ଆଇପିଏଲ୍ 2020 ଏପ୍ରିଲରେ ଆରମ୍ଭ ହେବ ବୋଲି ଆଶା କରା ଯାଉଛି, କିନ୍ତୁ କରୋନାଭାଇରସ୍ ମହାମାରୀ ହେତୁ ଏହାକୁ ବାରମ୍ବାର ସ୍ଥଗିତ ରଖାଯାଇଥିଲା। ବର୍ତ୍ତମାନ ସେପ୍ଟେମ୍ବର ଏବଂ ନଭେମ୍ବର ମାସରେ ଏହାର ଆୟୋଜନ କରାଯିବ, ଟୁର୍ଣ୍ଣାମେଣ୍ଟ ସମୟରେ ଖେଳାଳିମାନଙ୍କୁ ବିସିସିଆଇର କଠୋର ନିୟମ ପାଳନ କରିବାକୁ ପଡ଼ିବ, ଯାହାଦ୍ୱାରା ମହାମାରୀକୁ ସୁରକ୍ଷିତ କରାଯାଇପାରିବ, ବର୍ତ୍ତମାନ ଏହି ଟୁର୍ନାମେଣ୍ଟର ଅସୁବିଧା ଆହୁରି ବଢ଼ୀପାରେ, କାରଣ ୟୁଏଇ ବଦଳରେ ଭାରତରେ ଆଇପିଏଲ୍ 2020 ଆୟୋଜନ କରିବାକୁ କୋର୍ଟରେ ଏକ ଆବେଦନ କରାଯାଇଛି।

ଖବର ଅନୁଯାୟୀ, ପୁନେ ର ଜଣେ ଓକିଲ ଅଭିଷେକ ଲାଗୁ ଏହି ପିଟିସନ ଦାଖଲ କରିଛନ୍ତି ଯେଉଁଥିରେ ଦର୍ଶାଯାଇଛି ଯେ ଯଦି ଭାରତରେ ଆଇପିଏଲ ସଂଗଠିତ ହୁଏ ତେବେ ଏହା ଭାରତୀୟ ଅର୍ଥନୀତିରେ ଲାଭଦାୟକ ହେବ। ଆବେଦନକାରୀ ଏହା ମଧ୍ୟ କହିଛନ୍ତି ଯେ ଭାରତରେ ପୁନରୁଦ୍ଧାର ହାର ବା କରୋନା ରୁ ସୁସ୍ଥ ହୋଇଥିବା ଋକଭରୀ ରେଟ ପୂର୍ବ ଅପେକ୍ଷା ଭଲ ହୋଇଛି, କେନ୍ଦ୍ର ତଥା ରାଜ୍ୟ ସରକାର ମଧ୍ୟ ଅନେକ କ୍ଷେତ୍ରରେ ଲୋକଙ୍କୁ କଟକଣା ରେ ରିହାତି ପ୍ରଦାନ କରିଛନ୍ତି ତେଣୁ ଭାରତରେ ଆଇପିଏଲ ଆୟୋଜନ କରାଯିବା ଉଚିତ।

ଯଦିଓ ଭାରତରେ ପୁନରୁଦ୍ଧାର ହାର ଉନ୍ନତ ହେବାରେ ଲାଗିଛି, କିନ୍ତୁ ସକ୍ରିୟ ମାମଲା ସଂଖ୍ୟା ମଧ୍ୟ ବୃଦ୍ଧି ପାଉଛି। ଅଗଷ୍ଟ ମାସରେ ସାରା ଦେଶରେ 60 ହଜାରରୁ ଅଧିକ ନୂଆ ମାମଲା ଆସୁଛି। ଆମେରିକା ଏବଂ ବ୍ରାଜିଲ ପରେ କରୋନା ସଂକ୍ରମଣ କ୍ଷେତ୍ରରେ ଭାରତ ତୃତୀୟ ସ୍ଥାନରେ ରହିଛି। ଏଥି ସହିତ, ୟୁଏଇରେ କରୋନା ମାମଲା ବହୁତ କମ୍, କାରଣ ଏହି ଦେଶ କରୋନା ସଂକ୍ରମଣକୁ ରୋକିବାରେ ଅଧିକ ସଫଳତା ହାସଲ କରିଛି।

ଆଇପିଏଲ୍ 2020 ସେପ୍ଟେମ୍ବର 19 ରୁ ଆରମ୍ଭ ହେବ ଏବଂ ଅନ୍ତିମ ମ୍ୟାଚ୍ ନଭେମ୍ବର 10 ରେ ଖେଳାଯିବ, ଯଦିଓ ଦଳ କେଉଁ ଦିନ ମ୍ୟାଚ୍ ଖେଳିବ ତାହା ସ୍ଥିର ହୋଇନାହିଁ। ଦୁବାଇ, ଆବୁଧାବି ଏବଂ ଶାରଜା ଷ୍ଟାଡିୟମରେ ମ୍ୟାଚ୍ ଖେଳାଯିବ । ଏଠାରେ ଖେଳାଳି ଏବଂ ଟୁର୍ନାମେଣ୍ଟ ସହିତ ଜଡିତ ଲୋକଙ୍କୁ ମହାମାରୀ ଠାରୁ ସୁରକ୍ଷ୍ୟା ସବୁଠାରୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ହେବ।