କ୍ରିକେଟ ଖବର : ଗୁରୁବାର ଦିନ ଲର୍ଡସରେ ଭାରତ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ତିନି ମ୍ୟାଚ୍ ବିଶିଷ୍ଟ ODI ସିରିଜର ଦ୍ୱିତୀୟ ମ୍ୟାଚ୍‌ରେ ଟିମ୍ ଇଣ୍ଡିଆ 100 ରନ୍‌ର ପରାଜୟର ସମ୍ମୁଖୀନ ହୋଇଛି। ଏହି ମ୍ୟାଚରେ ଭାରତୀୟ ଦଳ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା।  ଭାରତୀୟ ଦଳର ବୋଲରମାନେ ପୁଣି ଭଲ ବୋଲିଂ କରିଥିଲେ।  

49 ଓଭରରେ 246 ରନ୍ ସ୍କୋର କରିବା ପରେ ଇଂଲଣ୍ଡ ଦଳ ଅଲ ଆଉଟ୍ ହୋଇଯାଇଥିଲା ଏବଂ ଭାରତକୁ 247 ରନ୍ ର ଟାର୍ଗେଟ ମିଳିଥିଲା। କିନ୍ତୁ ଟିମ୍ ଇଣ୍ଡିଆର ବ୍ୟାଟ୍ସମ୍ୟାନମାନେ କିଛି ବିଶେଷ କରିପାରିନଥିଲେ। ଆଉ ଇଂଲଣ୍ଡ ବୋଲରମାନେ ଚମତ୍କାର ପ୍ରଦର୍ଶନ କରି ଭାରତକୁ 38.5 ଓଭରରେ 146 ରନରେ ଅଲ ଆଉଟ୍ କରାଇଥିଲେ।

ପରାଜୟ ପରେ ଅଧିନାୟକ ରୋହିତ ଶର୍ମା କ’ଣ କହିଥିଲେ?

ଏହି ମ୍ୟାଚରେ ଭାରତୀୟ ଦଳର ଅଧିନାୟକ ରୋହିତ ଶର୍ମା ବିଲକୁଲ୍ ରନ ଖାତା ଖୋଲି ନଥିଲେ। ସେ 10 ଟି ବଲର ସମ୍ମୁଖୀନ ହୋଇଥିଲେ। ଆଉ ଶୁନ୍ ରନ କରି ପାଭିଲିୟନ ପଳାଇଥିଲେ। କେବଳ ଏତିକି ନୁହେଁ ତାଙ୍କ ସାଥୀ ବ୍ୟାଟ୍ସମ୍ୟାନ୍ ଶିଖର ଧାୱନ ମାତ୍ର 9 ରନ୍ ସ୍କୋର କରିଥିଲେ ଏବଂ ସେ ମଧ୍ୟ ଆଉଟ୍ ହୋଇ ପାଭିଲିୟନକୁ ଯାଇଥିଲେ। ପୋଷ୍ଟ ମ୍ୟାଚରେ କହିବା ବେଳେ ତାଙ୍କ ଦଳର ଟପ ଅର୍ଡର ଉପରେ ରୋହିତ ଶର୍ମା ଟିକେ ବିରକ୍ତ ଦେଖାଯାଉଥିଲେ।

ପୋଷ୍ଟ ମ୍ୟାଚ୍ ସମ୍ମିଳନୀରେ ସେ ଟିମ୍ ଇଣ୍ଡିଆର ପରାଜୟର କାରଣ ଦର୍ଶାଇଛନ୍ତି। ସେ ପିଚ୍ ବିଷୟରେ କହିଛନ୍ତି ଯେ ଯଦି ଆପଣ ମ୍ୟାଚ୍ ଜିତିବାକୁ ଚାହାଁନ୍ତି ତେବେ ଆପଣଙ୍କୁ ପ୍ରତ୍ୟକ କ୍ୟାଚ୍ ନେବାକୁ ପଡିବ, ଆମେ ଆହୁରି ଚେଷ୍ଟା କରିବୁ, କିନ୍ତୁ ଆମେ ଭଲ ବୋଲିଂ କରିଛୁ। ପିଚ୍ ଦେଖି ମୁଁ ଆଶ୍ଚର୍ଯ୍ୟ ହୋଇଗଲି। ଲାଗୁଥିଲା ଯେ ଏହା ସମୟ ସହିତ ଉନ୍ନତ ହେବ କିନ୍ତୁ ଏହା ଆହୁରି କଷ୍ଟସାଧ୍ୟ ହୋଇଗଲା।

ଖରାପ ବ୍ୟାଟିଂ ବିଷୟରେ ରୋହିତ ଶର୍ମା କହିଛନ୍ତି ଯେ ଆମର ଶୀର୍ଷ ବ୍ୟାଟିଂ ଅଛି କିନ୍ତୁ ଆମର ଟପ୍ ଅର୍ଡର ବ୍ୟାଟ୍ସମ୍ୟାନ ଏହି ମ୍ୟାଚରେ ଭଲ ପ୍ରଦର୍ଶନ କରିପାରିଲେ ନାହିଁ। ସେହି କାରଣରୁ ଆମେ ମ୍ୟାଚ୍ ହାରିଗଲୁ। ଯଦି ଆମେ ଏହା କରିଥାନ୍ତୁ ତେବେ ଆମେ ଆଗରେ ଥା’ନ୍ତୁ। ଆମେ କେବଳ ପରିସ୍ଥିତି ଦେଖିବାକୁ ଏବଂ ସେହି ଅନୁଯାୟୀ ପରିବର୍ତ୍ତନ କରିବାକୁ ଚାହୁଁଛୁ।