ଟି-୨୦ ଆନ୍ତର୍ଜାତୀୟ କ୍ରିକେଟ୍ ଇତିହାସରେ ଆଜି ପର୍ଯ୍ୟନ୍ତ ଦୁନିଆର କୌଣସି ବ୍ୟାଟ୍ସମ୍ୟାନ୍ ଦ୍ୱିଶତକ ହାସଲ କରିବାରେ ସକ୍ଷମ ହୋଇ ନାହାଁନ୍ତି। ଟି-୨୦ ଆନ୍ତର୍ଜାତୀୟ କ୍ରିକେଟ୍ ଇତିହାସରେ ସବୁଠୁ ବଡ ବ୍ୟକ୍ତିଗତ ଇନିଂସ ଖେଳିବାର ବିଶ୍ୱ ରେକର୍ଡ ଅଷ୍ଟ୍ରେଲିଆର କିମ୍ବଦନ୍ତୀ ବ୍ୟାଟ୍ସମ୍ୟାନ୍ ଆରୋନ ଫିଞ୍ଚଙ୍କ ନାମରେ ରହିଛି। ଆରୋନ୍ ଫିଞ୍ଚ ୩ ଜୁଲାଇ ୨୦୧୮ ରେ ହରାରେ ଠାରେ ଜିମ୍ବାୱେ ବିପକ୍ଷରେ ୧୭୨ ରନ୍ ର ଏକ ବଡ଼ ଇନିଂସ ଖେଳିଥିଲେ।  ସେବେଠାରୁ ଟି-୨୦ ଅନ୍ତର୍ଜାତୀୟ କ୍ରିକେଟରେ ଆରୋନ ଫିଞ୍ଚଙ୍କ ଏହି ବିଶ୍ୱ ରେକର୍ଡକୁ କେହି ଛୁଇଁ ପାରି ନାହାଁନ୍ତି, କିନ୍ତୁ ଏପରି ୩ ଜଣ ବ୍ୟାଟ୍ସମ୍ୟାନ୍ ଅଛନ୍ତି, ଯେଉଁମାନେ କେବଳ ଆରୋନ ଫିଞ୍ଚଙ୍କ ଏହି ବିଶ୍ୱ ରେକର୍ଡ ଭାଙ୍ଗିବେ ନାହିଁ ବରଂ ଟି-୨୦ ଆନ୍ତର୍ଜାତୀୟ କ୍ରିକେଟ୍ ଇତିହାସରେ ପ୍ରଥମ ଦ୍ବିଶତକ ମଧ୍ୟ ହାସଲ କରିପାରିବେ। ଆସନ୍ତୁ ଏପରି ୩ ଜଣ ବ୍ୟାଟ୍ସମ୍ୟାନଙ୍କ ବିଷୟରେ ଜାଣିବା:-

୧.ସଞ୍ଜୁ ସାମସନ୍ (ଭାରତ):- ବିସ୍ଫୋଟକ ୱିକେଟ୍ କିପର ବ୍ୟାଟ୍ସମ୍ୟାନ୍ ସଞ୍ଜୁ ସାମସନ୍ ଟି-୨୦ ଆନ୍ତର୍ଜାତୀୟ କ୍ରିକେଟ୍ ଇତିହାସରେ ପ୍ରଥମ ଦ୍ବିଶତକ ହାସଲ କରିବାର କ୍ଷମତା ରଖିଛନ୍ତି। ସଞ୍ଜୁ ସାମସନ ଟିମ ଇଣ୍ଡିଆ ପାଇଁ ୩୭ ଟି-୨୦ ଆନ୍ତର୍ଜାତୀୟ ମ୍ୟାଚରେ ହାରାହାରି ୨୭.୯୩ ଏବଂ ୧୫୫.୧୭ ଷ୍ଟ୍ରାଇକରେଟ ସହିତ ୮୧୦ ରନ ସ୍କୋର କରିଛନ୍ତି, ଯେଉଁଥିରେ ୬୬ ଚୌକା ଓ ୪୬ ଛକା ଅନ୍ତର୍ଭୁକ୍ତ ରହିଛି। ସଞ୍ଜୁ ସାମସନ ଟି-୨୦ ଇଣ୍ଟରନ୍ୟାସନାଲରେ ୩ ଶତକ ଏବଂ ୨ ଅର୍ଦ୍ଧଶତକ ହାସଲ କରିଛନ୍ତି। ଏହା ବ୍ୟତୀତ ସଞ୍ଜୁ ସାମସନ ୧୬ ଟି ଏକଦିବସିୟ ମ୍ୟାଚରେ ୫୬.୬୭ ଆଭରେଜ ସହିତ ୫୧୦ ରନ୍ ସଂଗ୍ରହ କରିଛନ୍ତି। ସଞ୍ଜୁ ସାମସନ୍ ଏକଦିବସିୟ କ୍ରିକେଟ୍ ରେ ୧ ଶତକ ଏବଂ ୩ ଅର୍ଦ୍ଧଶତକ ହାସଲ କରିଛନ୍ତି। ସଞ୍ଜୁ ସାମସନ୍ ୧୬୭ ଆଇପିଏଲ୍ ମ୍ୟାଚ୍ ରେ ୧୩୮.୯୬ ର ଷ୍ଟ୍ରାଇକ୍ ହାରରେ ୪୪୧୯ ରନ୍ ସଂଗ୍ରହ କରିଛନ୍ତି, ଯେଉଁଥିରେ ୩୫୨ ଚୌକା ଏବଂ ୨୦୬ ଛକା ଅନ୍ତର୍ଭୁକ୍ତ ରହିଛ। ସଞ୍ଜୁ ସାମସନ ଆଇପିଏଲରେ ୩ ଶତକ ଏବଂ ୨୫ ଅର୍ଦ୍ଧଶତକ ହାସଲ କରିଛନ୍ତି। ଆଇପିଏଲରେ ସଞ୍ଜୁ ସାମସନଙ୍କ ସର୍ବୋତ୍ତମ ସ୍କୋର ୧୧୯ ରନ୍ ରହିଛି।

୨. ଟ୍ରାଭିସ୍ ହେଡ୍ (ଅଷ୍ଟ୍ରେଲିଆ):- ଅଷ୍ଟ୍ରେଲିଆର ବିସ୍ଫୋରକ କ୍ରିକେଟର ଟ୍ରାଭିସ୍ ହେଡ ଟି-୨୦ ଆନ୍ତର୍ଜାତୀୟ କ୍ରିକେଟ୍ ଇତିହାସରେ ପ୍ରଥମ ଦ୍ୱିଶତକ ହାସଲ କରିବାର କ୍ଷମତା ରଖିଛନ୍ତି।  ଟ୍ରାଭିସ୍ ହେଡ୍ ସର୍ବଦା ବୋଲରମାନଙ୍କ ପାଇଁ ଏକ ଆହ୍ୱାନ ଅଟନ୍ତି। ଟ୍ରାଭିସ୍ ହେଡ୍ ସନରାଇଜର୍ସ ହାଇଦ୍ରାବାଦ ପାଇଁ ଆଇପିଏଲରେ ଖେଳୁଥିବାବେଳେ ତାଙ୍କ ଘାତକ ବ୍ୟାଟିଂର ଟ୍ରେଲର ଦେଖୁବାକୁ ମିଳିସାରିଛି। ଟ୍ରାଭିସ୍ ହେଡ୍ ଅଷ୍ଟ୍ରେଲିଆ ପାଇଁ ୩୮ ଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ରେ ହାରାହାରି ୩୩.୧୨ ଏବଂ ୧୬୦.୫ ଷ୍ଟ୍ରାଇକ୍ ରେଟ ସହିତ ୧୦୯୩ ରନ୍ ସଂଗ୍ରହ କରିଛନ୍ତି। ଟ୍ରାଭିସ୍ ହେଡ୍ ଟି-୨୦ ଇଣ୍ଟରନ୍ୟାସନାଲରେ ୫ ଅର୍ଦ୍ଧଶତକ ହାସଲ କରିଛନ୍ତି। ଟି-୨୦ ଆନ୍ତର୍ଜାତୀୟ କ୍ରିକେଟରେ ଟ୍ରାଭିସ୍ ହେଡଙ୍କ ସର୍ବୋତ୍ତମ ସ୍କୋର ୯୧ ରନ୍ ଅଟେ। ଟ୍ରାଭିସ୍ ହେଡ୍ ୨୫ ଆଇପିଏଲ୍ ମ୍ୟାଚ୍ ରେ ୧୭୩.୮୭ ର ଷ୍ଟ୍ରାଇକ୍ ହାରରେ ୭୭୨ ରନ୍ ସଂଗ୍ରହ କରିଛନ୍ତି, ଯେଉଁଥିରେ ୭୬ ଚୌକା ଓ ୪୦ ଛକା ଅନ୍ତର୍ଭୁକ୍ତ ରହିଥିଲା। ଟ୍ରାଭିସ୍ ହେଡ୍ ଆଇପିଏଲରେ ୧ ଶତକ ଏବଂ ୫ ଅର୍ଦ୍ଧଶତକ ହାସଲ କରିଛନ୍ତି। ଆଇପିଏଲରେ ଟ୍ରାଭିସ୍ ହେଡଙ୍କ ଶ୍ରେଷ୍ଠ ସ୍କୋର ୧୦୨ ରନ୍ ଅଟେ।

୩.ସୂର୍ଯ୍ୟକୁମାର ଯାଦବ (ଭାରତ):- ଭାରତର ଟି-୨୦ ଅଧିନାୟକ ସୂର୍ଯ୍ୟକୁମାର ଯାଦବ କେବଳ ଆରୋନ ଫିଞ୍ଚଙ୍କ ୧୭୨ ରନ୍‌ର ବିଶ୍ୱ ରେକର୍ଡ ଭାଙ୍ଗି ପାରିବେ ନାହିଁ ବରଂ ଟି-୨୦ ଆନ୍ତର୍ଜାତୀୟ କ୍ରିକେଟ୍ ଇତିହାସରେ ପ୍ରଥମ ଦ୍ୱିଶତକ ହାସଲ କରିପାରିବେ। ସୂର୍ଯ୍ୟକୁମାର ଯାଦବଙ୍କୁ ଏବି ଡି ଭିଲିୟର୍ସ ଅଫ୍ ଇଣ୍ଡିଆ ମଧ୍ୟ କୁହାଯାଏ। ଟି-୨୦ ଅନ୍ତର୍ଜାତୀୟ କ୍ରିକେଟ୍ ଇତିହାସରେ ପ୍ରଥମ ଦ୍ବିଶତକ ସ୍କୋର କରିବାରେ ସୁର୍ଯ୍ୟକୁମାର ଯାଦବଙ୍କର ପୂର୍ଣ୍ଣ ସାମର୍ଥ୍ୟ ରହିଛି। ସୂର୍ଯ୍ୟକୁମାର ଯାଦବ ବର୍ତ୍ତମାନ ଟି-୨୦ କ୍ରିକେଟର ସବୁଠାରୁ ବିପଜ୍ଜନକ ବ୍ୟାଟ୍ସମ୍ୟାନଙ୍କ ମଧ୍ୟରୁ ଜଣେ, ଯିଏ ୱିକେଟର ଚତୁର୍ଦିଗରେ ସଟ୍ ଖେଳିପାରିବ। ୭୮ ଟି ଟି-୨୦ ଆନ୍ତର୍ଜାତୀୟ ମ୍ୟାଚରେ ସେ ୪୦.୭୯ ଆଭରେଜ ଏବଂ ୧୬୭.୭୬ ଷ୍ଟ୍ରାଇକ ରେଟରେ ଟିମ୍ ଇଣ୍ଡିଆ ପାଇଁ ସୂର୍ଯ୍ୟକୁମାର ଯାଦବ ୧୫୭୦ ରନ୍ ସଂଗ୍ରହ କରିଛନ୍ତି।  ସୁର୍ଯ୍ୟକୁମାର ଯାଦବ ଟି-୨0 ଇଣ୍ଟରନ୍ୟାସନାଲରେ ୪ ଶତକ ଏବଂ ୨୧ ଅର୍ଦ୍ଧଶତକ ହାସଲ କରିଛନ୍ତି। ୨୫.୭୭ ଆଭରେଜରେ ୩୭ ଟି ଏକଦିବସିୟ ମ୍ୟାଚରେ ସୂର୍ଯ୍ୟକୁମାର ଯାଦବ ୭୭୩ ରନ୍ ସଂଗ୍ରହ କରିଛନ୍ତି।