ପରାଜୟ ପରେ ଜୋସ୍ ବଟଲର ଦେଲେ ବୟାନ, କହିଲେ "ଆମେ ଖେଳରେ ଆଗ୍ରେସିଭ୍, ହେଲେ ଟିମ୍ ଇଣ୍ଡିଆ ତ..."
ଭାରତ-ଇଂଲଣ୍ଡ ଟି-20 ସିରିଜ : ବୁଧବାର ଦିନ କୋଲକାତାର ଇଡେନ ଗାର୍ଡେନ କ୍ରିକେଟ୍ ଗ୍ରାଉଣ୍ଡରେ ଭାରତ-ଇଂଲଣ୍ଡ ମଧ୍ୟରେ ପ୍ରଥମ ଟି-୨୦ ମ୍ୟାଚ୍ ଖେଳାଯାଇଥିଲା ।୫ଟିକିଆ ଟି-୨୦ ସିରିଜ୍ର ଏହା ପ୍ରଥମ ମ୍ୟାଚ୍ ଥିଲା । ଯେଉଁଥିରେ ଟସ୍ ଜିତି ଟସ ଜିତି ପ୍ରଥମେ ବୋଲିଂ ପାଇଁ ନିଷ୍ପତ୍ତି ନେଇଥିଲା ।
ପ୍ରଥମ ବ୍ୟାଟିଂ କରି ଇଂଲଣ୍ଡ ୨୦ ଓଭରରେ ମାତ୍ର ୧୩୨ ରନ୍ କରିଥିଲା । ଜବାବରେ ଭାରତୀୟ ଟିମ୍ ମାତ୍ର ୧୩ ଓଭରରେ ଏହି ଛୋଟ ଟାର୍ଗେଟକୁ ହାସଲ କରିଦେଇଥିଲା । ଅଭିଷେକ ଶର୍ମାଙ୍କ ଧୁଆଁଧାର ବ୍ୟାଟିଂ ଥିଲା । ଅଭିଷେକ ଶର୍ମା ମାତ୍ର ୩୪ ବଲ୍ରେ ଖେଳିଥିଲେ ୭୯ ରନ୍ କରିଥିଲେ, ଯେଉଁଥିରେ ସାମିଲ ଥିଲା ୮ଟି ବିଶାଳ ଛକା ଏବଂ ୫ ଚୌକା ।
ତେବେ ମ୍ୟାଚ୍ ବିଜୟ ପରେ ଆୟୋଜିତ ପୁରସ୍କାର ବିତରଣ ଉତ୍ସବରେ ଜୋସ୍ ବଟ୍ଲର କହିଥିଲେ ଯେ, ଆମେ ଆଗ୍ରେସିଭ୍ କ୍ରିକେଟ୍ ଖେଳୁଛି । ଯାହାକି ବିଶ୍ୱ କ୍ରିକେଟ୍ରେ ଆମକୁ ପରିଚୟ ଦେଇଛି । ହେଲେ ଟିମ୍ ଇଣ୍ଡିଆ ଆମଠାରୁ ବି ଅଧିକ ଆଗ୍ରେସିଭ୍ କ୍ରିକେଟ୍ ଖେଳୁଛି । ମୋ ମତରେ ଟିମ୍ ଇଣ୍ଡିଆ ବର୍ତ୍ତମାନ ଅଲ୍ଟ୍ରା ଆଗ୍ରେସିଭ୍ କ୍ରିକେଟ୍ ଖେଳୁଛି ।
ସୂଚନାଯୋଗ୍ୟ ଯେ, ଭାରତ-ଇଂଲଣ୍ଡ ମଧ୍ୟରେ ମଙ୍ଗଳବାର ଠାରୁ ଆରମ୍ଭ ହୋଇଛି ୫ଟିକିଆ ଟି-୨୦ ସିରିଜ୍ । ପ୍ରଥମ ମ୍ୟାଚ୍ ଜାନୁଆରୀ ୨୨ ତାରିଖରେ ଥିଲା । ଯାହାକୁ ଭାରତୀୟ ଟିମ୍ ବିଜୟୀ ହୋଇଛି । ଏହାପରେ ୨୫ ତାରିଖରେ ୨ୟ ଟି-୨୦ ଚେନ୍ନାଇ ଚିଦାମ୍ବରମ ଷ୍ଟାଡିୟମ୍ରେ ଖେଳାଯିବ, ତୃତୀୟ ୩ୟ ଟି-୨୦ ମ୍ୟାଚ୍ ଜାନୁଆରୀ ୨୮ରେ ରାଜକୋଟରେ ଖେଳାଯିବ, ୪ର୍ଥ ଟି-୨୦ ମ୍ୟାଚ୍ ଜାନୁଆରୀ ୩୧ରେ ପୁନେରେ ଖେଳାଯିବ, ଶେଷରେ ପଞ୍ଚମ ଟି-୨୦ ମ୍ୟାଚ୍ ଫେବୃଆରୀ ୨ରେ ମୁମ୍ବାଇରେ ଖେଳାଯିବ ।