲେ ମଜାଦାର ଟ୍ୱିଟ୍
କ୍ରିକେଟ ଖବର: ଭାରତ ଏବଂ ଶ୍ରୀଲଙ୍କା ମଧ୍ୟରେ ଚାଲିଥିବା ରୋମାଞ୍ଚକର 3 ମ୍ୟାଚ୍ ବିଶିଷ୍ଟ ଟି-ଟ୍ୱେଣ୍ଟି ସିରିଜର ଶେଷ ତଥା ନିର୍ଣ୍ଣାୟକ ମ୍ୟାଚ୍ ଜାନୁଆରୀ 7 ତାରିଖରେ ରାଜକୋଟର ସୌରାଷ୍ଟ୍ର କ୍ରିକେଟ୍ ଷ୍ଟାଡିୟମରେ ଖେଳାଯାଉଛି। ଯେଉଁଥିରେ ଟିମ୍ ଇଣ୍ଡିଆର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଟସ୍ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ।
ଏଭଳି ପରିସ୍ଥିତିରେ ଟିମ୍ ଇଣ୍ଡିଆର ବିସ୍ଫୋରକ ମଧ୍ୟମ ଅର୍ଡର ବ୍ୟାଟ୍ସମ୍ୟାନ୍ ସୁର୍ଯ୍ୟକୁମାର ଏହି ମ୍ୟାଚରେ ଏକ ଶତକ ହାସଲ କରିଛନ୍ତି। ଯାହା ପରେ ଏବେ ତାଙ୍କୁ ସୋସିଆଲ ମିଡିଆରେ ୟୁଜରମାନେ ଭୁରି ଭୁରି ପ୍ରଶଂସା କରୁଛନ୍ତି। ସୂଚନାଯୋଗ୍ୟ ଯେ, ଟିମ୍ ଇଣ୍ଡିଆର ଆକ୍ରମଣାତ୍ମକ ମଧ୍ୟମ ଅର୍ଡର ବ୍ୟାଟ୍ସମ୍ୟାନ୍ ସୂର୍ଯ୍ୟକୁମାର ଯାଦବ ତୃତୀୟ ଟି-20ରେ ଶ୍ରୀଲଙ୍କା ବିପକ୍ଷରେ ଏକ ଚମତ୍କାର ଶତକ ହାସଲ କରିଛନ୍ତି। ଏହା ହେଉଛି ତାଙ୍କର ଅନ୍ତର୍ଜାତୀୟ T20 କ୍ୟାରିୟରର ତୃତୀୟ ଶତକ।
219.61 ର ଉତ୍କୃଷ୍ଟ ଷ୍ଟ୍ରାଇକ୍ ହାରରେ ବ୍ୟାଟିଂ କରି ସୂର୍ଯ୍ୟ 51 ବଲରେ 112 ରନ୍ ସଂଗ୍ରହ କରିଛନ୍ତି। ଯେଉଁଥିରେ 7 ଟି ଚୌକା ଏବଂ 9 ଟି ବିଶାଳ ଛକା ତାଙ୍କ ବ୍ୟାଟରୁ ଦେଖିବାକୁ ମିଳିଛି। କେବଳ ଏତିକି ନୁହେଁ, ସୁର୍ଯ୍ୟ ଇନିଂସ ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ। ତାଙ୍କର ଆଶ୍ଚର୍ଯ୍ୟଜନକ ଶତକ ହେତୁ ଭାରତ 20 ଓଭରରେ 5 ୱିକେଟ୍ ହରାଇ 228 ରନ୍ ସଂଗ୍ରହ କରିଛି। ଏଥି ସହିତ, ତାଙ୍କ ଶତକ ପରେ ପ୍ରଶଂସକମାନେ ସୋସିଆଲ ମିଡିଆରେ ତାଙ୍କୁ ପ୍ରଶଂସା କରୁଛନ୍ତି।
ଆହୁରି ପଢ଼ନ୍ତୁ: ପାଣ୍ଡ୍ୟାଙ୍କ ଅଧିନାୟକତ୍ୱରେ ଏହି ବଡ ଖେଳାଳି ଟିମ୍ ଇଣ୍ଡିଆ ପାଇଁ ହୋଇଗଲାଣି ବୋଝ, ପ୍ରତ୍ୟେକ ମ୍ୟାଚରେ ପରାଜୟର କାରଣ ହେଉଛି!
ସୂର୍ଯ୍ୟଙ୍କୁ ପ୍ରଶଂସା କରି ୟୁଜର୍ କହୁଛନ୍ତି ଏମିତି କଥା :
ଜଣେ ୟୁଜର୍ ଲେଖିଛନ୍ତି , "ସୂର୍ଯ୍ୟଙ୍କ ବ୍ୟାଟିଂ ସ୍କିଲର୍ ତୁଳନା ନାହିଁ।" ଅନ୍ୟଜଣେ ୟୁଜର୍ ଲେଖିଛନ୍ତି "ସୂର୍ଯ୍ୟଙ୍କ ଆଗରେ କେହି ତିଷ୍ଠି ପାରିଲେ ନାହିଁ"।
ତୃତୀୟ ୟୁଜର୍ ଲେଖିଛନ୍ତି " ଆଉ ଏକ ଭିଡ଼ିଓ ଗେମ୍ ଇନିଂସ ଦେଖିବାକୁ ମିଳିଲା"।