ଦିଲ୍ଲୀ ସହିତ LIVE ମ୍ୟାଚରେ ଚିଟିଂ କରିଲେ ସଞ୍ଜୁ ସାମସନ୍! ପଣ୍ଟିଂ ଏବଂ ଗାଙ୍ଗୁଲି କରିଲେ ପ୍ରତିବାଦ….
ଆଇପିଏଲ୍ ୨୦୨୪ର ୯ମ ମ୍ୟାଚ୍ ଦିଲ୍ଲୀ କ୍ୟାପିଟାଲ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯାଇଥିଲା। ଏହି ମ୍ୟାଚରେ ସଞ୍ଜୁ ସାମସନ ଦିଲ୍ଲୀ ଦଳ ସହିତ ଧୋକା କରିଦେଇଛନ୍ତି। ଯାହାକୁ ନେଇ ଅନେକ ବିବାଦ ଦେଖା ଦେଇଛି। ଏହି କାରଣରୁ ଲାଇଭ ମ୍ୟାଚ୍ ସମୟରେ ଦଳ କ୍ୟାମ୍ପରେ ବିଶୃଙ୍ଖଳା ପରିସ୍ଥିତି ମଧ୍ୟ ଦେଖାଦେଇଥିଲା। ଏପରିକି ଅଧିନାୟକ ସଞ୍ଜୁ ସାମସନ ଚିଟିଂ କରିଥିବା ନେଇ ମଧ୍ୟ ଅଭିଯୋଗ ହୋଇଛି।
ଡିସି କୋଚ୍ ରିକି ପଣ୍ଟିଂ ଏବଂ ନିର୍ଦ୍ଦେଶକ ସୌରଭ ଗାଙ୍ଗୁଲି ମଧ୍ୟ ଏଥିରେ ଅସନ୍ତୋଷ ବ୍ୟକ୍ତ କରିଥିଲେ। ପରେ ଅମ୍ପାୟାରଙ୍କୁ ଏଥିରେ ହସ୍ତକ୍ଷେପ କରିବାକୁ ପଡିଥିଲା। ସଞ୍ଜୁ ସାମସନଙ୍କ କାର୍ଯ୍ୟକଳାପରେ ଦିଲ୍ଲୀ କୋଚ୍ ରିକି ପଣ୍ଟିଂ ସ୍ପଷ୍ଟ ଭାବେ ଅସନ୍ତୁଷ୍ଟ ଥିଲେ। କାରଣ ରାଜସ୍ଥାନ ଜୟପୁରରେ ଖେଳାଯାଇଥିବା ମ୍ୟାଚରେ ଅତିରିକ୍ତ ବିଦେଶୀ ଫିଲ୍ଡର ବ୍ୟବହାର କରିଥିବା ଅଭିଯୋଗ ହୋଇଥିଲା।
ଯେଉଁଥିରେ ରିକି ପଣ୍ଟିଂ ଏବଂ ଚତୁର୍ଥ ଅମ୍ପାୟାରଙ୍କ ମଧ୍ୟରେ ତୀବ୍ର ଯୁକ୍ତିତର୍କ ହୋଇଥିଲା। ଏହି ବିବାଦର ମୂଳ କାରଣ ଥିଲେ ଆରଆର ଖେଳାଳି ରୋଭମାନ ପାୱେଲ। କାରଣ, ସେ ପଞ୍ଚମ ବିଦେଶୀ ଖେଳାଳି ଭାବରେ ପଡ଼ିଆକୁ ଆସିଥିଲେ। ଯାହା ପରେ ପଣ୍ଟିଂ କ୍ରୋଧିତ ହେବା ସହିତ ଅଧିକ ବିଦେଶୀ ଖେଳାଳିଙ୍କ ମାମଲାରେ ଆଇପିଏଲ୍ ନିୟମର ଉଲ୍ଲଂଘନ ହୋଇଥିବା ଅଭିଯୋଗ କରିଥିଲେ।
ଦିଲ୍ଲୀ କ୍ୟାପିଟାଲ୍ସ ଅନୁଯାୟୀ, ପାୱେଲଙ୍କ ଅଂଶଗ୍ରହଣ ରାଜସ୍ଥାନର ବିଦେଶୀ ଖେଳାଳିଙ୍କ ସଂଖ୍ୟାକୁ ପାଞ୍ଚକୁ ନେଇ ଯାଇଥିଲା। ଯେଉଁଥିରେ ଜୋସ୍ ବଟଲର୍, ଶିମ୍ରନ୍ ହେଟମିୟର (ବିକଳ୍ପ), ଟ୍ରେଣ୍ଟ ବୋଲ୍ଟ ଏବଂ କରବିନ୍ ବୋସ୍ ପୂର୍ବରୁ ପଡ଼ିଆରେ ଥିଲେ। ଆଇପିଏଲ୍ ନିୟମ ୧.୨.୫: ନିୟମ ଅନୁଯାୟୀ, ଯେକ କୌଣସି ଦଳ ଏହାର ଚୂଡାନ୍ତ ଏକାଦଶରେ କେବଳ ୪ ବିଦେଶୀ ଖେଳାଳିଙ୍କୁ ଅନ୍ତର୍ଭୁକ୍ତ କରିପାରିବ।
ଆଇପିଏଲ୍ ଆରମ୍ଭରୁ ଏହି ନିୟମଗୁଡିକ ରହିଆସିଛି। ଯାହା ସମସ୍ତ ଦଳ ଅନୁସରଣ କରନ୍ତି। ଅନ୍ୟ ପକ୍ଷରେ, ଆଇପିଏଲ୍ ନିୟମ ୧.୨.୬A ଅନୁଯାୟୀ, ଫିଲ୍ଡିଂ କରିବା ସମୟରେ ୪ ରୁ ଅଧିକ ଖେଳାଳି ପଡ଼ିଆରେ ବ୍ୟବହାର କରିପାରିବେ ନାହିଁ। ଯଦିଓ, ଏକାଦଶରେ ୪ ଜଣ ବିଦେଶୀ ଖେଳାଳି ଅନ୍ତର୍ଭୂକ୍ତ ହୁଅନ୍ତି, ତେବେ ସବଷ୍ଟିଚ୍ୟୁଟ୍ ଭାବରେ ବିଦେଶୀ ଖେଳାଳିଙ୍କୁ ଫିଲଡିଂ କରାଯାଇପାରିବ। କିନ୍ତୁ, ସେହି ଖେଳାଳି କେବଳ ବିଦେଶୀ ଖେଳାଳିଙ୍କୁ ବଦଳାଇବେ। ଏହି ରଣନୀତି ପରି, ବିଦେଶୀ ଖେଳାଳିଙ୍କ ସଂଖ୍ୟା ୪ କିମ୍ବା ତା’ଠାରୁ କମ୍ ରଖାଯାଇପାରିବ।