IPL 2024 ପାଇଁ RCB ପ୍ରସ୍ତୁତି ଆରମ୍ଭ କଲା, ବିରାଟ କୋହଲିଙ୍କ ଖେଳିବାକୁ ନେଇ ଆସିଲା ବଡ଼ ଖବର…

  1. Home
  2. IPL Top News

IPL 2024 ପାଇଁ RCB ପ୍ରସ୍ତୁତି ଆରମ୍ଭ କଲା, ବିରାଟ କୋହଲିଙ୍କ ଖେଳିବାକୁ ନେଇ ଆସିଲା ବଡ଼ ଖବର…

Virat


ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍)ର ଆଗାମୀ ସିଜନ୍ ଆରମ୍ଭ ହେବାକୁ ଆଉ ୧୦ ଦିନ ଠାରୁ କମ୍ ସମୟ ବାକି ଅଛି। ଏହି ସମୟରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟ ଏହାର ଅଭ୍ୟାସ ଶିବିର ଆରମ୍ଭ କରିଛି ଯେଉଁଥିରେ ଦଳର ଅଧିନାୟକ ଫାଫ୍ ଡୁ ପ୍ଲେସିସଙ୍କ ବ୍ୟତୀତ ଦଳର ଅନ୍ୟ ଖେଳାଳି ମଧ୍ୟ ପହଞ୍ଚିଛନ୍ତି। କିନ୍ତୁ, ଆରସିବିର ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି ଏପର୍ଯ୍ୟନ୍ତ କ୍ୟାମ୍ପରେ ଯୋଗ ଦେଇନାହାଁନ୍ତି।  ବିରାଟ କୋହଲି ଭାରତ ଏବଂ ଇଂଲଣ୍ଡ ମଧ୍ୟରେ ଶେଷ ହୋଇଥିବା ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ମଧ୍ୟ ଖେଳି ନଥିଲେ।

Ipl

ବର୍ତ୍ତମାନ ପ୍ରଶଂସକମାନେ ଆଶା କରୁଛନ୍ତି ଯେ କୋହଲି ପୁଣି ଆଇପିଏଲରେ ପଡ଼ିଆକୁ ଫେରିବେ। ଦଳର ଅଧିନାୟକ ଫାଫ୍ ଡୁ ପ୍ଲେସିସଙ୍କ ବ୍ୟତୀତ ୱେଷ୍ଟଇଣ୍ଡିଜ୍ ଫାଷ୍ଟ ବୋଲର ଅଲଜାରି ଜୋସେଫ ମଧ୍ୟ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦଳର ଅଭ୍ୟାସ ଶିବିରରେ ପହଞ୍ଚିଛନ୍ତି। କୋହଲି ଏହି ଶିବିରରେ ଯୋଗଦେବା ବିଷୟରେ ବିସିସିଆଇ ପକ୍ଷରୁ ସୂଚନା ଦିଆଯାଇଛି।

ପିଟିଆଇକୁ ଦେଇଥିବା ବିବୃତ୍ତିରେ ବିସିସିଆଇ କହିଛି ଯେ ଆସନ୍ତା କିଛି ଦିନ ମଧ୍ୟରେ କୋହଲି ଅଭ୍ୟାସ ଶିବିରରେ ଯୋଗଦେବେ, ଯେଉଁଥିରେ ସେ ମାର୍ଚ୍ଚ ୧୮ ପର୍ଯ୍ୟନ୍ତ ଏହି ଶିବିରର ଅଂଶ ରହିବେ। ସେ ପ୍ରତିବର୍ଷ ଆୟୋଜିତ ଆରସିବି ଅନବକ୍ସ ଇଭେଣ୍ଟରେ ଯୋଗ ଦେଇ ପାରନ୍ତି। ମାର୍ଚ୍ଚ ୨୨ ତାରିଖରେ ଚେପକ୍ ଷ୍ଟାଡିୟମରେ ଡିଫେଣ୍ଡିଂ ଚାମ୍ପିଅନ୍ ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ଆରସିବିକୁ ଏହାର ପ୍ରଥମ ମ୍ୟାଚ୍ ଖେଳିବ।

Virat

ଭାରତୀୟ କ୍ରିକେଟର ଅଧିକାଂଶ ଘରୋଇ କ୍ରିକେଟର ମଧ୍ୟ ଆରସିବିର ଏହି କ୍ୟାମ୍ପରେ ପହଞ୍ଚିଛନ୍ତି। ଆରସିବି ଅଧିନାୟକ ଫାଫ୍ ଡୁ ପ୍ଲେସିସ୍ ଦଳର ନୂତନ କୋଚ୍ ଆଣ୍ଡି ଫ୍ଲାୱରଙ୍କୁ ପ୍ରଶଂସା କରିବା ସହ କହିଛନ୍ତି ଯେ ସେ ଜଣେ ମହାନ୍ କୋଚ୍ ଏବଂ ତାଙ୍କ ସହ କାମ କରିବା ଭାଗ୍ୟର କଥା ଅଟେ।  ଆସନ୍ତା ସିଜନ ପୂର୍ବରୁ ଆରସିବି ବୋଲ୍ଡ ଡାଏରୀରେ କଥା ହେବାବେଳେ ଫ୍ଲାୱର ଏହା ମଧ୍ୟ କହିଛନ୍ତି ଯେ ଦଳ ସହ ଏକ ନୂତନ ଅଧ୍ୟାୟ ଲେଖିବାକୁ ଆମେ ସମ୍ପୂର୍ଣ୍ଣ ପ୍ରସ୍ତୁତ ଏବଂ ସେ ଏହାକୁ ନେଇ ଅତ୍ୟଧିକ ଉତ୍ସାହିତ ରହିଥିବା କହିଛନ୍ତି।

Virat

ଆଇପିଏଲର ଶେଷ ସିଜନ୍ ଆରସିବି ପାଇଁ ଭଲ ନଥିଲା ଯେଉଁଥିରେ ସେମାନେ ପ୍ଲେ ଅଫରେ ପହଞ୍ଚି ପାରିନଥିଲେ। ଦଳ ୧୪ ଟି ଲିଗ୍ ମ୍ୟାଚ୍ ମଧ୍ୟରୁ ୭ଟି ଜିତିଥିବା ବେଳେ ୭ଟିରେ ପରାଜୟର ସମ୍ମୁଖୀନ ହୋଇଥିଲା। ଆସନ୍ତା ସିଜିନ ପାଇଁ ପ୍ରଥମ ପର୍ଯ୍ୟାୟ କାର୍ଯ୍ୟସୂଚୀରେ ଆରସିବି ମୋଟ ୫ଟି ମ୍ୟାଚ୍ ଖେଳିବ, ଯେଉଁଥିରେ ମାର୍ଚ୍ଚ ୨୨ ତାରିଖରେ ଚେନ୍ନାଇ ସହିତ ଖେଳିବା ପରେ ସେମାନେ ମାର୍ଚ୍ଚ ୨୫ ରେ ପଞ୍ଜାବ କିଙ୍ଗସ୍, ମାର୍ଚ୍ଚ ୨୯ ରେ କେକେଆର୍, ଏପ୍ରିଲ୍ ୨ ରେ ଲକ୍ଷ୍ନୌ ସୁପର ଜ୍ୟାଣ୍ଟସ୍ ଏବଂ ଏପ୍ରିଲ ୬ ତାରିଖରେ ରାଜସ୍ଥାନ ରୟଲ୍ସ ବିରୁଦ୍ଧରେ ଖେଳିବ। ଏପ୍ରିଲ୍ 6 ରେ ରୟାଲ୍ସ ବିପକ୍ଷରେ ଏକ ମ୍ୟାଚ୍ ଖେଳିବାକୁ ପଡିବ। ଏଥିମଧ୍ୟରୁ ଆରସିବି ନିଜ ଗ୍ରାଉଣ୍ଡରେ ୩ ଟି ମ୍ୟାଚ୍ ଖେଳିବ।