ଟିମ୍ ଇଣ୍ଡିଆକୁ ଚଳିତ ମାସରେ ଇଂଲଣ୍ଡ ବିପକ୍ଷରେ ସୀମିତ ଓଭର ସିରିଜ୍ ଖେଳିବାକୁ ଯାଉଛି। ସର୍ବପ୍ରଥମେ, ଟି-୨୦ ସିରିଜ୍ ଖେଳାଯିବ, ଯାହା ଜାନୁଆରୀ ୨୨ ତାରିଖରୁ ଆରମ୍ଭ ହେବ। ଏହି ସିରିଜ୍ ପାଇଁ ଇଂଲଣ୍ଡ ନିଜ ଦଳ ଘୋଷଣା କରିଛି। ଏବେ ସମସ୍ତଙ୍କ ନଜର ଭାରତୀୟ ଦଳ ଉପରେ ରହିଛି। କିନ୍ତୁ ଖୁବ୍ ଶୀଘ୍ର ବିସିସିଆଇ ମଧ୍ୟ ଭାରତୀୟ ଦଳ ଘୋଷଣା କରିବ। ଏଭଳି ପରିସ୍ଥିତିରେ ବିସିସିଆଇ କାହାକୁ ସୁଯୋଗ ଦେଇପାରେ?  ତାହା ଆସନ୍ତୁ ଜାଣିବା।

ଇଂଲଣ୍ଡ ବିପକ୍ଷ ଟି-୨୦ ସିରିଜରେ ଟିମ୍ ଇଣ୍ଡିଆର ଅଧିନାୟକତ୍ୱ ସୂର୍ଯ୍ୟକୁମାର ଯାଦବଙ୍କ କାନ୍ଧରେ ରହିବ। କାରଣ ରୋହିତଙ୍କ ପରେ ବିସିସିଆଇ ତାଙ୍କୁ ଅଧିନାୟକତ୍ୱ ଦେଇଛି, ଯେଉଁଥିରୁ ସେ ସମ୍ପୂର୍ଣ୍ଣ ଫାଇଦା ନେଇଛନ୍ତି। ଟି-୨୦ ଅଧିନାୟକ ହେବା ପରେ ଭାରତ କୌଣସି ମ୍ୟାଚ୍ ହାରିନାହିଁ। ଅନ୍ୟ ଖେଳାଳିଙ୍କ ବିଷୟରେ କହିବାକୁ ଗଲେ, ଚାରିଜଣ ଯୁବ ଖେଳାଳି ଏଥିରେ ଡେବ୍ୟୁ କରିପାରିବେ।

ଇଂଲଣ୍ଡ ବିପକ୍ଷରେ ଭାରତୀୟ ଦଳରେ ୟଶ ଦୟାଲ୍, ବୈଭବ ଅରୋରା, ସୁୟାଶ ଶର୍ମା ଏବଂ ଶଶାଙ୍କ ସିଂ ସୁଯୋଗ ପାଇପାରନ୍ତି। ଏଠାରେ ଉଲ୍ଲେଖଯୋଗ୍ୟ ଯେ ଏହି ଖେଳାଳିମାନେ ଆଇପିଏଲରେ ଭଲ ପ୍ରଦର୍ଶନ କରିଥିଲେ। ଏଭଳି ପରିସ୍ଥିତିରେ ଚୟନକର୍ତ୍ତାମାନେ ଏମାନଙ୍କ ଉପରେ ନଜର ରଖିଛନ୍ତି। ଏହା ବ୍ୟତୀତ ଯଦି ଆମେ ଅନ୍ୟ ଖେଳାଳିଙ୍କ ବିଷୟରେ ଆଲୋଚନା କରିବା, ତେବେ ଆଗାମୀ ଇଂଲଣ୍ଡ ଟି-୨୦ ସିରିଜରେ ଯେଉଁ ଖେଳାଳିଙ୍କୁ ଅଗ୍ରାଧିକାର ଦିଆଯାଇପାରିବ ସେଥିରେ ସଞ୍ଜୁ ସାମସନ, ତିଲକ ଭର୍ମା, ଅର୍ଶଦୀପ ସିଂ, ହାର୍ଦ୍ଦିକ ପାଣ୍ଡ୍ୟା, ବରୁଣ ଚକ୍ରବର୍ତ୍ତୀ ଏବଂ ରାମଣଦୀପ ସିଂ ଅଛନ୍ତି।

ସୂଚନାଯୋଗ୍ୟ ଯେ ଦକ୍ଷିଣ ଆଫ୍ରିକା ବିପକ୍ଷରେ ଟିମ୍ ଇଣ୍ଡିଆର ବିଜୟରେ ଏହି ସମସ୍ତ ଖେଳାଳି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ତେବେ ଦଳ ସମ୍ପର୍କରେ ଏପର୍ଯ୍ୟନ୍ତ କୌଣସି ବିଧିବଦ୍ଧ ସୂଚନା ଦିଆଯାଇ ନାହିଁ। କିନ୍ତୁ ଭାରତ ଏବଂ ଇଂଲଣ୍ଡ ମଧ୍ୟରେ ଟି-୨୦ ସିରିଜ୍ ପାଇଁ ଏଭଳି ଦଳ ଘୋଷଣା କରାଯାଇପାରେ।

ସୂର୍ଯ୍ୟକୁମାର ଯାଦବ (ଅଧିନାୟକ), ଅଭିଷେକ ଶର୍ମା, ସଞ୍ଜୁ ସାମସନ (ୱିକେଟ୍ ରକ୍ଷକ), ରିଙ୍କୁ ସିଂ, ତିଲକ ଭର୍ମା, ଶଶାଙ୍କ ସିଂ, ହାର୍ଦ୍ଦିକ ପାଣ୍ଡ୍ୟା, ଅକ୍ସର ପଟେଲ, ରମଣଦୀପ ସିଂ, ଅର୍ଶଦୀପ ସିଂ, ମୁକେଶ କୁମାର, ବୈଭବ ଆରୋରା, ବରୁଣ ଚକ୍ରବର୍ତ୍ତୀ।