ରାଜକୋଟରେ ଖେଳାଯାଇଥିବା ତୃତୀୟ ଟେଷ୍ଟ ମ୍ୟାଚ୍‌କୁ ୪୩୪ ରନ୍‌ ବ୍ୟବଧାନରେ ଜିତି ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍‌ ଟେଷ୍ଟ ସିରିଜରେ ଭାରତ ୨-୧ରେ ଅଗ୍ରଣୀ ଲାଭ କରିଛି। ତେବେ ତୃତୀୟ ଟେଷ୍ଟର ଚତୁର୍ଥ ଦିନରେ ଏକ ହାସ୍ୟାସ୍ପଦ ଦୃଶ୍ୟ ଦେଖିବାକୁ ମିଳିଥିଲା। ପ୍ରକୃତରେ ଭାରତର ଦ୍ୱିତୀୟ ଇନିଂସରେ ୯୭ ଓଭର ସମାପ୍ତ ହେବା ପରେ ଯଶସ୍ୱୀ ଜୟସୱାଲ ଏବଂ ସରଫରାଜ ଖାନଙ୍କ ଭୁଲ ବୁଝାମଣା ହେତୁ ପଡ଼ିଆରୁ ଫେରିବା ଆରମ୍ଭ କରିଥିଲେ। 

ଇଂଲଣ୍ଡ ଖେଳାଳିମାନେ ଅନୁଭବ କରିଥିଲେ ଯେ ରୋହିତ ଶର୍ମା ଇନିଂସ ଘୋଷଣା କରିଛନ୍ତି। ଏପରିକି ବେନ୍ ଡକେଟ୍ ଡ୍ରେସିଂ ରୁମର ସିଡ଼ି ପର୍ଯ୍ୟନ୍ତ ମଧ୍ୟ ପହଞ୍ଚି ଯାଇଥିଲେ। ତା’ପରେ ରୋହିତ ଶର୍ମା ହଠାତ୍ ରାଗିଯିବା ସହିତ ଜୟସୱାଲ ଏବଂ ସରଫରାଜ ଖାନଙ୍କୁ ବ୍ୟାଟିଂ କରିବାକୁ ଫେରିବାକୁ ସଙ୍କେତ ଦେଇଥିଲେ। ବାସ୍ତବରେ ଜୟସୱାଲ ଅନୁଭବ କରିଥିଲେ ଯେ ରୋହିତ ଶର୍ମା ତାଙ୍କ ଦ୍ଵିଶତକ ପାଇଁ ଇନିଂସ ଘୋଷଣା କରିବାକୁ ଅପେକ୍ଷା କରିଛନ୍ତି। 

Crowd declare krne ke liye mana kr rha tha😹😹
Isliye England players ko vapis bhej diya🤣🤣#INDvENG #RohitSharmapic.twitter.com/6bjDoC534E

— Ayush Rajput (@Ayush_Rajput17) February 18, 2024

ଯଶସ୍ୱୀ ଜୟସୱାଲଙ୍କ ଦ୍ଵିଶତକ ପରେ ଡ୍ରିଂକ୍ସ ବ୍ରେକ ନିଆଯାଇଥିଲା। ଏହା ପରେ ଜୟସୱାଲ ସରଫରାଜ ଖାନଙ୍କ ସହ ଫେରିବା ଆରମ୍ଭ କରିଥିଲେ, କିନ୍ତୁ ସେତେବେଳେ ରୋହିତ ଶର୍ମା କୌଣସି ସଙ୍କେତ ଦେଇନଥିଲେ। ଜୟସୱାଲ ଏବଂ ସରଫରାଜ ଖାନଙ୍କ ସହ ଇଂଲଣ୍ଡ ଖେଳାଳିମାନେ ମଧ୍ୟ ଦ୍ୱନ୍ଦ୍ୱରେ ପଡ଼ିଥିଲେ। ସବୁଠାରୁବଡ଼ କଥା ହେଉଛି ଖେଳାଳିମାନେ ଫେରିବା ଦେଖି ରୋହିତ ଶର୍ମା ନିଜେ ଆଶ୍ଚର୍ଯ୍ୟ ହୋଇଯାଇଥିଲେ। 

ପ୍ରକୃତରେ କ୍ୟାପଟେନ ରୋହିତ ଶର୍ମା ଚାହୁଁଥିଲେ ଯେ  ପରେ ଟିମ୍ ଇଣ୍ଡିଆ ଅତିରିକ୍ତ ଓଭର ଖେଳୁ ଏବଂ ବ୍ୟାଟର ଶୀଘ୍ର ଆଉ କିଛି ରନ୍ ଯୋଡନ୍ତୁ। ଡ୍ରିଂକ୍ସ ବ୍ରେକ ପରେ ଭାରତୀୟ ଦଳ ଏକମାତ୍ର ଅତିରିକ୍ତ ଓଭର ଖେଳି ସେଥିରେ ୧୮ ରନ୍ ସ୍କୋର କରିଥିଲା।  ଚାରି ୱିକେଟ୍ ପାଇଁ ୪୩୦ ରନ୍ ସ୍କୋର କରିବା ପରେ ଭାରତୀୟ ଦଳ ଦ୍ୱିତୀୟ ଇନିଂସ ଘୋଷଣା କରିଥିଲା। ପ୍ରଥମ ଇନିଂସରେ ୧୨୬ ରନର ଅଗ୍ରଣୀ ଥିବା ଭାରତ ଇଂଲଣ୍ଡ ପାଇଁ ୫୫୭ ରନର କଷ୍ଟସାଧ୍ୟ ଲକ୍ଷ୍ୟ ସ୍ଥିର କରିଥିଲା। ଭାରତ ପାଇଁ ଦ୍ୱିତୀୟ ଇନିଂସରେ ଓପନର୍ ଯଶସ୍ୱୀ ଜୟସୱାଲ ୨୧୪ ରନ୍ କରିଥିଲେ, ଶୁଭମାନ ଗିଲ ୯୧ ଓ ସାରଫରାଜ ଖାନ ୬୮ ରନ ସ୍କୋର କରିଥିଲେ। ୫୫୭ ରନର ଲକ୍ଷ୍ୟକୁ ପିଛା କରୁଥିବା ଇଂଲଣ୍ଡ ଦଳ ଦ୍ୱିତୀୟ ଇନିଂସରେ ମାତ୍ର ୧୨୨ ରନ୍ କରି ଅଲଆଉଟ୍ ହୋଇ ଯାଇଥିଲା।