ଦେଖନ୍ତୁ ଭିଡିଓ: ମାର୍କ ଉଡ଼ଙ୍କ 150 KMPH ବେଗ ବଲ୍ ର ମଜାକ ଉଡ଼ାଇଲେ ବୁମ୍ରା, ବିରାଟଙ୍କ ଭଳି ମାରିଲେ ଶକ୍ତିଶାଳୀ କଭର ଡ୍ରାଇଭ୍

  1. Home
  2. Video Story

ଦେଖନ୍ତୁ ଭିଡିଓ: ମାର୍କ ଉଡ଼ଙ୍କ 150 KMPH ବେଗ ବଲ୍ ର ମଜାକ ଉଡ଼ାଇଲେ ବୁମ୍ରା, ବିରାଟଙ୍କ ଭଳି ମାରିଲେ ଶକ୍ତିଶାଳୀ କଭର ଡ୍ରାଇଭ୍

Cover drive


ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ଭାରତୀୟ ଦଳର ବୋଲର ଜସପ୍ରୀତ ବୁମ୍ରା ବୋଲିଂ କରିବା ସହ ବ୍ୟାଟିଂରେ ମଧ୍ୟ ଚମତ୍କାର ଦେଖାଯାଉଛନ୍ତି। ନିମ୍ନ କ୍ରମରେ ପ୍ରଭାବଶାଳୀ ବ୍ୟାଟିଂ କରି ସେ ଦଳର ସ୍କୋରରେ ଉଲ୍ଲେଖନୀୟ ଅବଦାନ ଦେଉଛନ୍ତି। ଧରମଶାଲାରେ ଚାଲିଥିବା ଟେଷ୍ଟ ମ୍ୟାଚରେ ଜସପ୍ରୀତ ବୁମ୍ରା ଇଂଲଣ୍ଡ ଦ୍ରୁତ ବୋଲର ମାର୍କ ଉଡ଼ଙ୍କ ବଲରେ ବିରାଟ କୋହଲିଙ୍କ ଭଳି ଶକ୍ତିଶାଳୀ କଭର ଡ୍ରାଇଭ ଖେଳିଥିଲେ। ସମସ୍ତେ ଏହି ସଟର ବେସ୍ ଆନନ୍ଦ ନେଉଥିବା ଦେଖିବାକୁ ମିଳିଥିଲା।

Bumrah

ଭାରତ ଏବଂ ଇଂଲଣ୍ଡ ମଧ୍ୟରେ ଧର୍ମଶାଳାର ହିମାଚଳ ପ୍ରଦେଶ କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ପଞ୍ଚମ ଟେଷ୍ଟ ମ୍ୟାଚ୍ ଖେଳାଯାଇଛି। ଯେଉଁଥିରେ ଇଂଲଣ୍ଡ ଦଳକୁ ଏକ ଇନିଂସ ଏବଂ ୬୪ ରନରେ ପରାସ୍ତ ହେବାକୁ ପଡ଼ିଛି। ଏହି ମ୍ୟାଚରେ ଦ୍ରୁତ ବୋଲର ଜସପ୍ରୀତ ବୁମ୍ରା ମଧ୍ୟ ଚମତ୍କାର ବ୍ୟାଟିଂ କରୁଥିବା ଦେଖିବାକୁ ମିଳିଥିଲା।  ଏହି ସମୟ ମଧ୍ୟରେ ବିରାଟ କୋହଲିଙ୍କ ଭଳି ବୁମ୍ରା ମାର୍କ ଉଡ଼ଙ୍କୁ ଶକ୍ତିଶାଳୀ କଭର ଡ୍ରାଇଭ ଖେଳୁଥିବାର ଦେଖିବାକୁ ମିଳିଛି।

Bumrah

ଟିମ୍ ଇଣ୍ଡିଆର ପ୍ରଥମ ଇନିଂସର ୧୧୭ତମ ଓଭରରେ ମାର୍କ ଉଡ୍ ଇଂଲଣ୍ଡ ପାଇଁ ବୋଲିଂ କରିବାକୁ ଆସିଥିଲେ। ସେ ପ୍ରଥମ ବଲ ବୁମ୍ରାଙ୍କୁ ପକାଇଥିଲେ ଯାହାଙ୍କ କଭର୍ ଡ୍ରାଇଭ ଫିଲ୍ଡରଙ୍କୁ ପରାସ୍ତ କରି ଚାରି ରନ୍ ପାଇଁ ସୀମା ଅତିକ୍ରମ କରିଥିଲା। ଜସପ୍ରୀତ ବୁମ୍ରାଙ୍କ କଭର ଡ୍ରାଇଭ ଦେଖିବା ପରେ ଭାରତୀୟ ଶିବିରରେ ଖୁସିର ଲହରୀ ଖେଳିଯାଇଥିଲା।  


ଡ୍ରେସିଂ ରୁମରେ ବସିଥିବା ତାଙ୍କ ସାଥୀ ଖେଳାଳିଙ୍କ ସହ ଦଳର ସପୋର୍ଟ ଷ୍ଟାଫ୍ ମଧ୍ୟ ଜୋରରେ କରତାଳି ଦେଇ ତାଙ୍କ ସଟ୍ କୁ ପ୍ରଶଂସା କରୁଥିବା ଦେଖିବାକୁ ମିଳିଥିଲା। ମ୍ୟାଚ୍ ବିଷୟରେ କବିବାକୁ ଗଲେ ଇଂଲଣ୍ଡ ପ୍ରଥମେ ବ୍ୟାଟିଂ କରି ପ୍ରଥମ ଇନିଂସରେ ୨୧୮ ରନ୍ ସ୍କୋର କରିବା ପରେ ଅଲଆଉଟ୍ ହୋଇଥିଲା। ଏହାର ଜବାବରେ ରୋହିତ ଶର୍ମାଓ ଶୁଭମନ ଗିଲଙ୍କ ଶତକ ବଳରେ ଟିମ୍ ଇଣ୍ଡିଆ ପ୍ରଥମ ଇନିଂସରେ ୪୭୭ ରନ୍ ସଂଗ୍ରହ କରିଥିଲା। ଜବାବରେ ଇଂଲଣ୍ଡ ଦଳ ଦ୍ଵିତୀୟ ଇନିଂସରେ ମାତ୍ର ୧୯୫ ରନ କରିବାରେ ସଫଳ ହୋଇପାରିଥିଲା।