Sunrisers Hyderabad: ୨୩ ମାର୍ଚ୍ଚ (ରବିବାର) ଦିନ ସନରାଇଜର୍ସ ହାଇଦ୍ରାବାଦ ଟି-୨୦ ମ୍ୟାଚରେ ଚାରି ଥର ୨୫୦+ ସ୍କୋର କରିବାରେ ବିଶ୍ୱର ପ୍ରଥମ ଦଳ ହୋଇ ରଚିଲେ ଇତିହାସ। ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ରାଜସ୍ଥାନ ରୟାଲ୍ସ ବିପକ୍ଷରେ ଖେଳାଯାଇଥିବା ଆଇପିଏଲ୍ ୨୦୨୫ ମ୍ୟାଚ୍ ସମୟରେ ହାଇଦ୍ରାବାଦର ଏହି ଫ୍ରାଞ୍ଚାଇଜ୍ ଏହି ସଫଳତା ହାସଲ କରିଥିଲା। 

ଆରଆର ଅଧିନାୟକ ରିୟାନ ପରାଗ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିବା ପରେ, ଏସଆରଏଚ୍ ଇଶାନ କିଶନଙ୍କ ୪୭ ବଲ୍ ରୁ ୧୦୬ ରନ୍ ଏବଂ ଟ୍ରାଭିସ୍ ହେଡଙ୍କ ୩୧ ବଲ୍ ରୁ ୬୭ ରନ୍ ବଳରେ ୨୦ ଓଭରରେ ୬ ୱିକେଟ୍ ହରାଇ ୨୮୬ ରନ୍ କରିଥିଲା।

IPL 2025 ସିଜିନର ପ୍ରଥମ ମ୍ୟାଚରେ ମୋଟ ୨୮୬ ରନ SRH ର T20 ଇତିହାସରେ ସାମଗ୍ରିକ ଦ୍ୱିତୀୟ ସର୍ବାଧିକ ସ୍କୋର। ୧୫ ଏପ୍ରିଲ, ୨୦୨୪ ରେ ବେଙ୍ଗାଲୁରୁର ଏମ ଚିନ୍ନାସ୍ୱାମୀ ଷ୍ଟାଡିୟମରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ଖେଳାଯାଇଥିବା IPL 2024 ମ୍ୟାଚରେ, SRH ୨୦ ଓଭରରେ ତିନି ୱିକେଟ ହରାଇ ୨୮୭ ରନ କରିଥିଲା।

IPL 2024 ରେ, SRH ୨୭ ମାର୍ଚ୍ଚ, ୨୦୨୪ ରେ ହାଇଦ୍ରାବାଦରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ୨୦ ଓଭରରେ ତିନି ୱିକେଟ ହରାଇ ୨୭୭ ରନ ଏବଂ ୨୦ ଏପ୍ରିଲ, ୨୦୨୪ ରେ ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ୨୬୬/୭ ରନ କରିଥିଲା। ଫଳରେ IPL ଜଗତରେ ସନରାଇଜର୍ସ ହାଇଦ୍ରାବାଦ ନୂଆ ଇତିହାସ ରଚିବାରେ ସଫଳ ହୋଇଛି ।