ମାର୍ଚ୍ଚ ୨୨ ତାରିଖରୁ IPL ୨୦୨୪ ଆରମ୍ଭ ହେବାକୁ ଯାଉଛି। ସମସ୍ତ ଦଳ ଏହି ସିଜନ ପାଇଁ ଜୋରଦାର ପ୍ରସ୍ତୁତି କରୁଛନ୍ତି। ଏହି ସମୟରେ ଏକ ଦଳ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛି। ଏହି ଦଳର ଜଣେ ତାରକା ଖେଳାଳି ପୁରା ସିଜନରୁ ବାଦ୍ ପଡିଛନ୍ତି। ଏଭଳି ପରିସ୍ଥିତିରେ ଫ୍ରାଞ୍ଚାଇଜ୍ ମଧ୍ୟ ଏହି ଖେଳାଳିଙ୍କ ସ୍ଥାନରେ ବଦଳ ଖେଳାଳି ଘୋଷଣା କରିଛି।

ଆଇପିଏଲ୍ ୨୦୨୪ ପୂର୍ବରୁ କୋଲକାତା ନାଇଟ୍ ରାଇଡର୍ସ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛି। ଦଳର ଷ୍ଟାର ଖେଳାଳି ଜେସନ ରୟ ଏହି ସିଜିନରୁ ବାଦ୍ ପଡିଛନ୍ତି। ବ୍ୟକ୍ତିଗତ କାରଣରୁ ଆଇପିଏଲ୍ ୨୦୨୪ରେ ନ ଖେଳିବାକୁ ରୟ ନିଷ୍ପତ୍ତି ନେଇଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ ଗତ ସିଜନରେ ରୟ ଜଣେ ବଦଳ ଭାବରେ ଦଳରେ ଯୋଗ ଦେଇଥିଲେ। ଆହତ ଶ୍ରେୟାସ ଆୟରଙ୍କ ସ୍ଥାନରେ ଜେସନ ରୟଙ୍କୁ ଦଳରେ ସାମିଲ କରାଯାଇଥିଲା।

କୋଲକାତା ନାଇଟ୍ ରାଇଡର୍ସ ରୟଙ୍କ ସ୍ଥାନରେ ଫିଲ୍ ସଲ୍ଟକୁ ଦଳରେ ସାମିଲ କରିଛି। ଏଠାରେ ଉଲ୍ଲେଖଯୋଗ୍ୟ ଯେ ସେ ଗତ ବର୍ଷ ଦିଲ୍ଲୀ କ୍ୟାପିଟାଲ୍ସର ଏକ ସଦସ୍ୟ ରହିଥିଲେ। କିନ୍ତୁ, ଏଥର ସେ ନିଲାମରେ ବିକ୍ରି ହୋଇନଥିଲେ। ବର୍ତ୍ତମାନ ରୟଙ୍କ ସ୍ଥାନରେ ସେ ଆଇପିଏଲକୁ ଫେରିଛନ୍ତି। କୋଲକାତା ନାଇଟ୍ ରାଇଡର୍ସ ତାଙ୍କୁ ୧.୫ କୋଟି ଟଙ୍କା ମୂଲ୍ୟରେ ଦଳରେ ଅନ୍ତର୍ଭୁକ୍ତ କରିଛି। ୱିକେଟ୍ କିପର ବ୍ୟାଟ୍ସମ୍ୟାନ୍ ଫିଲ୍ ସଲ୍ଟଙ୍କ ପ୍ରଦର୍ଶନ ଅତ୍ୟନ୍ତ ଉତ୍କୃଷ୍ଟ ରହିଛି। ସେ ଗତ ବର୍ଷ ଡିସେମ୍ବରରେ ୱେଷ୍ଟଇଣ୍ଡିଜ୍ ବିପକ୍ଷରେ କ୍ରମାଗତ ଦୁଇଟି ଟି-୨୦ ଶତକ ହାସଲ କରିଥିଲେ।

IPL ୨୦୨୪ ପାଇଁ କେକେଆର୍ ଦଳ:-

ନୀତୀଶ ରାଣା, ରିଙ୍କୁ ସିଂ, ରହମାନୁଲ୍ଲା ଗୁରୁବାଜ, ଶ୍ରେୟାସ ଆୟର, ଫିଲ୍ ସଲ୍ଟ, ସୁନୀଲ ନାରିନ, ସୁୟାଶ ଶର୍ମା, ଅନୁକୁଲ ରୟ, ଆଣ୍ଡ୍ରେ ରସେଲ, ଭେଙ୍କଟେଶ ଆୟର, ହର୍ଷିତ ରାଣା, ବୈବଭ ଅରୋରା, ବରୁଣ ଚକ୍ରବର୍ତ୍ତୀ, କେ.ଏସ୍ ଭରତ, ଚେତନ ସାକାରିଆ, ମିଚେଲ ଷ୍ଟାର୍କ, ଶ୍ରୀକର ଭରତ, ରମଣଦୀପ ସିଂ, ଶେରଫେନ ରାଦରଫୋର୍ଡ, ମନୀଷ ପାଣ୍ଡେ, ମୁଜିବ ଉର ରହମାନ, ଗସ୍ ଆଟକିନ୍ସନ୍, ଶାକିବ ହୁସେନ୍।