ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ର ୧୮ ତମ ସିଜନ୍ ଆସନ୍ତା ବର୍ଷ ଭାରତରେ ଖେଳାଯିବ। ଯେଉଁଥିପାଇଁ ଏହି ଡିସେମ୍ବରରେ ଏକ ମେଗା ନିଲାମ ଅନୁଷ୍ଠିତ ହେବ। ଏହାପୂର୍ବରୁ, ସମସ୍ତ ଆଇପିଏଲ୍ ଫ୍ରାଞ୍ଚାଇଜ୍ ସେମାନଙ୍କର କୋଚିଂ ଷ୍ଟାପ୍ ଖୋଜିବାକୁ ଲାଗିଛନ୍ତି। କିନ୍ତୁ, ଜଣେ ଖେଳାଳି ଯିଏ ଆଇପିଏଲରେ କୋଚ୍ ଭୂମିକା ଗ୍ରହଣ କରିଛନ୍ତି ଏଥର କିନ୍ତୁ, ସେ ଜଣେ ବ୍ୟାଟ୍ସମ୍ୟାନ୍ ଭାବରେ ଖେଳୁଥିବା ଦେଖିବାକୁ ମିଳିପାରେ। ଯିଏ ଏକ ଟି-୨୦ ମ୍ୟାଚରେ ୧୯ ଟି ବଲରେ ପଚାଶ ସ୍କୋର କରି ପୁନର୍ବାର ନିଜର ଦାବି ଉପସ୍ଥାପନ କରିଛନ୍ତି।

ୱେଷ୍ଟଇଣ୍ଡିଜରେ କାରିବିଆନ୍ ପ୍ରିମିୟର ଲିଗ୍ ଅର୍ଥାତ୍ ସିପିଏଲ୍ ଖେଳାଯାଉଛି। ଏହି ଟୁର୍ନାମେଣ୍ଟରେ ମୁମ୍ବାଇ ଇଣ୍ଡିଆନ୍ସର ବ୍ୟାଟିଂ କୋଚ୍ କିରନ୍ ପୋଲାର୍ଡ ଚମତ୍କାର ପ୍ରଦର୍ଶନ କରିଛନ୍ତି। ପୋଲାର୍ଡ ହେଉଛନ୍ତି ତ୍ରିନବାଗୋ ନାଇଟ୍ ରାଇଡର୍ସ ଦଳର ଅଧିନାୟକ। ଗୁରୁବାର ଦିନ ସେଣ୍ଟ ଲୁସିଆ କିଙ୍ଗସ ବିପକ୍ଷରେ ଖେଳାଯାଇଥିବା ମ୍ୟାଚରେ ସେ ଚମତ୍କାର ପ୍ରଦର୍ଶନ କରିଛନ୍ତି।

କିରନ୍ ପୋଲାର୍ଡ ୧୯ ଟି ବଲରେ ୫୨ ରନ କରି ମ୍ୟାଚ୍ ଜିତାଉ ଇନିଂସ ଖେଳିଥିଲେ। ଏହି ଅବଧି ମଧ୍ୟରେ ତାଙ୍କ ବ୍ୟାଟରୁ ୭ଟି ଛକା ମଧ୍ୟ ଦେଖିବାକୁ ମିଳିଥିଲା। ତାଙ୍କ ପ୍ରଦର୍ଶନ ପାଇଁ ସେ ମ୍ୟାନ୍ ଅଫ୍ ମ୍ୟାଚ ଭାବରେ ମଧ୍ୟ ମନୋନୀତ ହୋଇଥିଲେ। କିରନ୍ ପୋଲାର୍ଡ କ୍ରିକେଟରୁ ଅବସର ନେଇଥାଇ ପାରନ୍ତି। କିନ୍ତୁ, ତାଙ୍କ ଭିତରେ ବହୁତ କ୍ରିକେଟ୍ ଏବେ ମଧ୍ୟ ବାକି ରହିଛି। ପ୍ରଶଂସକମାନେ ପୋଲାର୍ଡଙ୍କୁ ଆଇପିଏଲରେ ଖେଳୁଥିବା ଦେଖିବାକୁ ଚାହାଁନ୍ତି। ଭାରତରେ ତାଙ୍କର ବହୁତ ପ୍ରଶଂସକ ଅଛନ୍ତି।

ଯଦି ସେ ଚାହାଁନ୍ତି, ସେ ଆଇପିଏଲ୍ ରୁ ନେଇଥିବା ଅବସର ନିଷ୍ପତ୍ତି ବଦଳାଇ ପାରନ୍ତି। ଏଠାରେ ଉଲ୍ଲେଖଯୋଗ୍ୟ ଯେ କିରନ୍ ପୋଲାର୍ଡ଼ ୨୦୧୦ ମସିହାରେ ଆଇପିଏଲରେ ଯୋଗ ଦେଇଥିଲେ ଏବଂ ୨୦୨୨ ମସିହାରେ ଆଇପିଏଲରୁ ଅବସର ଘୋଷଣା କରିଥିଲେ। ଆଇପିଏଲର ମାରାତ୍ମକ ଅଲରାଉଣ୍ଡରଙ୍କ ମଧ୍ୟରେ କିରନ୍ ପୋଲାର୍ଡ ଗଣନା କରାଯାଇଥାଏ। ସେ ତାଙ୍କ ବ୍ୟାଟିଂ ଏବଂ ବୋଲିଂ ଆଧାରରେ ଫ୍ରାଞ୍ଚାଇଜ୍ ପାଇଁ ଅନେକ ମ୍ୟାଚ୍ ଜିତିଛନ୍ତି।

ତାଙ୍କର ଆଇପିଏଲ୍ କ୍ୟାରିଅର୍ ବହୁତ ଭଲ ରହିଛି। ଏଠାରେ ଉଲ୍ଲେଖଯୋଗ୍ୟ ଯେ ପୋଲାର୍ଡ ଆଇପିଏଲରେ ୧୮୯ ଟି ମ୍ୟାଚ୍ ଖେଳିଛନ୍ତି। ଯାହାର ୧୭୧ଟି ଇନିଂସରେ ସେ ୩୪୧୨ ରନ୍ ସ୍କୋର କରିଛନ୍ତି। ତାଙ୍କ ଆଇପିଏଲ କ୍ୟାରିଅରରେ ସେ ୧୧୬ ଅର୍ଦ୍ଧ ଶତକ ମଧ୍ୟ ହାସଲ କରିଛନ୍ତି। ଏହି ଅବଧିରେ କିରନ୍ ପୋଲାର୍ଡ ବୋଲିଂ କରି ୬୯ ୱିକେଟ୍ ନେବାରେ ମଧ୍ୟ ସଫଳ ହୋଇଛନ୍ତି।