କ୍ରିକେଟ୍ ଖବର : ଏସିଆ କପର ଚତୁର୍ଥ ମ୍ୟାଚରେ ଭାରତ ହଂକଂକୁ 40 ରନରେ ପରାସ୍ତ କରିଛି। ପ୍ରଥମେ ବ୍ୟାଟିଂ କରି ଭାରତ 2 ୱିକେଟ୍ ହରାଇ 192 ରନ୍ ସଂଗ୍ରହ କରିଥିଲା।  ଏହାର ଉତ୍ତରରେ ହଂକଂ ଦଳ 5 ୱିକେଟରେ 152 ରନ୍ ସ୍କୋର କରିପାରିଥିଲା। ଭାରତ ପାଇଁ ଏହି ମ୍ୟାଚର ତାରକା ହେଉଛନ୍ତି ସୂର୍ଯ୍ୟକୁମାର ଯାଦବ। ସେ ମାତ୍ର 26 ବଲରେ ଅପରାଜିତ 68 ରନ୍ ସଂଗ୍ରହ କରିଥିଲେ।

ଏହି ମ୍ୟାଚରେ ସୃଷ୍ଟି ହେଲା ଏହି ସବୁ ରେକର୍ଡ :

1) ରୋହିତ ଶର୍ମା ଅନ୍ତର୍ଜାତୀୟ ଟି-20 ମ୍ୟାଚରେ 3500 ରନ୍ ସ୍କୋର କରିବାରେ ଦୁନିଆର ପ୍ରଥମ ଖେଳାଳି ହୋଇଛନ୍ତି।

2) କେଏଲ ରାହୁଲ ଅନ୍ତର୍ଜାତୀୟ ସ୍ତରରେ ତାଙ୍କର 600ଟି ଚୌକା ପୂରଣ କରିଥିଲେ।

3) ହଂକଂର ଖେଳାଳି ନିଜାକାତ୍ ଖାନ ତାଙ୍କର 50 ତମ ଟି -20 ମ୍ୟାଚ୍ ଖେଳିଛନ୍ତି।

4) ବିରାଟ କୋହଲି ଟି-20ରେ 18 ତମ ଥର ପାଇଁ ଅପରାଜିତ 50 ପ୍ଲସ୍ ସ୍କୋର କରିଛନ୍ତି। 

5) ବିରାଟ କୋହଲି ଏସିଆ କପ୍ 2022 ରେ ପଚାଶ ସ୍କୋର କରିଥିବା ପ୍ରଥମ ଖେଳାଳି ହୋଇଛନ୍ତି। 

6) ଏସିଆ କପ୍ 2022 ରେ ବିରାଟ କୋହଲି ସର୍ବାଧିକ ରନ୍ ସଂଗ୍ରହ କରିଛନ୍ତି।

7) ଏହି ମ୍ୟାଚରେ ବିରାଟ କୋହଲି  ଟି -20 କ୍ରିକେଟରେ ନିଜର 950ଟି ଚୌକା ପୂରଣ କରିଛନ୍ତି।

8) ଚଳିତ ବର୍ଷ ଭାରତ ପାଇଁ ଟି-20 ଫର୍ମାଟରେ ସୁର୍ଯ୍ୟକୁମାର ସର୍ବାଧିକ ରନ୍ କରିଛନ୍ତି।  ସେ 14 ଟି ମ୍ୟାଚରେ 514 ରନ୍ ସଂଗ୍ରହ କରିଛନ୍ତି।  ଏହି ରନ୍ ଗୁଡିକ ମଧ୍ୟ 190 ରୁ ଅଧିକ ଷ୍ଟ୍ରାଇକ୍ ହାରରେ ଆସିଛି।

9) ରୋହିତ ଶର୍ମା ଅନ୍ତର୍ଜାତୀୟ କ୍ରିକେଟରେ ଓପନର୍ ଭାବରେ 12000 ରନ୍ ପୂରଣ କରିଛନ୍ତି। 

10) ଏସିଆ କପ୍ 2022 ର ସୁପର ଫୋରରେ ଭାରତ ନିଜର ସ୍ଥାନ ନିଶ୍ଚିତ କରିଛି।

11) ଏସିଆ କପରେ କ୍ରମାଗତ 14 ତମ ମ୍ୟାଚ୍ ଜିତିଛି ଭାରତ।

12) ଅଧିନାୟକ ଭାବରେ ରୋହିତ ଶର୍ମା ଏସିଆ କପରେ କ୍ରମାଗତ ସପ୍ତମ ମ୍ୟାଚ୍ ବିଜୟ ରେକର୍ଡ ସୃଷ୍ଟି କରିଛନ୍ତି।

13) ରୋହିତ ଶର୍ମା ବର୍ତ୍ତମାନ ଟି -20 ଆନ୍ତର୍ଜାତୀୟ ଇତିହାସରେ ଦ୍ୱିତୀୟ ସଫଳ ଭାରତୀୟ ଅଧିନାୟକ ହୋଇଛନ୍ତି - ମାତ୍ର 37 ଟି ମ୍ୟାଚରେ 31 ଟି ବିଜୟ ହୋଇଛନ୍ତି ସେ। ତାଙ୍କ ଅପେକ୍ଷା କେବଳ ମହେନ୍ଦ୍ର ସିଂ ଧୋନି ଅଧିକ ମ୍ୟାଚ୍ ଜିତିଛନ୍ତି। ଧୋନି 72 ଟି ମ୍ୟାଚ ମଧ୍ୟରୁ 41 ଟି ଜିତିଥିଲେ। ଏହି ମ୍ୟାଚରେ ସେ ବିରାଟ କୋହଲିଙ୍କୁ ପଛରେ ଛାଡିଛନ୍ତି।

14) ଏହି ମ୍ୟାଚରେ ଗତ 4 ଓଭରରେ ଭାରତ 78 ରନ୍ ସଂଗ୍ରହ କରିଛି।