ଭାରତ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଦ୍ଵିତୀୟ ମ୍ୟାଚ ବିଶାଖାପାଟନମ୍ ଠାରେ ଖେଳାଯିବ। ଦ୍ୱିତୀୟ ଟେଷ୍ଟ ମ୍ୟାଚ୍ ଶୁକ୍ରବାର ଠାରୁ ଆରମ୍ଭ ହେବାକୁ ଯାଉଛି। ଭାରତୀୟ ଦଳ ଏହାକୁ ଜିତି ଏକ ବଡ଼ ପ୍ରତ୍ୟାବର୍ତ୍ତନ କରିବାକୁ ଚେଷ୍ଟା କରିବ। ଅନ୍ୟପକ୍ଷରେ, ଇଂଲଣ୍ଡ ଦଳ ସିରିଜରେ ନିଜର ସ୍ଥିତିକୁ ଦୃଢ କରିବାକୁ ନଜର ରଖିବ। ଭାରତକୁ ୫-୦ ରେ ହରାଇବା ପାଇଁ ଇଂଲଣ୍ଡ ଦଳ ନୂଆ ରଣନୀତି ଅପଣାଇ ପାରେ।

କିନ୍ତୁ ଏହା ପୂର୍ବରୁ ଦଳର ଚୂଡାନ୍ତ ଏକାଦଶ ଖେଳିବା ବିଷୟରେ ମୁଖ୍ୟ ପ୍ରଶିକ୍ଷକ ବ୍ରାଣ୍ଡନ ମ୍ୟାକୁଲମ୍ ଏକ ବଡ଼ ଖୁଲାସା କରିଛନ୍ତି।  ସେ କହିଛନ୍ତି ଯେ ଦ୍ୱିତୀୟ ମ୍ୟାଚରେ ସେ କୌଣସି ଦ୍ରୁତ ବୋଲରଙ୍କ ବିନା ଖେଳିବେ। ଭାରତ ଏବଂ ଇଂଲଣ୍ଡ ମଧ୍ୟରେ ଦ୍ୱିତୀୟ ଟେଷ୍ଟ ମ୍ୟାଚ୍ ବିଶାଖାପାଟନମର ଡକ୍ଟର Y.S.  ରାଜାସେଖରା ରେଡ୍ଡୀ ACA-VDCA କ୍ରିକେଟ୍ ଷ୍ଟାଡିୟମରେ ଖେଳାଯିବ।

ଯଦିଓ ଏହି ଗ୍ରାଉଣ୍ଡର ପିଚ୍ ବ୍ୟାଟ୍ସମ୍ୟାନଙ୍କ ପାଇଁ ଭଲ ବୋଲି ବିବେଚନା କରାଯାଏ, କିନ୍ତୁ କିଛି ସମୟ ପାଇଁ ଏଠାରେ ସ୍ପିନରଙ୍କ ପ୍ରଭାବ ଦେଖିବାକୁ ମିଳିବ ନିଶ୍ଚିତ। ତେଣୁ ଉଭୟ ଦଳର ଚୂଡାନ୍ତ ଏକାଦଶରେ ଅଧିକାଂଶ ସ୍ପିନରଙ୍କୁ ଦେଖିବାକୁ ମିଳିବ। ତେବେ ଇଂଲଣ୍ଡର ମୁଖ୍ୟ ପ୍ରଶିକ୍ଷକ ବ୍ରାଣ୍ଡନ୍ ମ୍ୟାକକୁଲମ୍ କହିଛନ୍ତି ଯେ ଯଦି ପିଚ୍ ସ୍ପିନରଙ୍କ ପାଇଁ ଉପଯୁକ୍ତ ରହିବ। ତେବେ, ଇଂଲଣ୍ଡ ସମସ୍ତ ସ୍ପିନରଙ୍କୁ ସୁଯୋଗ ଦେବାଠାରୁ ଦୂରେଇ ରହିବ ନାହିଁ। 

ସେ ପ୍ରକାଶ କରିଛନ୍ତି,“ଯଦି ସିରିଜ୍ ଆଗକୁ ବଢିବା ସହିତ ୱିକେଟ୍ ଟର୍ନ ହେବା ଜାରି ରଖେ, ତେବେ ଆମେ କେବଳ ସ୍ପିନରଙ୍କୁ ନେଇ ଖେଳିବୁ। ବଶୀର ଆବୁଧାବିରେ ଆମ ସହିତ ଥିଲେ ଏବଂ ତାଙ୍କ ଦକ୍ଷତା ଆମକୁ ପ୍ରଭାବିତ କରିଥିଲା। ସେ ସହଜରେ ଏହି ଗୋଷ୍ଠୀର ଏକ ଅଂଶ ହୋଇ ପାରିବେ। ତାଙ୍କର ବୟସ ଏବଂ ଅଳ୍ପ ପ୍ରଥମ ଶ୍ରେଣୀର ଅଭିଜ୍ଞତା ସତ୍ତ୍ୱେ ସେ ଜଣେ ଭଲ ଖେଳାଳୀ ଅଟନ୍ତି। ”

ବ୍ରେଣ୍ଡନ୍ ମ୍ୟାକକୁଲମ୍ ବେନ୍ ଷ୍ଟୋକ୍ସଙ୍କ ଅଧିନାୟକତ୍ୱକୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ ପ୍ରଥମ ଟେଷ୍ଟ ମ୍ୟାଚରେ ଅଧିନାୟକ ତାଙ୍କ ଅଭିଜ୍ଞ ବୋଲରମାନଙ୍କୁ ଯେପରି ବ୍ୟବହାର କରିଥିଲେ ତାହା ଅବିଶ୍ୱସନୀୟ ଥିଲା। ଏଠାରେ ସୂଚନାଯୋଗ୍ୟ ଯେ ଯୁବ ବୋଲର ଟମ ହାର୍ଟଲି ଭାରତ ବିପକ୍ଷରେ ଟେଷ୍ଟ ଡେବ୍ୟୁ କରିଥିଲେ।  ସେ ପ୍ରଥମ ଇନିଂସରେ ବହୁତ ମହଙ୍ଗା ସାବ୍ୟସ୍ତ ହୋଇଥିଲେ ଏବଂ କେବଳ ଦୁଇଟି ୱିକେଟ୍ ନେଇପାରିଥିଲେ। 

କିନ୍ତୁ ଏହା ପରେ ସେ ଦ୍ୱିତୀୟ ଇନିଂସରେ ଦୃଢ ପ୍ରତ୍ୟାବର୍ତ୍ତନ କରି ୭ ଜଣ ଭାରତୀୟ ଖେଳାଳିଙ୍କୁ ତାଙ୍କର ଶିକାର କରିଥିଲେ। ତାଙ୍କ ବୋଲିଂ ହେତୁ ଇଂଲଣ୍ଡ ଦଳ ମ୍ୟାଚ ଜିତିବାରେ ସଫଳ ହୋଇଥିଲା। ଆଗକୁ ସିରିଜରେ ଇଂଲଣ୍ଡ ଦଳ ନିଜ ସ୍ପିନ ବୋଲରଙ୍କୁ ନେଇ ଭାରତକୁ ଅସୁବିଧାରେ ପକାଇପାରେ।