କ୍ରିକେଟ ଖବର : ସୂର୍ଯ୍ୟକୁମାର ଯାଦବ ଏବଂ ବିରାଟ କୋହଲି। ବର୍ତ୍ତମାନ ଟି -20 କ୍ରିକେଟ୍ ରେ ଭାରତୀୟ ଦଳର ମେରୁଦଣ୍ଡ ଅଟନ୍ତି। ଏହି ଟି -20 ବିଶ୍ୱକପ ସମୟରେ ଉଭୟ ଖେଳାଳି ଭଲ ଖେଳ ପ୍ରଦର୍ଶନ କରୁଛନ୍ତି। ଯେଉଁ କାରଣରୁ ଟିମ୍ ଇଣ୍ଡିଆ ବିଶ୍ୱକପ୍‌ର ସେମିଫାଇନାଲରେ ପ୍ରବେଶ କରିଛି। ତେବେ ଦଳ 10 ନଭେମ୍ବରରେ ଇଂଲଣ୍ଡ ସହିତ ସେମିଫାଇନାଲ ମ୍ୟାଚ ଖେଳିବ। ଏଭଳି ପରିସ୍ଥିତିରେ ଏହି ଦୁଇ ଖେଳାଳିଙ୍କୁ  ଦୃଷ୍ଟିରେ ରଖି ଇଂଲଣ୍ଡ ଦଳର ଚିନ୍ତା ବଢିଛି। ଯାହା ଦଳର ଅଲରାଉଣ୍ଡର ବେନ୍ ଷ୍ଟୋକ୍ସଙ୍କ ବୟାନରୁ ସ୍ପଷ୍ଟ ହୋଇଛି।

ଚଳିତବର୍ଷ ଟୁର୍ନାମେଣ୍ଟରେ ସୂର୍ଯ୍ୟ ପଡ଼ିଆର ଚାରିଆଡେ ଆକର୍ଷଣୀୟ ସଟ୍ ମାରୁଥିବା ବେଳେ ବିରାଟ ମଧ୍ୟ ତାଙ୍କ ପୁରୁଣା ରୂପକୁ ଫେରିଥିବା ନଜର ଆସିଛନ୍ତି। ଏହି ମେଗା ଇଭେଣ୍ଟରେ ଉଭୟ ଖେଳାଳି 200 ରୁ ଅଧିକ ରନ୍ ସଂଗ୍ରହ କରିଛନ୍ତି। ଏହା ଦେଖି ଇଂଲଣ୍ଡର ତାରକା ଅଲରାଉଣ୍ଡର ବେନ୍ ଷ୍ଟୋକ୍ସ ପ୍ରଶଂସା କରିଛନ୍ତି।

ଏହି ଦୁଇ ଖେଳାଳିଙ୍କ ବିଷୟରେ କଣ କହିଲେ ବେନ୍ ଷ୍ଟୋକ୍ସ :

ବେନ୍ ଷ୍ଟୋକ୍ସ ସେମିଫାଇନାଲ ମ୍ୟାଚ୍ ପୂର୍ବରୁ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, କ୍ରିକେଟ୍ ଜଗତରେ ସୂର୍ଯ୍ୟକୁମାର ପ୍ରକୃତରେ ଭଲ ଫର୍ମରେ ଅଛନ୍ତି। ସେ ଜଣେ ପ୍ରତିଭାବାନ ଖେଳାଳୀ ଏବଂ କିଛି ସଟ ଖେଳନ୍ତି ଯାହା ଆପଣଙ୍କୁ ଭାବିବାକୁ ବାଧ୍ୟ କରିଦେବ। ସେ ବର୍ତ୍ତମାନ ବହୁତ ଭଲ ଫର୍ମରେ ଅଛନ୍ତି, କିନ୍ତୁ ସେମିଫାଇନାଲ ମ୍ୟାଚରେ ତାଙ୍କୁ ଏମିତି ଭାବରେ ଖେଳିବାକୁ ନଦେବାକୁ ଆମେ ଚେଷ୍ଟା କରିବୁ।

#WATCH | Adelaide, Australia: England all-rounder Ben Stokes calls Suryakumar Yadav a fantastic player; "he plays some shots where you just start scratching your head sometimes."

India will face England in Adelaide in the #T20WorldCup semi-final on November 10th. pic.twitter.com/5CJ1v44dRE

— ANI (@ANI) November 8, 2022

ବିରାଟ କୋହଲିଙ୍କ ବିଷୟରେ ଷ୍ଟୋକ୍ସ କହିଛନ୍ତି ଯେ, ବିରାଟ କୋହଲି ଗତ ଅନେକ ବର୍ଷ ଧରି ଭଲ କ୍ରିକେଟ୍ ଖେଳିଛନ୍ତି। ଯଦିଓ ଗତ କିଛି ମାସ ତାଙ୍କ ପାଇଁ ଭଲ ନଥିଲା, ସେଥିପାଇଁ ତାଙ୍କୁ ପ୍ରଶ୍ନ କରିବା ମୋର ବୁଝାମଣା ବାହାରେ। ମୁଁ ଭାବୁନାହିଁ ଯେ ସେ ଏହି ସମ୍ମାନ ହାସଲ କରିଥିବାରୁ ତାଙ୍କୁ ପ୍ରଶ୍ନ କରିବା ଠିକ୍ ନୁହେଁ। କ୍ରିକେଟ୍ ର ତିନୋଟି ଫର୍ମାଟରେ ତାଙ୍କର ପ୍ରଦର୍ଶନ ଆଶ୍ଚର୍ଯ୍ୟଜନକ ହୋଇଛି ଆଉ ଆଗକୁ ବି ଏଭଳି ରହିବ।